ଆର.ଉଦୟଗିରି,୧୬ା୮(ଡି.ଏନ.ଏ.)- ମୋହନା ପୋଲିସ ଏକ ଗାଡ଼ି ସହ ୧୩ ବସ୍ତା ଗଞ୍ଜେଇ ଜବତ କରିଛି। ଆର୍.ଉଦୟଗିରି ଏସଡିପିଓ ଅନିଲ କୁମାର ପ୍ରଧାନଙ୍କ ତତ୍ତ୍ୱାବଧାନରେ ମୋହନା ଆଇଆଇସି ସୁନିଲ କୁମାର ନାୟକ ସଦଳବଳ ରବିବାର ସକାଳ ପ୍ରାୟ ୯.୩୦ରେ ଲୁହାଗୁଡ଼ି-ଚାନ୍ଦିପୁଟ ମଝିରେ କଳାମାରୀ ଗ୍ରାମ ନିକଟରେ ପାଟ୍ରୋଲିଂ କରୁଥିବାବେଳେ ଚାନ୍ଦିପୁଟ ପଟୁ ଆସୁଥିବା ଏକ ପିକ୍ଅପ୍ ଭ୍ୟାନ (ନଂ.ଓଡି୦୫ଜେଡ-୯୪୪୪)କୁ ଅଟକାଇ ଯାଞ୍ଚ କରିଥିଲେ। ସେଥିରୁ ୧୩ ବସ୍ତା ଗଞ୍ଜେଇ ମିଳିଥିଲା। ମୋହନା ବିଡ଼ିଓଙ୍କ ଉପସ୍ଥିତିରେ ଗଞ୍ଜେଇ ବସ୍ତାକୁ ଓଜନ କରିବାରୁ ୩ କୁଇଣ୍ଟାଲ ୯୧କେଜି ୭୦୦ ଗ୍ରାମ ହୋଇଥିଲା। ଯାହାର ବଜାର ଆନୁମାନିକ ମୂଲ୍ୟ ପ୍ରାୟ ୩୦ ଲକ୍ଷ ଟଙ୍କା ହେବ ବୋଲି ପୋଲିସ କହିଛି। ଗାଡ଼ି ଜବତ କରିବା ସହ ମାଲିକ ପାଉଲ ପାଣି ଓ ଚାଳକ ଅନୁଗ୍ରହ ଲିମାଙ୍କୁ ପୋଲିସ ଗିରଫ କରିବା ସହ ଗାଡି ଜବତ କରିଛି। ଏନେଇ ମୋହନା ଥାନାରେ ନଂ.୧୨୯/୨୦ରେ ମାମଲା ରୁଜୁ କରାଯାଇଛି।
