ମଣିଷର ଭାଗ୍ୟ କେତେବେଳେ କ’ଣ ପରିବର୍ତ୍ତନ ହେବ ତାହା କହିହେବ ନାହିଁ। କେତେବେଳେ ଭଲ ସମୟ ଆସେ ତ ଆଉ କେତେବେଳେ ଦୁର୍ଭାଗ୍ୟ। ସାମାନ୍ୟ ଭୁଲ୍ ପାଇଁ ମଣିଷ ଗୋଟିଏ ରାତିରେ କାଙ୍ଗାଳ ହୋଇଯାଏ। ଏମିତି ଜଣେ ବ୍ୟକ୍ତିଙ୍କ କ୍ଷେତ୍ରରେ ଘଟିଛି। ୧୦୦ କୋଟିର ମାଲିକ ଥିବା ବ୍ୟକ୍ତିଜଣକ ସାମାନ୍ୟ ଭୁଲ୍ ପାଇଁ କାଙ୍ଗାଳ ହୋଇଗଲେ।
ବ୍ରିଟେନରେ ରହୁଥିବା ଜନ ମ୍ୟାକଗିନିସ୍ଙ୍କ ଭାଗ୍ୟ ପୂରା ଉଜ୍ଜ୍ୱଳ ଥିଲା। ତାଙ୍କ ପାଖରେ ଏତେ ସମ୍ପତ୍ତି ଥିଲା, ସେ ସମ୍ଭାଳି ପାରୁ ନ ଥିଲେ। କିନ୍ତୁ ଦିନେ ଏମିତି ଏକ ସମୟ ଆସିଲା ସେ କୋଟିପତିରୁ ଭିକାରୀ ହୋଇଗଲେ।
ଜନ ୧୯୯୭ରେ ୧୦୦ କୋଟି ଟଙ୍କାର ଲଟେରି ଜିତିଥିଲେ। ସେ ଏହାକୁ ନେଇ ଜଙ୍ଗଲରେ ଉଡ଼ାଇଲେ। ସେ ବେଣ୍ଟଲି, ମର୍ସିଡିଜ, ଜାଗୁଆର, ଫେରେରୀ ଏବଂ ବିଏମ୍ଡବ୍ଲ୍ୟୁ କାର୍ କିଣିବା ସହ ୧୩ କୋଟି ମୂଲ୍ୟର ବିଳାସପୂର୍ଣ୍ଣ ବଙ୍ଗଳା କିଣିଥିଲେ। ଏହା ବ୍ୟତୀତ ୫ କୋଟି ଟଙ୍କାର ସି’ ଫେସିଂ ଆପାର୍ଟମେଣ୍ଟ କିଣିବା ପରେ ସେ ତାଙ୍କ ପରିବାର ପାଇଁ ପ୍ରାୟ ୩୦ କୋଟି ଖର୍ଚ୍ଚ କରିଥିଲେ। ବିନା ଯୋଜନାରେ ଟଙ୍କା ବିନିଯୋଗ କରିବା ପରେ ସେ ଜାଣିବାକୁ ପାଇଲେ ଯେ, ସେ ଲଟେରି ଟଙ୍କା ଜମା କରିଥିବା ସମସ୍ତ ଜିନିଷ ହରାଇଛନ୍ତି।
ଏକ ସାକ୍ଷାତକାରରେ ଜନ୍ କହିଛନ୍ତି, ସେ କେବଳ ବିଳାସପୂର୍ଣ୍ଣ କାର କିଣି ନାହାନ୍ତି ବରଂ ଅନେକ ବିଳାସପୂର୍ଣ୍ଣ ସ୍ଥାନରେ ଛୁଟି କଟାଇଛନ୍ତି। ସେ ସ୍ବୀକାର କରିଛନ୍ତି ଯେ, ବିଳାସପୂର୍ଣ୍ଣ ଜୀବନଯାପନ କରିବା ପାଇଁ ଜିତିଥିବା ସମସ୍ତ ଟଙ୍କା ନଷ୍ଟ କରିଛନ୍ତି କିନ୍ତୁ ବର୍ତ୍ତମାନ ସେ କିପରି ଭାବରେ ତାଙ୍କ ଶପିଂ ବିଲ ଦେବେ ସେନେଇ ଚିନ୍ତାରେ ପଡ଼ିଛନ୍ତି। କେବଳ ଡିଜାଇନର୍ ପୋଷାକ ପିନ୍ଧିବା ଏବଂ ବିଳାସପୂର୍ଣ୍ଣ ଛୁଟିଦିନରେ କୋଟି ଟଙ୍କା ନଷ୍ଟ କରିଥିବା ଜନ କହିଛନ୍ତି। ସେ ଏବେ ପୂରା କାଙ୍ଗାଳ ହୋଇଯାଇଥିବା ଜନ୍ ନିଜେ କହିଛନ୍ତି।
