ପରିତ୍ୟକ୍ତ ଅବସ୍ଥାରେ ୨ ପୋଖରୀ

ନୂଆପଡ଼ା,୨୯।୧୧ (ମକାରୁ ବେମାଲ): ନୂଆପଡ଼ା ଜିଲା କୋମନା ବ୍ଲକ ଅନ୍ତର୍ଗତ ଧରମପୁର ଗାଁରେ ଥିବା ଦୁଇଟି ପୋଖରୀ ଅନାବନା ଘାସରେ ପରିପୂର୍ଣ୍ଣ ହୋଇଛି। ୧୪ ଏକର ପରିଧିରେ ଧରମପୁର ବଡବନ୍ଧ(ପୋଖରୀ) ଓ ୩ ଏକର ବିଶିଷ୍ଟ ବଂଜାରୀ ସାନ ପୋଖରୀ ବ୍ୟବହାର ଅନୁପଯୋଗୀ ହୋଇଥିବାରୁ ଲୋକେ ହଇରାଣ ହେଉଛନ୍ତି। ଚାରି ୱାର୍ଡ ବିଶିଷ୍ଟ ଧରମପୁର ଗାଁରେ ୬ ଶହରୁ ଊର୍ଦ୍ଧ୍ୱ ପରିବାର ବସବାସ କରୁଥିବା ବେଳେ ୩ ହଜାରରୁ ଊର୍ଦ୍ଧ୍ୱ ଜନସଂଖ୍ୟା ରହିଛି। ଧରମପୁର ଗାଁ ସମେତ ବଂଜାରୀ ଓ ବଂଜାରୀପଡ଼ା, ଗୋହିରାପଦର ଗାଁର ସଡ଼କ ପଡ଼ାର ଲୋକେ ଶୌଚସ୍ନାନ କରିବା ପାଇଁ ୧୭ ଏକର ପରିଧିରେ ୨ଟି ପୋଖରୀ ରହିଛି। ଗୋଟିଏ ବଡ଼ବନ୍ଧ ନାମରେ ନାମିତ ଥିବାବେଳେ ଅନ୍ୟଟି ବଂଜାରୀ ସାନ ବନ୍ଧ ନାମରେ ନାମିତ ହୋଇଛି। ଦୁଇ ବନ୍ଧର ଅବସ୍ଥା ଏମିତି ଶୋଚନୀୟ ହୋଇପଡ଼ିଛି। ଗାଁ ଲୋକେ ପାଣି ବୁନ୍ଦାଏ ପାଇବା ପାଇଁ ସାତସପନ ହୋଇଯାଇଛି। ଖାଲି ଧରମପୁର ଗାଁ ସେହି ବନ୍ଧ ଉପରେ ନିର୍ଭର କରନ୍ତି ନାହିଁ। କଟକିଆ ପଡ଼ା, କଟାପଡ଼ା, ହରିଜନପଡ଼ା, ଗୁଡ଼ାରଜିଆ ପଡ଼ା, ଶବର ପଡ଼ା, ଖଲିଆ ପଡ଼ା, ବଂଜାରୀ ପଡ଼ା, ପାଥର ପଡ଼ା, ପହରିଆ ପଡ଼ା, ଗୋହିରାପଦର ଆଦି ଗାଁ ଲୋକେ ବ୍ୟବହାର କରନ୍ତି। ଜଗଲ (ଦଳ), ଲଟା, ବୁଦା, ବେଶ୍ରମ(ଅମିରିକା) ଓ ଅନାବନା ଘାସରେ ପରିପୂର୍ଣ୍ଣ ହୋଇଯାଇଛି। ସତେ ଯେମିତି ଦୂରରୁ ଦେଖିଲେ ବାର ପାହାଡ ଜଙ୍ଗଲ ସଦୃଶ୍ୟ ଦେଖାଯାଉଛି। ଆଜିକୁ ପ୍ରାୟ ୫ ବର୍ଷରୁ ଊର୍ଦ୍ଧ୍ୱ ହୋଇଯିବ ବନ୍ଧର ଅବସ୍ଥା ଏପରି ହୋଇଯାଇଛି। ରକ୍ଷଣାବେକ୍ଷଣ ଅଭାବ ଯୋଗୁ ଲଟାବୁଦା, ଅନାବନା ଘାସ ହୋଇ ବନ୍ଧର ପାଣି ଦେଖାଯାଉ ନାହିଁ। ଦୂରରୁ ଲୋକେ ଦେଖିଲେ କ୍ରିକେଟ ପଡିଆ ବୋଲି କହିବେ। ଫଳରେ ଗାଁ ଲୋକେ ଶୌଚସ୍ନାନ ପାଇ ବହୁତ ଅସୁବିଧାର ସମ୍ମୁଖୀନ ହେଉଛନ୍ତି। ଗାଁ ବନ୍ଧ ଶୋଚନୀୟ ଅବସ୍ଥାରେ ପଡିଥିବାରୁ ନଈ, ନାଳ, ଚହଳା, ଖୋଳାକୂଅ କିମ୍ବା ନଦୀରେ ବାଲିଚୁଆଁ କରି ଲୋକେ ପାଣି ବ୍ୟବହାର କରୁଛନ୍ତି। ଫଳରେ ଲୋକେ ବିଭିନ୍ନ ରୋଗର ଶିକାର ହେଉଛନ୍ତି। ଦୁଇଟି ବନ୍ଧ ମଧ୍ୟଭାଗ ହିଡରେ ବହୁ ପୁରାତନ ମହାଦେବ ମନ୍ଦିର ରହିଛି। ସେଠାରେ ସୋମବାର ବହୁ ଶ୍ରଦ୍ଧାଳୁ ଆସି ଶିବଲିଙ୍ଗରେ ଜଳ ଢାଲୁଥିଲେ। ବର୍ତ୍ତମାନ ଶିବଲିଙ୍ଗରେ ଜଳ ଢାଲିବା ପାଇଁ ନ ଥିବାରୁ ଲୋକେ ମନ୍ଦିର ଆସିବା ବନ୍ଦ କରି ଦେଲେଣି। ମନ୍ଦିର ଏବେ ଜରାଜୀର୍ଣ୍ଣ ଅବସ୍ଥାରେ ପଡ଼ିଛି। ସେହି ଦୁଇ ବନ୍ଧକୁ ପ୍ରତି ବର୍ଷ ନିଲାମ କରି ଲକ୍ଷାଧିକ ଟଙ୍କା ପଞ୍ଚାୟତକୁ ରାଜସ୍ବ ମଧ୍ୟ ଆସୁଥିଲା। ରକ୍ଷଣାବେକ୍ଷଣ ଅଭାବ ଯୋଗୁ ରାଜସ୍ବ ମଧ୍ୟ ବନ୍ଦ ହୋଇଯାଇଛି। ସରପଞ୍ଚ, ବିଡିଓ ଓ ଜିଲାପାଳ ପର୍ଯ୍ୟନ୍ତ ଗ୍ରାମବାସୀ ଅଭିଯୋଗ କଲେ ମଧ୍ୟ କୌଣସି ସୁଫଳ ମିଳୁନାହିଁ। ଏ ସଂକ୍ରାନ୍ତରେ କୋମନା ବିଡିଓ ସର୍ବେଶ୍ୱର ଜାଲଙ୍କୁ ପଚାରିବାରୁ ଧରମପୁର ବନ୍ଧ ଉପରେ ଅଭିଯୋଗ ଆସିନାହିଁ। ହେଲେ ଲୋକଙ୍କଠାରୁ ଶୁଣୁଛୁ ଯେ, ବନ୍ଧର ଅବସ୍ଥା ଅତି ଶୌଚନୀୟ ହୋଇପଡ଼ିଛି। ତଦନ୍ତ କରି କେତେ ଟଙ୍କା ଖର୍ଚ୍ଚ ହେବ ସେ ନେଇ ଉପରିସ୍ଥ ଅଧିକାରୀଙ୍କୁ ଜଣାଇବୁ। ଶୀଘ୍ର ଯେମିତି ପୋଖରୀ ସଫା ହୋଇପାରିବ ସେ ଉପରେ ବିଚାର କରାଯିବ ବୋଲି ସେ କହିଥିଲେ।
ସେମାନେ ଯାହା କୁହନ୍ତି…
ପଞ୍ଚାୟତରେ ପର୍ଯ୍ୟାପ୍ତ ପରିମାଣର ଫଣ୍ଡ ନାହିଁ
ପଞ୍ଚାୟତରେ ପର୍ଯ୍ୟାପ୍ତ ପରିମାଣର ଫଣ୍ଡ ନାହିଁ। ବିଭିନ୍ନ ଉନ୍ନୟନ କାର୍ଯ୍ୟ ପାଇଁ ପଞ୍ଚାୟତକୁ ୧୫ ଲକ୍ଷ ଟଙ୍କା ଆସୁଛି। ବନ୍ଧ ସଫା କରିବା ପାଇଁ କୋଟିଏରୁ ଊର୍ଦ୍ଧ୍ୱ ଟଙ୍କା ଖର୍ଚ୍ଚ ହେବ। ଏଥିପାଇଁ ସରକାର ଦୃଷ୍ଟି ଦେଇ ଆବଶ୍ୟକ ପରିମାଣର ଅର୍ଥ ମଞ୍ଜୁର କଲେ ବନ୍ଧ ସଫା ହେବ ଏବଂ ଗ୍ରାମବାସୀ ଉପକୃତ ହୋଇପାରିବେ।
ତରବୋଡ ସରପଞ୍ଚ, ଶ୍ୟାମସୁନ୍ଦର ପୃଷ୍ଟି।
ଅଭିଯୋଗ ପରେ ବି ଫଳ ଶୂନ
ଗ୍ରାମବାସୀ ଅନେକ ଥର ବନ୍ଧର ପଙ୍କ ଉଦ୍ଧାର କରିବା ପାଇଁ ସରପଞ୍ଚଙ୍କଠାରୁ ଆରମ୍ଭ କରି ବିଭିନ୍ନ ଅଧିକାରୀ ଓ ମନ୍ତ୍ରୀଙ୍କୁ ଅଭିଯୋଗ କରିଛନ୍ତି। ହେଲେ କୌଣସି ସୁଫଳ ମିଳିନାହିଁ।
ସାମାଜିକ କର୍ମୀ ଲାଲମନ ଖର୍ସେଲ।
ଶୀଘ୍ର ପଙ୍କ ଉଦ୍ଧାର କରାଯାଉ
ଅନେକ ଥର ଅଭିଯୋଗ ପରେ ମଧ୍ୟ ପୋଖରୀ ପ୍ରତି କାହାର ଦୃଷ୍ଟି ପଡୁନାହିଁ। ଏହାର ପଙ୍କ ଉଦ୍ଧାର, ଉନ୍ନତି ପ୍ରତି ନିର୍ବାଚନ ପ୍ରତିନିଧି ଓ ବିଭାଗୀୟ ଅଧିକାରୀ କୁଣ୍ଠାବୋଧ କାହିଁକି କରୁଛନ୍ତି। ତେଣୁ ଶୀଘ୍ର ପଙ୍କ ଉଦ୍ଧାର କରାଯାଉ।
ଭୁଜବଳ ଖର୍ସେଲ, ଗ୍ରାମବାସୀ।
ପାଣି ବିନା ପ୍ରାଣୀଙ୍କ କ’ଣ ହେବ
ପାଞ୍ଚ ବର୍ଷରୁ ଊର୍ଦ୍ଧ୍ୱ ହୋଇଯିବ ପାଣିର ଅଭାବ ଦେଖାଦେଇଛି। ହେଲେ ଗାଁ ଲୋକେ ବ୍ୟବସ୍ଥା କରି ଚଳି ଯାଉଛନ୍ତିପରିତ୍ୟକ୍ତ ଅବସ୍ଥାରେ ୨ ପୋଖରୀ
ରକ୍ଷଣାବେକ୍ଷଣ ଅଭାବ, ଅନାବନା ଘାସରେ ଭର୍ତ୍ତି
ବାଲିଚୁଆଁ କରି ପାଣି ବ୍ୟବହାର କରୁଛନ୍ତି ଲୋକେ ହେଲେ ପଶୁପକ୍ଷୀ, ବନ୍ୟପ୍ରାଣୀଙ୍କ ଅବସ୍ଥା କ’ଣ ହେଉଥିବ। ଆଗକୁ ଗ୍ରୀଷ୍ମ ଋତୁ ଆସୁଛି, ଏଥିପ୍ରତି ବିଭାଗୀୟ ଉଚ୍ଚ କର୍ତ୍ତୃପକ୍ଷ ଦୃଷ୍ଟି ଦିଅନ୍ତୁ।
ତେଜରାମ କେତକି, ଗ୍ରାମବାସୀ।

Dharitri – Odisha’s No.1 Odia Daily

Enter your email to get our daily news in your inbox.

All Right Reserved By Dharitri.Com

ଅଷ୍ଟ୍ରେଲିଆ କ୍ରିକେଟରେ ହଲଚଲ: କମିନ୍ସଙ୍କ ସମର୍ଥନରେ ଦେଲେ ଅବସର ଚେତାବନୀ

ନୂଆଦିଲ୍ଲୀ,୨୧।୧୧: ଉସମାନ ଖୱାଜା ସାଣ୍ଡପେପର୍‌ ବିବାଦକୁ ନେଇ କରିଥିବା ଦାବି ପରେ ଅଷ୍ଟ୍ରେଲିଆ କ୍ରିକେଟ ଦଳରେ ବଡ଼ ଝଡ଼ ସୃଷ୍ଟି ହୋଇଛି। ଏହି ଘଟଣାକୁ ନେଇ ଖେଳାଳିମାନେ…

ଭାରତର ପ୍ରଥମ ସ୍ବଦେଶୀ ଏଚ୍‌୫ଏନ୍‌୧ ଟିକା ଶୁଭାରମ୍ଭ

ନୂଆଦିଲ୍ଲୀ,୨୨ା୧୧:କୁକୁଡ଼ାମାନଙ୍କୁ ଅତ୍ୟଧିକ ସଂକ୍ରାମକ ଆଭିଆନ୍‌ ଇନ୍‌ଫ୍ଲୁଏଞ୍ଜା (ଏଚ୍‌ପିଏଆଇ) ବା ବାର୍ଡ ଫ୍ଲୁରୁ ରକ୍ଷା କରିବା ଲକ୍ଷ୍ୟରେ କେନ୍ଦ୍ର କୃଷି ମନ୍ତ୍ରୀ ଶିବରାଜ ସିଂ ଚୌହାନ ଶୁକ୍ରବାର ଦେଶର…

ଏସିଆ କପ ଫାଇନାଲରେ ଭାରତ-ପାକିସ୍ତାନ ମ୍ୟାଚ ରଦ୍ଦ: ପାକିସ୍ତାନକୁ ଚାମ୍ପିୟନ ଘୋଷଣା, ରାଗରେ ଭାରତ କଲା ଏମିତି…

ନୂଆଦିଲ୍ଲୀ,୨୧।୧୧: ମେନ୍ସ ବ୍ଲାଇଣ୍ଡ କ୍ରିକେଟ ଏସିଆ କପ ୨୦୨୬ର ଫାଇନାଲ ମ୍ୟାଚ ଶୁକ୍ରବାର ଭାରତ ଓ ପାକିସ୍ତାନ ମଧ୍ୟରେ ଖେଳାଯିବାର ଥିଲା। ହେଲେ ବାଂଲାଦେଶର ଢାକାରେ ଲଗାତାର…

ଏସ୍‌ଏସ୍‌ବି ଜୁନିୟର ଆସିଷ୍ଟାଣ୍ଟ, କ୍ଲର୍କ ପରୀକ୍ଷା ଘୁଞ୍ଚିଲା: ଏହି ଦିନ ହେବ ପରୀକ୍ଷା

ଭୁବନେଶ୍ୱର,୨୧ା୧୧(ସୁଚିସ୍ମିତା ସାହୁ):ବାତ୍ୟା ‘ଅକ୍ୱାନ’ର ପ୍ରଭାବକୁ ଦୃଷ୍ଟିରେ ରଖି ଷ୍ଟେଟ ସିଲେକ୍ସନ ବୋର୍ଡ (ଏସ୍‌ଏସ୍‌ବି) ପକ୍ଷରୁ ଜୁନିୟର ଆସିଷ୍ଟାଣ୍ଟ ଓ ଜୁନିୟର କ୍ଲର୍କ ପଦବୀ ପାଇଁ ହେବାକୁ ଥିବା…

ଛୋଟ ସାଥୀକୁ ଗିଳିଦେଲା ବିଶାଳକାୟ ତାରା: ମହାକାଶରେ ବିରଳ ଦୃଶ୍ୟ

ଓ୍ବାଶିଂଟନ,୨୧ା୧୧:ମହାକାଶ ବିଜ୍ଞାନ ଇତିହାସରେ ପ୍ରଥମ ଥର ପାଇଁ ଜ୍ୟୋତିର୍ବିଜ୍ଞାନୀମାନେ ଏକ ବିଶାଳକାୟ ତାରା ନିଜର ଛୋଟ ସାଥୀ ତାରାକୁ ଗିଳିିଦେଇ ନିଜ ଭିତରେ ମିଶାଇଦେବାର ବିରଳ ଘଟଣାକୁ…

୧ ଲକ୍ଷ ୧୫ ହଜାରକୁ ଖସିଲା ସୁନା

ନୂଆଦିଲ୍ଲୀ,୨୧ା୧୧: ସୁନା ଓ ରୁପା ଦରରେ ଲଗାତର ହ୍ରାସ ଜାରି ରହିଛି। ଇଣ୍ଡିଆନ ବୁଲିୟନ ଜୁଏଲର୍ସ ଆସୋସିଏଶନ(ଆଇବିଜେଏ)ର ସୂଚନା ଅନୁଯାୟୀ ଶୁକ୍ରବାର ୧୦ ଗ୍ରାମ (୨୪ କ୍ୟାରେଟ)…

କୃତ୍ରିମ ଚନ୍ଦ୍ର ମାଟିରେ ଆଳୁ ଚାଷ କଲେ ବୈଜ୍ଞାନିକ

ୱାଶିଂଟନ, ୨୧ା୧୧: କୃତ୍ରିମ ଚନ୍ଦ୍ର ମାଟିରେ ପୁଷ୍ଟିକର ଏବଂ ଖାଇବା ଉପଯୋଗୀ ଆଳୁ ଚାଷ କରିବାରେ ବୈଜ୍ଞାନିକମାନେ ସଫଳତା ହାସଲ କରିଛନ୍ତି। ନାସା ସହାୟତାରେ ଓରେଗନ୍‌ ଷ୍ଟେଟ୍‌…

ବାତ୍ୟା ସୁହାଇଲା,୨୩ ଯାଏ ଗୃହ ମୁଲତବୀ

ଭୁବନେଶ୍ୱର,୨୧।୧୧ (ରବିନାରାୟଣ ଜେନା): ବିଧାନସଭାର ଶୀତକାଳୀନ ଅଧିବେଶନର ତୃତୀୟ ଦିନରେ ଶୁକ୍ରବାର ଗୃହକାର୍ଯ୍ୟ ଆରମ୍ଭ ହେବାମାତ୍ରେ ବାଚସ୍ପତି ସୁରମା ପାଢ଼ୀ ସଂସଦୀୟ ବ୍ୟାପାର ତଥା ବୈଦ୍ୟୁତିକ ଓ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?