ସୋରଡା,୩୦।୧୧(ଡି.ଏନ୍.ଏ.): ଗଞ୍ଜାମ ଜିଲା ସୋରଡ଼ା ଥାନା ପୋଲିସ ସୋମବାର ସ୍ଥାନୀୟ ଜରଉ ଛକରେ ଯାନବାହାନ ଯାଞ୍ଚ କରୁଥିବା ବେଳେ ୧୧୯୬ କେଜି ଭାଙ୍ଗ ଜବତ କରିଛି। ଗଜପତିରୁ ଖୋର୍ଦ୍ଧା ଅଭିମୁଖେ ଯାଉଥିବା ଏକ ବୋଲେରୋରୁ ୧୧୯୬ କେଜି ୯୦୦ ଗ୍ରାମ ଭାଙ୍ଗ ଜବତ କରାଯାଇଛି।
ଘଟଣାରେ ସମ୍ପୃକ୍ତ ୫ ଜଣଙ୍କୁ ପୋଲିସ ଗିରଫ କରି ମଙ୍ଗଳବାର କୋର୍ଟ ଚାଲାଣ କରାଯାଇଛି। ସେମାନଙ୍କ ନିକଟରୁ ଏକ ବାଇକ୍, ୫ଟି ମୋବାଇଲ ଫୋନ, ୫୧୦୦ ଟଙ୍କା ମଧ୍ୟ ଜବତ ହୋଇଛି। ଅଭିଯୁକ୍ତମାନେ ହେଲେ ନୟାଗଡ଼ ଜିଲା ରଗଡିମଡାର ସନ୍ତୋଷ ପାତ୍ର, ବସନ୍ତ ପାତ୍ର, ଶଙ୍କର ପାତ୍ର ଓ ପାତ୍ରପୁର ଥାନା ଅଞ୍ଚଳ ପୋଡାମାରୀର ଶ୍ୟାମସୁନ୍ଦର ପାଢୀ, ଅନନ୍ତ ଜେନା। ଏ ନେଇ ଏକ ମାମଲା (ନଂ. ୩୮୮ /୨୦୨୧) ରୁଜୁ ହୋଇଛି । ଗାଡିରୁ ୯୬ଟି ପ୍ଲାଷ୍ଟିକ ଅଖାରେ ୧୧୯୬ କେଜି ୯୦୦ ଗ୍ରାମ ଭାଙ୍ଗ ମିଳିଛି।
