Odisha Elections 2024

ଅବହେଳାରୁ ୧୨୪କୋଟି କ୍ଷତି

ଭୁବନେଶ୍ୱର,୩।୧୧(ବ୍ୟୁରୋ): ପରିବହନ ବିଭାଗର କେତେକ ଅଧିକାରୀଙ୍କ ଖାମଖିଆଲ ମନୋଭାବ ଏବଂ ଟିକସ ଆଦାୟରେ ଅନିୟମିତତା ଯୋଗୁ ରାଜ୍ୟ ସରକାରଙ୍କୁ ବହୁ କୋଟି ଟଙ୍କାର ରାଜସ୍ବ ହରାଇବାକୁ ପଡୁଛି। ମୋଟର ଯାନ ଟିକସ ଆଦାୟ ବିଳମ୍ବ, ଡେରିରେ ଆଦାୟ ହେଉଥିବା ଟିକସରେ ଜରିମାନା ଆଦାୟ ନ କରିବା, ପରମିଟ ନ ଥାଇ ହଜାର ହଜାର ଗାଡ଼ି ଚାଲୁଥିଲେ ମଧ୍ୟ ସେସବୁ ଉପରେ ଜରିମାନା ଲଗାଇବାରେ ଆର୍‌ଟିଓଗୁଡ଼ିକ ବିଫଳ ହୋଇଛନ୍ତି। କେବଳ ସେତିକି ନୁହେଁ, ପରିବହନ ବିଭାଗ ଅଧିକାରୀ ଯାନବାହନ ମାଲିକଙ୍କ ସହ ସଲାସୁତରା ଯୋଗୁ ପର୍‌ମିଟ ପ୍ରଦାନରେ ମଧ୍ୟ ବ୍ୟାପକ ଘୋଟାଲା ହୋଇଛି। ଦୂରଗାମୀ ଏବଂ ଆନ୍ତଃ ରାଜ୍ୟ ଯାତ୍ରୀବାହୀ ଯାନଗୁଡ଼ିକୁ ସାଧାରଣ ଯାନ ଭାବେ ପଞ୍ଜୀକୃତ କରାଯାଇଛି। ଏଥିଯୋଗୁ ପଞ୍ଜୀକୃତ ଯାନବାହାନରୁ ଟିକସ ଆଦାୟ ବାଟବଣା ହୋଇଛି। ଫଳରେ ସରକାରଙ୍କୁ ୧୨୩.୯୭ କୋଟି ଟଙ୍କାର ରାଜସ୍ବ କ୍ଷତି ସହିବାକୁ ପଡ଼ିଥିବା କମ୍ପଟ୍ରୋଲର ଆଣ୍ଡ ଅଡିଟର ଜେନେରାଲ (ସିଏଜି)ଙ୍କ ରିପୋର୍ଟରୁ ଜଣାପଡ଼ିଛି।
ସିଏଜି ଉଲ୍ଲେଖ କରିଛନ୍ତି ଯେ, ବାଣିଜ୍ୟ ଓ ପରିବହନ ବିଭାଗର ୫୨ ୟୁନିଟରୁ ୩୮ଟି ୟୁନିଟରେ ହୋଇଥିବା ଅଡିଟରେ ୨୦୧୭-୧୮ ଆର୍ଥିକ ବର୍ଷରେ ୬୪ ଲକ୍ଷ ୭୬ ହଜାର ୫୫ ଯାନବାହନ ପଞ୍ଜୀକୃତ ହୋଇଥିଲା। ସେଥିରୁ ୧୧,୨୦,୦୯୩ ଯାନ ଯାଞ୍ଚ କରିବାବେଳେ ୫୭,୭୬୭ଟି ମାମଲାରେ ୧୨୩.୯୭ କୋଟି ଟଙ୍କାର ଟିକସ ଆଦାୟରେ ହେରଫେର ହୋଇଥିବା ଜଣାପଡ଼ିଛି। ଓଡ଼ିଶା ମୋଟର ଯାନ ଅଧିନିୟମ-୧୯୭୫ର ଧାରା ୩(୧) ଏବଂ ୩ ଅନୁଯାୟୀ ବ୍ୟବହାର କିମ୍ବା ବ୍ୟବହାର ପାଇଁ ରଖାଯାଇଥିବା ମୋଟର ଯାନଠାରୁ ଟିକସ ଆଦାୟ କରାଯିବ। ସେହିପରି ୨୦୧୭ ଏପ୍ରିଲରୁ ୨୦୧୮ ଫେବୃୟାରୀ ମଧ୍ୟରେ ୩୫ଟି ଆଞ୍ଚଳିକ ପରବହନ କାର୍ଯ୍ୟାଳୟ(ଆର୍‌ଟିଓ)ରୁ ୩୨ କାର୍ଯ୍ୟାଳୟର ‘ବାହାନ’ ଡାଟାବେସ ସହ ସଂଯୋଗ ହୋଇଥିବା ଟିକସ ନଥିପତ୍ର ଯାଞ୍ଚ କରାଯାଇଥିଲା। ଏଥିରେ ୨ଟି ଶ୍ରେଣୀରେ ମୋଟ ୪,୧୩,୮୨୨ଟି ପଞ୍ଜୀକୃତ ଯାନ ମଧ୍ୟରୁ ୨୭,୪୧୩ ଯାନର ମାଲିକ (୨୦୧୫ରୁ ୨୦୧୭ ମଧ୍ୟରେ) ଟିକସ, ଅତିରିକ୍ତ ଟିକସ ଓ ଜରିମାନା ବାବଦରେ ୮୦.୨୩ କୋଟି ପଇଠ କରି ନଥିବା ଜଣାପଡ଼ିଛି। ସେହିପରି ପଞ୍ଜୀକୃତ ୧୩,୫୨୦ ଟ୍ରେଲର ସଂଲଗ୍ନ ଟ୍ରାକ୍ଟର, ଘରୋଇ ଯାନ ଏବଂ ଶିକ୍ଷାନୁଷ୍ଠାନରେ ବ୍ୟବହାର ହେଉଥିବା ବସ୍‌ଠାରୁ ଟିକସ ବାବଦରେ ୪.୦୬ କୋଟି ଏବଂ ଜରିମାନା ବାବଦରେ ୮୧.୧୨ କୋଟି ଟଙ୍କା ଆଦାୟ କରିନାହାନ୍ତି। ଖାଲି ସେତିକି ନୁହେଁ ରାଜ୍ୟ ପରିବହନ କର୍ତ୍ତୃପକ୍ଷ ଏବଂ ଆରଟିଓ ପର୍‌ମିଟ ଡାଟାବେସ ମଧ୍ୟରେ ତାଳମେଳ ନ ଥିବାରୁ ୫.୫୪ ଲକ୍ଷ ଟଙ୍କା ଟିକସ ଆଦାୟ ହୋଇପାରି ନାହିଁ। ସେହିପରି ଆନ୍ତଃରାଜ୍ୟ ପରମିଟ ଦେବାରେ ମଧ୍ୟ ହେରଫେର ହୋଇଛି। ଯାନବାହନଗୁଡ଼ିକ ୨୫ କି.ମି.ରୁ ଅଧିକ ଦୂରକୁ ହେଲେ ଦୂରଗାମୀ ପରମିଟ ଦିଆଯାଇଥାଏ। ତେବେ ପରିବହନ ଅଧିକାରୀ ୪୯ଟି ଯାନର ଦୂରଗାମୀ ପରମିଟକୁ ସାଧାରଣ ପରମିଟରେ ପରିବର୍ତ୍ତନ କରି ଦେଇଛନ୍ତି। ଏଥିଯୋଗୁ ସରକାରଙ୍କୁ ୧୭.୩୭ ଲକ୍ଷ ଟଙ୍କାର ଟିକସ ଓ ଜରିମାନା କ୍ଷତି ସହିବାକୁ ପଡ଼ିଛି। ଏପରି କି ୧୪ଟି ଆନ୍ତଃରାଜ୍ୟ ଯାତ୍ରୀବାହୀ ଯାନକୁ ସାଧାରଣ ପରମିଟ ଦିଆଯାଇଛି। ଏଥିପାଇଁ ୬.୧୦ଲକ୍ଷ ଟଙ୍କାର ରାଜସ୍ବ ହରାଇବାକୁ ପଡ଼ିଛି। ସେହିପରି ଶୀତତାପ ନିୟନ୍ତ୍ରିତ ଯାତ୍ରୀବାହୀ ଯାନର ଟିକସ ଧାର୍ଯ୍ୟ ବିଳମ୍ବ ଯୋଗୁ ୯୯.୭୩ କୋଟି ଟଙ୍କା କ୍ଷତି ହୋଇଥିବା ସିଏଜି ତାଙ୍କ ରିପୋର୍ଟରେ ଦର୍ଶାଇଛନ୍ତି।


Enter your email to get our daily news in your inbox.

All Right Reserved By Dharitri.Com

ମହାପ୍ରଭୁଙ୍କ ଦର୍ଶନ ସାରି ମେଗା ରୋଡ ଶୋ’ କରିବେ ମୋଦି

ଭୁବନେଶ୍ୱର,୧୮ା୫:୨୦୨୪ ନିର୍ବାଚନକୁ ଦୃଷ୍ଟିରେ ରଖି ଉଭୟ ଭାଜପା ଏବଂ କଂଗ୍ରେସର କେନ୍ଦ୍ରୀୟ ନେତାମାନେ ଘନଘନ ଓଡ଼ିଶା ଗସ୍ତରେ ଆସୁଛନ୍ତି। ଏହି କ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି...

ଦ୍ବିତୀୟ ପର୍ଯ୍ୟାୟ ନିର୍ବାଚନରେ ୨୦ ପ୍ରତିଶତ ମତଦାନ କେନ୍ଦ୍ର ସମ୍ବେଦନଶୀଳ: ସିଇଓ

ଭୁବନେଶ୍ୱର,୧୮।୫: ଦ୍ବିତୀୟ ପର୍ଯ୍ୟାୟ ଭୋଟ ପ୍ରସ୍ତୁତି ନେଇ ସିଇଓ ନିକୁଞ୍ଜ ଧଳ ଶନିବାର ପ୍ରେସମିଟ କରିଛନ୍ତି। ୨ୟ ପର୍ଯ୍ୟାୟରେ ମୋଟ ୭୯ ଲକ୍ଷ ୬୯ ହଜାର...

ନିର୍ବାଚନ ପୂର୍ବରୁ ରାଜ୍ୟରେ ୧୭ କୋଟି ୧୮ ଲକ୍ଷ ନଗଦ ଟଙ୍କା ଜବତ: ଏହି ଜିଲାରୁ ଧରାପଡିଲା ସର୍ବାଧିକ

ଭୁବନେଶ୍ୱର,୧୮।୫: ନିର୍ବାଚନ ପୂର୍ବରୁ ରାଜ୍ୟରେ ୧୭ କୋଟି ୧୮ ଲକ୍ଷ ନଗଦ ଟଙ୍କା ଜବତ ହୋଇଛି। ଶନିବାର ପ୍ରେସମିଟରେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ନିକୁଞ୍ଜ...

ନବ ଦାସଙ୍କ ପୁଅଙ୍କ ପିଏଙ୍କ ଘରେ ଆଇଟି ରେଡ୍‌

ଭୁବନେଶ୍ୱର,୧୮।୫: ଦିବଙ୍ଗତ ମନ୍ତ୍ରୀ ନବ ଦାସଙ୍କ ପୁଅ ବିଶାଳ ଦାସଙ୍କ ପିଏଙ୍କ ଘରେ ଶନିବାର ଆୟକର ବିଭାଗ ପକ୍ଷରୁ ଚଢାଉ କରାଯାଇଛି। ପର୍ସନାଲ ଆସିଷ୍ଟାଣ୍ଟ ଆଶିଷ...

ନବ ଦାସଙ୍କ ପୁଅଙ୍କୁ ୪ ଘଣ୍ଟା ଜେରା କଲା ଆୟକର ବିଭାଗ

ଭୁବନେଶ୍ୱର,୧୮।୫: ଦିବଙ୍ଗତ ମନ୍ତ୍ରୀ ନବ ଦାସଙ୍କ ପୁଅ ତଥା ଝାରସୁଗୁଡ଼ା ବିଧାୟିକା ପ୍ରାର୍ଥୀ ଦୀପାଳି ଦାସଙ୍କ ଭାଇ ବିଶାଳ ଦାସଙ୍କୁ ଆୟକର ବିଭାଗ ୪ ଘଣ୍ଟା...

ଦୋକାନ ଭିତରେ ପଶିଗଲା ବରଯାତ୍ରୀଙ୍କୁ ଧରି ଫେରୁଥିବା ଗାଡ଼ି

ଭବାନୀପାଟଣା,୧୮।୫(ଉତ୍ତମ କୁମାର ଦାଶ): ସଟର ଭାଙ୍ଗି ଦୋକାନ ଭିତରକୁ ପଶିଗଲା ସ୍କର୍ପିଓ। ଶୁକ୍ରବାର ବିଳମ୍ବିତ ରାତିରେ କଳାହାଣ୍ଡି ଜିଲା ଧର୍ମଗଡଠାରେ ଦ୍ରୁତ ଗତିରେ ବରଯାତ୍ରୀଙ୍କୁ ଧରି...

୨୦ରେ ଦ୍ୱିତୀୟ ପର୍ଯ୍ୟାୟ ମତଦାନ, ଆଜି ସରିବ ପ୍ରଚାର

ଭୁବନେଶ୍ୱର,୧୮।୫: ରାଜ୍ୟରେ ଦ୍ୱିତୀୟ ପର୍ଯ୍ୟାୟ ମତଦାନ ଆସନ୍ତା ୨୦ ତାରିଖରେ ଅନୁଷ୍ଠିତ ହେବ। ଏଥିପାଇଁ ଆଜି ସରିବ ପ୍ରଚାର। ଶେଷଦିନରେ ତିନି ପ୍ରମୁଖ ଦଳ ପ୍ରଚାରକୁ...

ହୋଟେଲ ରୁମ୍‌ରେ ପୋଲିସ କନ୍‌ଷ୍ଟେବଲଙ୍କୁ ହତ୍ୟା

ବଲାଙ୍ଗୀର,୧୮।୫(ବୀରେନ୍ଦ୍ର କୁମାର ଝାଙ୍କର): ବଲାଙ୍ଗୀର ସହର ରେଲୱେ ଷ୍ଟେଶନ୍‌ ନିକଟ ଏକ ହୋଟେଲ ରୁମ୍‌ରୁ ଜଣେ ବ୍ୟକ୍ତିଙ୍କ ହାତମୁହଁ ବନ୍ଧା ମୃତଦେହ ପୋଲିସ ଉଦ୍ଧାର କରରଯାଇଛି।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri