ଭୁବନେଶ୍ୱର,୨୧ା୯(ବ୍ୟୁରୋ): ସୋମବାର ମୋଟ୍ ୩୦ ଜିଲାରୁ ୪,୨୪୨ ନୂଆ ପଜିଟିଭ୍ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୧, ୮୪,୧୨୨ରେ ପହଞ୍ଚିଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ସୂଚନା ଦେଇଛି। ଏଥିମଧ୍ୟରୁ କ୍ୱାରାଣ୍ଟାଇନ୍ରୁ ୨୫୦୩ ଜଣ ଚିହ୍ନଟ ହୋଇଥିବା ବେଳେ ୧୭୩୯ ଜଣ ସ୍ଥାନୀୟ ସଂକ୍ରମିତ ଅଟନ୍ତି।
ଆଜି ସର୍ବାଧିକ ଖୋର୍ଦ୍ଧା ଜିଲାରୁ ୬୫୨ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ କଟକରୁ ୫୯୫ ଏବଂ ଝାରସୁଗୁଡ଼ାରୁ ୨୦୫ ଜଣ ଚିହ୍ନଟ ହୋଇଛନ୍ତି। ସେହିପରି ଅନୁଗୋଳରୁ ୧୩୦, ବାଲେଶ୍ୱର ୧୫୫, ବରଗଡ଼ ୧୧୪, ଭଦ୍ରକ ୧୧୪, ବଲାଙ୍ଗୀର ୬୮, ବୌଦ୍ଧ ୪୫, ଦେବଗଡ଼ ୧୦, ଢେଙ୍କାନାଳ ୭୧, ଗଜପତି ୨୭, ଗଞ୍ଜାମ ୫୭, ଜଗତସିଂହପୁର ୧୭୬, ଯାଜପୁର ୧୩୧, କଳାହାଣ୍ଡି ୪୦, କନ୍ଧମାଳ ୧୫୩, କେନ୍ଦ୍ରାପଡ଼ା ୧୫୫, କେନ୍ଦୁଝର ୬୨, କୋରାପୁଟ ୯୦, ମାଲକାନଗିରି ୬୯, ମୟୂରଭଞ୍ଜ ୧୭୧, ନବରଙ୍ଗପୁର ୫୪, ନୟାଗଡ଼ ୫୩, ପୁରୀ ୧୮୨, ନୂଆପଡ଼ା ୫୮, ରାୟଗଡ଼ା ୧୩୪, ସମ୍ବଲପୁର ୧୧୩, ସୋନପୁର ୧୯ ଏବଂ ସୁନ୍ଦରଗଡ଼ରୁ ୧୩୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।
ସୂଚନାଯୋଗ୍ୟ, ରାଜ୍ୟରେ ବର୍ତ୍ତମାନ ସୁଦ୍ଧା ଆକ୍ରାନ୍ତଙ୍କ ସଂଖ୍ୟା ୧,୮୪, ୧୨୨ରେ ପହଞ୍ଚିଥିବା ବେଳେ ୧,୪୫,୬୭୫ ଜଣ ସୁସ୍ଥ ହୋଇଛନ୍ତି। ୩୭,୬୮୪ ଜଣ ଚିକିତ୍ସିତ ହେଉଛନ୍ତି। ୭୧୦ ଜଣଙ୍କ ମୃତ୍ୟୁ ଘଟିଛି।
