ପୁରୁଷୋତ୍ତମପୁର, ୧୯।୫ (ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର କୋର୍ଟର ୩୪ତମ ପ୍ରତିଷ୍ଠା ଦିବସ ମଙ୍ଗଳବାର ଓକିଲ ସଂଘ ସଭାପତି ପ୍ରକାଶଚନ୍ଦ୍ର ତ୍ରୀପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି।
ଏହି ଅବସରରେ ମୁଖ୍ୟ ଅତିଥି ଭାବେ ଜେଏମଏଫସି କୋର୍ଟର ପ୍ରଥମ ବିଚାରପତି ଭାସ୍କର ସାହୁ ଯୋଗଦେଇ କହିଥିଲେ ଯେ, ବାର ଓ ବେଞ୍ଚ ଏକ ମୁଦ୍ରାର ଦୁଇଟି ପାର୍ଶ୍ୱ। ସେହିପରି ଉଭୟଙ୍କ ମଧ୍ୟରେ ସମନ୍ୱୟ ରଖି କାର୍ଯ୍ୟ କରିବା ସହ ମହକିଲମାନଙ୍କ ସହ ଉତ୍ତମ ସମ୍ପର୍କ ରଖିବାକୁ ଓକିଲମାନଙ୍କୁ ପରାମର୍ଶ ଦେଇଥିଲେ।
ସମ୍ମାନିତ ଅତିଥି ଭାବେ ସିନିୟର ସିଭିଲ୍ ଜଜ୍ ସୁମିତା ଆଚାର୍ଯ୍ୟ ଓ ଜେଏମଏଫସି ବିଚାରପତି ଅନନ୍ୟା ପର୍ମିତା ଯୋଗଦେଇଥିଲେ।
ଏହି ଅବସରରେ ପ୍ରଥମ ବିଚାରପତି ଭାସ୍କର ସାହୁ ଏବଂ ଓକିଲାତି ପେଶାରେ ୫୦ ବର୍ଷ ଧରି ସେବା ଦେଇଆସୁଥିବା ବରିଷ୍ଠ ଓକିଲ ଓ ନୋଟାରୀ ବାସୁଦେବ ଯେନାଙ୍କୁ ସଂଘ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା।
ଏହାସହ ଦୀର୍ଘ ୩୪ ବର୍ଷ ପରେ ଓକିଲ ସଂଘ ପକ୍ଷରୁ ପ୍ରସ୍ତୁତ ଏକ ସ୍ୱତନ୍ତ୍ର ଲୋଗୋକୁ ଅତିଥିମାନେ ଉନ୍ମୋଚନ କରିଥିଲେ।
କାର୍ଯ୍ୟକ୍ରମରେ ସଂଘର ଉପସଭାପତି ଦୁର୍ଗାଚରଣ ଦାଶ, ସମ୍ପାଦକ ରବୀନ୍ଦ୍ର କୁମାର ସାହୁ, ସହ-ସମ୍ପାଦକ ରାମେନ୍ଦ୍ର ଆଚାର୍ଯ୍ୟ, ବରିଷ୍ଠ ଓକିଲ ଅରୁଣ କୁମାର ପଣ୍ଡା, ସିମାଞ୍ଚଳ ମିଶ୍ର, ଗୌରୀଶଙ୍କର ରାଉଳ, ଉପେନ୍ଦ୍ର ପଣ୍ଡା, ଦେବେନ୍ଦ୍ର ମହାପାତ୍ର, ସୀତାରାମ ପାଣିଗ୍ରାହୀ, କୃଷ୍ଣଚନ୍ଦ୍ର ଗୌଡ଼, ପି. ଗୋପାଳ, ପ୍ରଭାତ କୁମାର ପଟ୍ଟନାୟକ, ପ୍ରଶାନ୍ତ କୁମାର ମହାପାତ୍ର ସହିତ ଅନେକ ଓକିଲ ଉପସ୍ଥିତ ଥିଲେ।
ଏହି ସହ ତହସିଲଦାର ବିନୋଦ କୁମାର ବେହେରା, ଏନଏସି ନିର୍ବାହୀ ଅଧିକାରୀ ସଙ୍ଗୀତା ସେଠୀ, ଏସଡିପିଓ ସୁଜିତ କୁମାର ନାୟକ, ଆଇଆଇସି କୁଳମଣି ସେଠୀ, ପୂର୍ତ୍ତ ବିଭାଗୀୟ ଯନ୍ତ୍ରୀ ସୋନିଆ ପ୍ରଧାନଙ୍କ ସମେତ ବହୁ ଅଧିକାରୀ ଓ ମାନ୍ୟଗଣ୍ୟ ବ୍ୟକ୍ତିମାନେ ଯୋଗଦେଇଥିଲେ।
