ବଲାଙ୍ଗୀର ଅଫିସ, ୨୧ା୧
ସର୍ବଭାରତୀୟ ବହୁଭାଷୀ ନାଟକ ଉତ୍ସବ ମଠଖାଇ ମହୋତ୍ସବର ଦ୍ୱିତୀୟ ସନ୍ଧ୍ୟାରେ ରାଜସ୍ଥାନୀ ଲୋକକଥା ଉପରେ ଆଧାରିତ ହିନ୍ଦୀ ନାଟକ ନାଗୀନ୍ ତେରା ବଂଶ ବଢ଼େ ମଞ୍ଚସ୍ଥ ହୋଇ ଦର୍ଶକଙ୍କ ହୃଦୟ ଜିଣିଛି ା ନୂଆଦିଲ୍ଲୀର ଆକ୍ଟରର୍ସ ରିପେର୍ଟରି ଥିଏଟର ଅନୁଷ୍ଠାନ ପକ୍ଷରୁ ବିଜୟଦାନ୍ ଦେହେତାଙ୍କ ରଚିତ ଓ ନାଟ୍ୟକାର ଅବତାର ସାହାଣୀଙ୍କ ନିର୍ଦ୍ଦେଶିତ ଏହି ନାଟକର କଥାବସ୍ତୁରେ ବୃହତ୍ତର ସାମାଜିକ ସମନ୍ବୟ ଓ ପାରସ୍ପରିକ ମାନବୀୟ ମୂଲ୍ୟବୋଧ, ସହଯୋଗ ଓ ସଦିଚ୍ଛା ବାର୍ତ୍ତା ରହିଛି ା ଜଣେ ଧନୀକ ସେଠ୍ ଓ ତାଙ୍କ ସ୍ତ୍ରୀଙ୍କ ଦୁଃଖ ହେଲା ଯେ, ସେମାନଙ୍କର ଅମାପ ଧନ ସମ୍ପଦ ଥିବା ସତ୍ତ୍ୱେ ସନ୍ତାନ ସୁଖ ନ ଥିଲା ା ସନ୍ତାନହୀନତାର ଦୁଃଖକୁ ନେଇ ସାମାଜିକ ତାଡନାରେ ମ୍ରିୟମାଣ ସେଠ୍ଙ୍କୁ ଖୁସି କରିବାକୁ ଯାଇ ତାଙ୍କ ସ୍ତ୍ରୀ ହଠାତ୍ ଦିନେ ସେ ମଁା ହେବାକୁ ଯାଉଥିବା କଥା କହିଦିଅନ୍ତି ା ଏଥିରେ ସେଠ୍ ଖୁବ୍ ଖୁସି ହୋଇଯାଆନ୍ତି ା ତେବେ ଏହି ଖୁସି ଖବରକୁ ନେଇ ସେ ସେଠ୍ଙ୍କ ସମ୍ମୁଖରେ ଏକ ଅଜବ କଥା ଉପସ୍ଥାପନ କରନ୍ତି ଯେ, ଜନ୍ମ ହେବାକୁ ଥିତ୍ବା ସନ୍ତାନକୁ ସେଠ୍ ୧୬ବର୍ଷ ପର୍ଯ୍ୟନ୍ତ ଦେଖିପାରିବେ ନାହିଁ ା ଏହି ସନ୍ତାନକୁ ସେ ଏବଂ ତାଙ୍କ ଦାସୀ କେବଳ ଦେଖିପାରିବେ ା ଏହି କଥାରେ ସେଠ୍ ରାଜି ହୋଇଯାଆନ୍ତି ା ୧୬ ବର୍ଷ ପରେ ତାଙ୍କର ବିବାହ ପ୍ରସ୍ତାବ ରଖି ବରବେଶର ଏକ ପୁତ୍ତଳିକା ତିଆରି ସବାରିରେ ବସାଇ ଦେଲେ ା ଏହି ପ୍ରାଣହୀନ ପୁତ୍ତଳିକା ଦେଖି ସେଠାରେ ଥିତ୍ବା ଏକ ନାଗୁଣୀ ସେହି ପୁତ୍ତଳିକା ଦେହରେ ପ୍ରାଣ ସଞ୍ଚାର କରିବା ପାଇଁ ତାର ସ୍ବାମୀ ନାଗଦେବକୁ କହିଲେ ା ଏହାପରେ ନାଗଦେବ ନିଜେ ପୁତ୍ତଳିକା ଭିତରକୁ ପଶି ଯିବା ଫଳରେ ପୁତ୍ତଳିକା ଦେହରେ ପ୍ରାଣ ସଞ୍ଚାର ହେଲା। ଏହାପରେ ଉକ୍ତ ବିବାହ ଧୁମ୍ଧାମରେ ହେଲା ଓ ସେଠ୍ ଘର ହସଖୁସିରେ ଭରିଗଲା ା ମାତ୍ର ଅନ୍ୟପକ୍ଷେ ନାଗ ବିନା ନାଗୁଣୀର ଜୀବନ ଦୁର୍ବିସହ ହେବାକୁ ଲାଗିଲା ା ତେବେ ସମ୍ପୂର୍ଣ୍ଣ ଘଟଣାକୁ ଦିନେ ନାଗୁଣୀ ସେଠ୍ଙ୍କ ସ୍ତ୍ରୀଙ୍କୁ କହିଦେବା ପରେ ସମସ୍ତେ ନାଗୁଣୀକୁ ମଧ୍ୟ ନିଜର ଏକ ବୋହୂ ଭାବେ ଗ୍ରହଣ କରି ହସଖୁସିରେ ରହିଲେ ା ପରସ୍ପର ପ୍ରତି ସ୍ନେହ, ତ୍ୟାଗ, ସଦିଚ୍ଛା ଓ ଭଲ ପାଇବା ରହିଲେ କିଭଳି ସମସ୍ତଙ୍କ ଜୀବନ ସୁଖମୟ ହେବ ଏହି ନାଟକ ମାଧ୍ୟମରେ ବାର୍ତ୍ତା ଦିଆଯାଇଛି ା କଳାକାରମାନଙ୍କ ନିଖୁଣ ଅଭିନୟ, ଚମତ୍କାର ଆଲୋକସଜ୍ଜା ଓ ସଂଳାପ ଦର୍ଶକଙ୍କୁ ମନ୍ତ୍ରମୁଗ୍ଧ କରିଦେଇଥିଲା ା
