ନୂଆଦିଲ୍ଲୀ,୧୧।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଆରମ୍ଭ କରାଯାଇଥିବା ‘ସ୍ବଚ୍ଛ ଭାରତ ଅଭିଯାନ’ରେ ପ୍ରଥମ ହୋଇଛି ଦିଲ୍ଲୀର ଅଲ୍ ଇଣ୍ଡିଆ ଇନଷ୍ଟିଚ୍ୟୁଟ ଅଫ୍ ମେଡିକାଲ ସାଇନସେସ୍(ଏମ୍ସ)। ଶୁକ୍ରବାର କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡ. ହର୍ଷ ବର୍ଦ୍ଧନ ଶୁକ୍ରବାର ଏମ୍ସକୁ ପ୍ରଥମ ପୁରସ୍କାର ରାଶି ହିସାବରେ ୩ କୋଟି ଟଙ୍କା ପ୍ରଦାନ କରିଛନ୍ତି। ପରିସରରେ ସ୍ବଚ୍ଛତା ବଜାୟ ରଖିଥିବାରୁ ଏମ୍ସକୁ ଏହି ପୁରସ୍କାର ମିଳିଛି। ‘କାୟାକଳ୍ପ ଆଓ୍ବାର୍ଡସ୍ ସ୍କିମ’ ଅଧିନରେ କେନ୍ଦ୍ରୀୟ ଅନୁଷ୍ଠାନ, ଜିଲା ଓ ଘରୋଇ ହସ୍ପିଟାଲ, କମ୍ୟୁନିଟି ହେଲ୍ଥ କେୟାର ସେଣ୍ଟରର ଏକ ତାଲିକା ପ୍ରସ୍ତୁତ କରାଯାଇଥିଲା। ଏହାର ମୁଖ୍ୟ ଉଦ୍ଦେଶ୍ୟ ଥିଲା ନିଜର ପରିସରକୁ ସଫାସୁତୁରା ଓ ସ୍ବାସ୍ଥ୍ୟ ଉପଯୋଗୀ ରଖିବା। ଆଉ ଏ ସମସ୍ତ ମାନଦଣ୍ଡକୁ ପୂରଣ କରି ଦିଲ୍ଲୀର ଏମ୍ସ ପ୍ରଥମ ସ୍ଥାନ ଅଧିକାର କରିଥିବା ବେଳେ ରନର୍ସ ଅପ୍ ହୋଇଛି ଜବାହରଲାଲ ଇନଷ୍ଟିଚ୍ୟୁଟ ଅଫ୍ ପୋଷ୍ଟଗ୍ରାଜୁଏଟ ମେଡିକାଲ ଏଜୁକେଶନ ଆଣ୍ଡ ରିସର୍ଚ୍ଚ(ଜେଆଇପିଏମ୍ଇଆର୍), ପୁଡୁଚେରୀ। ଆଉ ପୁରସ୍କାର ରାଶି ଭାବେ ଜେଆଇପିଏମ୍ଇଆର୍କୁ ମିଳିଛି ୧.୫ କୋଟି ଟଙ୍କା।
