ସିଙ୍କ୍ର ଉପଯୁକ୍ତ ଯତ୍ନ ନ ନେଲେ ସେଥିରେ ଖାଦ୍ୟ ପଦାର୍ଥର ଅବଶିଷ୍ଟାଂଶ ଜମା ହୋଇ ଦୁର୍ଗନ୍ଧ ସୃଷ୍ଟି ହୋଇଥାଏ। ତେବେ ଏହାକୁ ଦୂର କରିବାକୁ ନିମ୍ନୋକ୍ତ ଟିପ୍ସ ଆପଣେଇ
ପାରନ୍ତି…
ନ୍ୟାପ୍ଥାଲିନ୍ ଗୋଲି : ଦୁର୍ଗନ୍ଧ ଦୂର କରିବାକୁ ହେଲେ ଏହା ଭଲ କାମ ଦେଇଥାଏ। ଆପଣ ସବୁବେଳେ ସିଙ୍କରେ ନ୍ୟାପ୍ଥାଲିନ୍ ଗୋଟିଏ ଗୋଲି ପକାନ୍ତୁ। ଏହାଫଳରେ ଏପରି କେବେ ଦୁର୍ଗନ୍ଧ ହେବନି।
ସିର୍କା : ଆପଣ ଚାହିଁଲେ ସିର୍କାର ବ୍ୟବହାର କରିପାରିବେ। ସିଙ୍କରେ ସିର୍କା ପକାଇ ଛାଡି ଦିଅନ୍ତୁ। ପରେ ସ୍କ୍ରବ୍ ଓ ପାଣି ସାହାଯ୍ୟରେ ରଗଡ଼ି ଭଲଭାବେ ସଫା କରନ୍ତୁ। ଏହାଦ୍ୱାରା ସିଙ୍କ ସଫା ହୋଇଯିବ ଓ ଦୁର୍ଗନ୍ଧ ହେବନି। ସିଙ୍କ ଉପରେ ହ୍ବାଇଟ୍ ସ୍ପଟ୍ ପଡ଼ିଥାଏ। ଏହା ମଧ୍ୟ ଦୂର ହୋଇଥାଏ।
ବେକିଂ ସୋଡା : ଷ୍ଟେନଲେସ୍ ଷ୍ଟିଲ ସିଙ୍କ୍କୁ ସଫା କରିବା ପାଇଁ ବେକିଂ ସୋଡାର ବ୍ୟବହାର କରନ୍ତୁ। ଏହାଦ୍ୱାରା ଦୁର୍ଗନ୍ଧ ଦୂର ହେବା ସହ ଏହାର ଚମକ ବଜାୟ ରହିଥାଏ। ଏଥିପାଇଁ ଆବଶ୍ୟକ ମୁତାବକ ବେକିଂ ସୋଡାକୁ ସିଙ୍କ୍ରେ ଛିଞ୍ଚତ୍ ଦିଅନ୍ତୁ। ପାଞ୍ଚମିନିଟ୍ ପରେ ସ୍କ୍ରବ୍ ସାହାଯ୍ୟରେ ଭଲ ଭାବେ ସଫା କରନ୍ତୁ।
କମଳାଚୋପା : ସିଙ୍କକୁ ଦୁର୍ଗନ୍ଧମୁକ୍ତ କରିବାକୁ ହେଲେ କମଳା ଚୋପା ସାହାଯ୍ୟରେ ଏହାକୁ ରଗଡ଼ନ୍ତୁ। ପୁଣି ଉଷୁମ ପାଣିରେ ସିଙ୍କକୁ ସଫା କରନ୍ତୁ। ଏହାଦ୍ୱାରା ସିଙ୍କ ଦୁର୍ଗନ୍ଧ ଦୂର ହେବ।
