ଅଷ୍ଟ୍ରେଲିଆରେ ଏକ ନାଗୁଣୀ ପାଇଁ ୩ ନାଗ ସାପ ଲଢ଼ିଥିଲେ। ଏହି ସାପର କିଛି ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏକ ରିପୋର୍ଟରୁ ଜଣାପଡ଼ିଛି, ଅଷ୍ଟ୍ରେଲିଆର ଗୋଲ୍ଡ କୋଷ୍ଟରେ ଦୁଇ ସ୍ନେକ୍ ହେଲ୍ପ ଲାଇନରଙ୍କୁ ସାପ ଥିବା ଖବର ଆସିଥିଲା। ଜଣେ ମହିଳା ସ୍ନେକ୍ ହେଲ୍ପ ଲାଇନରଙ୍କୁ ଫୋନ୍ କରି କହିଥିଲେ, ତାଙ୍କ ଘର ବାଲକୋନିରେ କିଛି ସାପ ଓହଳିଛନ୍ତି। ଫଳରେ ମହିଳା ଜଣଙ୍କ ବହୁତ ଡରି ଯାଇଥିଲେ। ସେ ତୁରନ୍ତ ସାପଗୁଡ଼ିକୁ ଉଦ୍ଧାର କରିବାକୁ ନିବେଦନ କରିଥିଲେ।
ସୂଚନା ପାଇ ଯେତେବେଳେ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଲେ ସେତେବେଳେ ଅଜବ ଘଟଣା ଦେଖି ଆଶ୍ଚର୍ଯ୍ୟ ହୋଇଗଲେ। ସାପ ଧରାଳି ୪ଟି ସାପ ଦେଖିଥିଲେ। ସେମାନଙ୍କ ମଧ୍ୟରୁ ଗୋଟିଏ ମାଈ ଏବଂ ୩ ଟି ପୁରୁଷ ସାପ। ଉଦ୍ଧାରକାରୀ ଦଳ କହିଛନ୍ତି, ଗୋଟିଏ ମାଈ ସାପ ପାଇଁ ୩ଟି ପୁରୁଷ ସାପ ଲଢ଼େଇ କରିବା ଖୁବ୍ କମ୍ ଦେଖିବାକୁ ମିଳେ। ଶେଷରେ ସେମାନଙ୍କୁ ଅଲଗା କରି ଜଙ୍ଗଲରେ ଛାଡ଼ି ଦେଇଥିଲେ।
