ନୂଆଦିଲ୍ଲୀ,୫।୩: ଭାରତରେ କରୋନା ସଂକ୍ରମଣଙ୍କ ସଂଖ୍ୟା ବଢ଼ିବାରେ ଲାଗିଛି। ସାଧାରଣ ଲୋକଙ୍କଠାରୁ ଆରମ୍ଭ କରି ରାଜନେତାଙ୍କୁ ମଧ୍ୟ କରୋନା ଭୟ ଘାରିଛି। ତେବେ ସରକାର ସୁରକ୍ଷା ପଦକ୍ଷେପ ଗ୍ରହଣ କରିଥିବା ରାଜ୍ୟ ସଭାରେ ସ୍ବାସ୍ଥ୍ୟମନ୍ତ୍ରୀ ଡ. ହର୍ଷବର୍ଦ୍ଧନ ଗୁରୁବାର ସୂଚନା ଦେଇଛନ୍ତି। ଦେଶରେ କରୋନା ସଂକ୍ରମିତଙ୍କ ସଂଖ୍ୟା ୨୯ ଥିବାବେଳେ ସେଥିମଧ୍ୟରୁ ୩ ଜଣଙ୍କ ଚିକିତ୍ସା ହୋଇ ସାରିଥିବା ହର୍ଷବର୍ଦ୍ଧନ କହିଛନ୍ତି। ବିଦେଶରୁ ଫେରୁ ଥିବା ପ୍ରତି ଲୋକଙ୍କ ଯାଞ୍ଚ୍ କରାଯାଉଛି ବୋଲି ସେ କହିଛନ୍ତି। ଏହା ସହିତ ଦେଶର ପ୍ରତି ସୀମାରେ ଯାଞ୍ଚ୍ ବ୍ୟବସ୍ଥାକୁ କଡ଼ାକଡ଼ି କରାଯାଇଛି। ସେହିପରି ବିମାନ ବନ୍ଦରରେ ହାଇ ଆଲର୍ଟ ଜାରି କରାଯାଇଛି। ଗତ ଜାନୁୟାରୀ ୧୭ଠାରୁ ସରକାର କରୋନାର ମୁକାବିଲା ପାଇଁ ପଦକ୍ଷେପ ଗ୍ରହଣ କରାଯାଇଛି। ଏହା ଅନ୍ତର୍ଗତ ବିଦେଶରୁ ଫେରୁଥବା ଲୋକଙ୍କ ଉପରେ ୧୪ ଦିନ ଧରି ସ୍ବାସ୍ଥ୍ୟ ଯାଞ୍ଚ୍ ପ୍ରକ୍ରିୟା ମଧ୍ୟରେ ରଖାଯାଉଛି। ସେହିପରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ସମସ୍ୟା ଉପରେ କଡ଼ା ନଜର ରଖିଥିବା ସେ କହିଛନ୍ତି।
