ଏଲସାଲଭେଡର,୧୬।୬: ଆପଣ ନିଶ୍ଚୟ ଅନେକ ଦାମୀ କାର, ବଡ ଅଟ୍ଟାଳିକା ଇତ୍ୟାଦି ନିଆଁକୁ ଆୟତ୍ତ କରୁଥିବା ଦେଖିଥିବେ, କିନ୍ତୁ ଆପଣ କେବେ ଦେଖିଛନ୍ତି କି ୫ ବିଲିୟନରୁ ଅଧିକ ମୂଲ୍ୟର ଦ୍ରବ୍ୟରେ କେହି ନିଆଁ ଲଗାଉଛନ୍ତି। ସମ୍ଭବତଃ ନୁହେଁ । କିନ୍ତୁ କୋଟି କୋଟି ଟଙ୍କାର କିଛି ଜିନିଷକୁ କେମିତି ନିଆଁରେ ପୋଡି ଦିଆଯାଏ ଆସନ୍ତୁ ଦେଖିବା ସେମିତି କିଛଇ ଦୃଶ୍ୟ।
ପ୍ରକୃତରେ, କଥା ହେଉଛି ସେଣ୍ଟ୍ରାଲ ଆମରିକାର ଏଲ ସାଲଭାଡୋର ପୋଲିସ ୬୭ ମିଲିୟନ ଡଲାର (ପ୍ରାୟ ୫,୫୯,୫୪,୨୭,୯୫୦ ଟଙ୍କା) କୋକେନ ଜବତ କରି ନିଆଁ ଲଗାଇ ଦେଇଛି। ଏହି ନିଆଁ ଏତେ ଭୟଙ୍କର ଥିଲା ଯେ ନିଆଁ ଆକାଶକୁ ଛୁଇଁବା ଭଳି ଲାଗୁଥିଲା। ସମଗ୍ର ଅଞ୍ଚଳ କଳା ଧୂଆଁର ମେଘ ଦ୍ୱାରା ଆଚ୍ଛାଦିତ ହୋଇଥିଲା।
ଦେଶର ଉପକୂଳଠାରୁ ପ୍ରାୟ ୧୬୩୦ କିଲୋମିଟର ଦୂରରେ ଡଙ୍ଗାରେ ଯାତ୍ରା କରୁଥିବା ୭ଜଣଙ୍କଠାରୁ ଏଲ ସାଲଭାଡୋର ପୋଲିସ ଏହି କୋକେନକୁ ଜବତ କରିଛି। ପୋଲିସ ଏହି କୋକେନକୁ ଜାଳିବାର ଭିଡିଓ ସୋସିଆଲ ମିଡିଆରେ ଶେୟାର କରିଛି।
ସମୁଦ୍ରରେ ପାଟ୍ରୋଲିଂ କରୁଥିବାବେଳେ ପୋଲିସ କେତେକ ଡଙ୍ଗାରେ ସନ୍ଦେହଜନକ ଲୋକଙ୍କୁ ଦେଖିଥିଲା। ଯେତେବେଳେ ପୋଲିସ ସେମାନଙ୍କୁ ଧରି ଡଙ୍ଗାଗୁଡ଼ିକୁ ଯାଞ୍ଚ କଲା, ସେଠାରେ ଉପସ୍ଥିତ ସମସ୍ତେ ଚକିତ ହୋଇ ଯାଇଥିଲେ। ଡଙ୍ଗାଗୁଡ଼ିକରେ ୨.୭ ଟନ କୋକେନ ଧାରଣ କରାଯାଇଥିଲା। ଏହି ମାମଲାରେ ପୋଲିସ ଦୁଇ ଇକ୍ୟୁଏଡର ନାଗରିକ, ଦୁଇ କଲମ୍ବିଆ ଏବଂ ତିନି ମେକ୍ସିକୋ ନାଗରିକଙ୍କୁ ଗିରଫ କରିଛି।
ଏଲ ସାଲଭାଡୋରର ଆଟର୍ଣ୍ଣି ଜେନେରାଲଙ୍କ କାର୍ଯ୍ୟାଳୟ ଅନୁଯାୟୀ, ଜବତ ହୋଇଥିବା କୋକେନକୁ ରାଜଧାନୀ ସାନ ସାଲଭାଡୋରର ପୂର୍ବ ଇଲୋପଙ୍ଗୋ ସହରରେ ପୋଡି ଦିଆଯାଇଥିଲା।
#Antinarcóticos | Fiscal brinda más detalles de la droga incautada y destruida 👇🏼: pic.twitter.com/rHFYv55hBT
— Fiscalía General de la República El Salvador (@FGR_SV) June 11, 2024
