ମସ୍କୋ,୫ ।୧୨: ଦକ୍ଷିଣ ରୁଷିଆ କାସପିଆସ ସମୁଦ୍ର କୂଳରେ ପ୍ରାୟ ୨୫୦୦ ସିଲ ମୃତ ଅମସ୍ଥାରେ ମିଳିଛନ୍ତି । ରବିବାର ଅଧିକାରୀଙ୍କ ନିକଟରୁ ଏହି ସୂଚନା ମିଳିଥିବା ବେଳେ କେଉର୍ଁ କାରଣ ପାଇଁ ଏକକାଳିନ ଏତେ ସିଲଙ୍କର ମୃତ୍ୟୁ ହେଲା ତାହା ଏବେ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଅଧିକାରୀମାନେ ଆରମ୍ଭରେ ଶନିବାର ସୂଚନା ଦେଇଥିଲେ କି ସମୁଦ୍ର କୂଳରେ ୭୦୦ ସିଲଙ୍କର ମୃତ୍ୟୁ ହୋଇଛି । ହେଲେ ରୁଷିଆର ପ୍ରାକୃତିକ ସଂସାଧନ ଓ ପରିବେଶ ମନ୍ତ୍ରଣାଳୟର ଦାଗେସ୍ତାନ ଡିଭିଜନ ପରେ ଏହାକୁ ବଢାଇ ୨୫୦୦ କରିଦେଇଥିଲା ।
କାସପିଆନ ପରିବେଶ ସୁରକ୍ଷା ସେଣ୍ଟରର ମୁଖ୍ୟ ଜୈର ଗୌପିଜୋଭ କହିଛନ୍ତି, କିଛି ସପ୍ତାହ ପୂର୍ବରୁ ସିଲ ଗୁଡିକ ମରି ଯାଇଛନ୍ତି ଏହାର କୌଣସି ପ୍ରମାଣ ନାହିଁ ଯେ କେହି ଏମାନଙ୍କୁ ମାରିଦେଇଥାଇ ପାରନ୍ତି ଅବା ମାଛଧରା ଜାଲରେ ପଡି ଏମାନଙ୍କ ମୃତ୍ୟୁ ହୋଇଛି । ଏପଟେ ବିଶେଷଜ୍ଞଙ୍କୁ ସମୁଦ୍ର କୂଳରେ ସେମିତି କିଛି ପ୍ରଦୂଷଣ ମଧ୍ୟ ମିଳିନାହିଁ ।
