ମୁମ୍ବାଇ: ସାଉଥ୍ ସୁପରଷ୍ଟାର ପ୍ରଭାସଙ୍କ ଅପ୍ କମିଂ ଆକ୍ସନ ଫିଲ୍ମ ‘ସାହୋ’ ଅଗଷ୍ଟ ୩୦ରେ ପରଦାକୁ ଆସିବ। ତେଲଗୁ ଇଣ୍ଡଷ୍ଟ୍ରିରେ ଡେବ୍ୟୁ କରୁଥିବା ଶ୍ରଦ୍ଧା କପୁର ଏଥିରେ ପ୍ରଭାସଙ୍କ ବିପକ୍ଷରେ ନଜର ଆସିବେ। ସୁଜିତଙ୍କ ନିର୍ଦ୍ଦେଶିତ ଫିଲ୍ମ ସାହୋ ୨୦୧୯ର ସବୁଠାରୁ ବିଗ୍ ବଜେଟ୍ର ଫିଲ୍ମ ବୋଲି ଚର୍ଚ୍ଚା ହେଉଛି। ଏହି ପାଓ୍ବାର ପ୍ୟାକ୍ଡ ଥ୍ରିଲର ଫିଲ୍ମ ପାଇଁ ପ୍ରଭାସ ଓ ଶ୍ରଦ୍ଧା ମୋଟା ଅଙ୍କର ଅର୍ଥ ନେଇଥିବା ଜଣାପଡ଼ିଛି। ଏହି ଫିଲ୍ମ ପାଇଁ ପ୍ରଭାସ ନେଇଛନ୍ତି ଶହେ କୋଟି ଟଙ୍କା। ଏହାପରେ ରଜନୀକାନ୍ତ, ସଲମାନ ଖାନ ଓ ଶାହରୁଖ ଖାନଙ୍କୁ ପ୍ରଭାସ ପଛରେ ପକାଇଦେଇ ସବୁଠାରୁ ମହଙ୍ଗା ଭାରତୀୟ ଅଭିନେତା ପାଲଟି ଯାଇଛନ୍ତି। ଅନ୍ୟପଟେ ସାହୋର ପ୍ରି-ରିଲିଜ୍ ଆୟର ୫୦ ପ୍ରତିଶତ ଅଂଶର ଭାଗୀଦାର ମଧ୍ୟ ପ୍ରଭାସ ହେବେ ବୋଲି କୁହାଯାଉଛି। ସେହିପରି ସାଉଥ୍ ଇଣ୍ଡଷ୍ଟ୍ରିରେ ଡେବ୍ୟୁ କରୁଥିବା ଶ୍ରଦ୍ଧା ଏହି ଫିଲ୍ମ ପାଇଁ ୭ କୋଟି ଟଙ୍କା ନେଇଛନ୍ତି। ଏଥି ସହିତ ସେ ମଧ୍ୟ ହାଇଏଷ୍ଟ ପେଡ୍ ଭାରତୀୟ ଅଭିନେତ୍ରୀଙ୍କ ତାଲିକାରେ ନିଜର ସ୍ଥାନ ଅକ୍ତିଆର କରିଛନ୍ତି।
