ଜରାଜୀର୍ଣ୍ଣ ଅବସ୍ଥାରେ ରାଜ୍ୟର ୧୫୭ ଡାକବଙ୍ଗଳା
7:32 amSeptember 30, 2023September 30, 2023 / 04

ଭୁବନେଶ୍ୱର, ୩୦।୯(ସୁନିତ୍‌ ମିଶ୍ର): ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗ ଅଧୀନ ୧୫୭ଟି ଡାକବଙ୍ଗଳା (ଆଇବି) ଏବେ ଜରାଜୀର୍ଣ୍ଣ ଅବସ୍ଥାରେ ରହିଛି। ସେଥିମଧ୍ୟରୁ କେନ୍ଦୁଝରରେ ସର୍ବାଧିକ ୨୩ଟି ଆଇବି ଏବଂ ରେଷ୍ଟ ସେଡ୍‌ ଜରାଜୀର୍ଣ୍ଣ ଅବସ୍ଥାରେ ଅଛି। ସେହିପରି ବୌଦ୍ଧ ଜିଲାର ୧୨ଟି, ଗଞ୍ଜାମ ଜିଲାର ୧୪, ଅନୁଗୋଳର ୯, ବରଗଡ଼ର ୪, ଭଦ୍ରକର ୩, ବଲାଙ୍ଗୀରର ୩, କଟକର ୧, ଦେବଗଡ଼ର ୧, ଗଜପତିର୯, ଯାଜପୁରର ୪, ଝାରସୁଗୁଡ଼ାର ୭, କଳାହାଣ୍ଡିର ୬, କନ୍ଧମାଳର ୧୫, କେନ୍ଦ୍ରାପଡ଼ାର ୬ଟି ଡାକବଙ୍ଗଳା ଜରାଜୀର୍ଣ୍ଣ ଅବସ୍ଥାରେ ରହିଛି। ସେହିପରି କୋରାପୁଟର ୫, ମାଲକାନଗିରିର ୩, ମୟୂରଭଞ୍ଜର ୫, ନବରଙ୍ଗପୁରର ୫, ନୟାଗଡର ୨, ନୂଆପଡ଼ାର ୪, ପୁରୀର ୩, ରାୟଗଡ଼ାର ୪, ସମ୍ବଲପୁରର ୬, ଏବଂ ସୁନ୍ଦରଗଡ଼ର ୩ଟି ଜରାଜୀର୍ଣ୍ଣ ଭାବେ ପଡ଼ିରହିଛି। ବାଲେଶ୍ୱର, ଢେଙ୍କାନାଳ, ଜଗତ୍‌ସିଂହପୁର, ଖୋର୍ଦ୍ଧା, ସୁବର୍ଣ୍ଣପୁର ଜିଲାରେ ସେମିତି କିଛି ଡାକବଙ୍ଗଳା ଜରାଜୀର୍ଣ୍ଣ ଅବସ୍ଥାରେ ନାହିଁ। ତେବେ ଜିଲାଗୁଡିକରୁ ପ୍ରସ୍ତାବ ନ ଆସିବା ଯୋଗୁ ଉପରୋକ୍ତ ୧୫୭ଟି ଡାକବଙ୍ଗଳା ଜରାଜୀର୍ଣ୍ଣ ଅବସ୍ଥାରେ ରହିଥିବା ମନ୍ତ୍ରୀ ସୁଦାମ ମାରାଣ୍ଡି ତାଙ୍କ ଉତ୍ତରରେ କହିଛନ୍ତି।