ମୁମ୍ବାଇ,୧୪ ।୪: ମହାରାଷ୍ଟ୍ରର ଭୋଇୱାଡାରେ ବୁଧବାର ୧୩୧ କିଲୋଗ୍ରମାର ଏକ କେକ୍ କଟାଟାଇଛି । ସମ୍ବିଧାନ ପ୍ରଣେତା ଡ. ବି. ଆର. ଆମ୍ବେଦକରଙ୍କ ୧୩୧ତମ ଜନ୍ମ ବାର୍ଷିକି ଅବସରରେ ଏହି କେକ କଟାଯାଇଛି । ଏହି କେକ କଟାଯିବା ସମୟରେ କ୍ୟାବିନେଟ ମନ୍ତ୍ରୀ ବର୍ଷା ଏକନାଥ ଗଏକୱାଡ ଉପସ୍ଥିତ ଥିଲେ ।
ଦଳିତ ଅଧିକାରର ମୁଖ୍ୟ ତଥା ଭାରତୀୟ ସମ୍ବିଧାନର ମୁଖ୍ୟ ସ୍ଥପତି କୁହାଯାଉଥିବା ଡ. ଭୀମରାଓ ରାମଜୀ ଆମ୍ବେଦକର ୧୪ ଏପ୍ରିଲ, ୧୮୯୧ରେ ମଧ୍ୟ ପ୍ରଦେଶର ମାଓରେ ଜନ୍ମ ନେଇଥିଲେ । ପ୍ରତିବର୍ଷ ବାବା ସାହେବ ଆମ୍ବେଦକରଙ୍କ ଜନ୍ମ ଜୟନ୍ତି ପାଳନ କରାଯାଇଥାଏ । ସ୍ୱାଧୀନ ଭାରତ ଗଠନରେ ତାଙ୍କର ଅବଦାନକୁ ସମ୍ମାନ ଜଣାଇ ପ୍ରତିବର୍ଷ ଆମ୍ବେଦକର ଜୟନ୍ତି ପାଳନ କରାଯାଇଥାଏ । ହିନ୍ଦୁ ଧର୍ମରେ ଅସ୍ପୁର୍ଶ୍ୟ ବିବେଚିତ ହେଇଥିବା ଆମ୍ବେଦକର ୧୪ ଅକ୍ଟୋବର ୧୯୫୬ରେ ନାଗପୁରରେ ୫୦୦,୦୦୦ ସମର୍ଥକଙ୍କ ସହ ବୁଦ୍ଧ ଧର୍ମ ଗ୍ରହଣ କରିଥିଲେ ।
