କୋଚି,୮ା୧୦: ଇରାନର ଏକ ବୋଟ୍ରେ ଆସୁଥିବା ୨୦୦ କିଲୋଗ୍ରାମ ହେରୋଇନ୍ ଜବତ ହୋଇଛି। ଏହି ହେରୋଇନ୍ର ମୂଲ୍ୟ ୧,୨୦୦ କୋଟି ଟଙ୍କା ହେବ ବୋଲି କୁହାଯାଉଛି। ଉକ୍ତ ହେରୋଇନ୍ ଆଫଗାନିସ୍ତାନରୁ ପ୍ରଥମେ ପାକିସ୍ତାନ ଆସି ସେଠାରୁ ଇରାନୀୟ ବୋଟ୍ରେ ଭାରତ ଅଣାଯାଉଥିଲା। ବୋଟ୍ରେ ଥିବା ୩ ଜଣ ଇରାନୀୟଙ୍କୁ ଗିରଫ କରାଯାଇଛି। ହେରୋଇନ ଭାରତ ଓ ଶ୍ରୀଲଙ୍କାରେ ବିକ୍ରି ପାଇଁ ଉଦ୍ଦିଷ୍ଟ ଥିଲା ବୋଲି ଜେରା ବେଳେ ସେମାନେ କହିଛନ୍ତି। ଭାରତୀୟ ନୌସେନା ଏବଂ ନାର୍କୋଟିକ୍ କଣ୍ଟ୍ରୋଲ ବ୍ୟୁରୋ ପକ୍ଷରୁ ଗୁରୁବାର ସମୁଦ୍ରରେ ଚଢ଼ାଉ କରାଯାଇ ଉକ୍ତ ବୋଟ୍କୁ ଜବତ କରାଯିବା ସହ କେରଳର କୋଚି ବନ୍ଦରକୁ ଅଣାଯାଇଥିଲା। ଜବତ ପୂର୍ବରୁ ଅଭିଯୁକ୍ତମାନେ ସମୁଦ୍ରକୁ ଡେଇଁ ଖସିଯିବା ସହ ହେରୋଇନକୁ ପାଣିରେ ବୁଡ଼ାଇଦେବାକୁ ଉଦ୍ୟମ କରିଥିଲେ ବୋଲି ଏନ୍ସିବି ଅଧିକାରୀ ସଞ୍ଜୟ ସିଂ କହିଛନ୍ତି।
