ରାଜ୍ୟରେ ନବୀନଙ୍କ ଉପଯୁକ୍ତ ବିକଳ୍ପ ସୃଷ୍ଟି ହୋଇନାହାନ୍ତି: ମହମ୍ମଦ ମୋକିମ

ଦେଶରେ ମୋଦି ଓ ରାଜ୍ୟରେ ନବୀନଙ୍କ ପ୍ରଚଣ୍ଡ ହାୱା। ୨୦୧୯ ସାଧାରଣ ନିର୍ବାଚନରେ କେନ୍ଦ୍ରରେ ମୋଦିଙ୍କ ନେତୃତ୍ୱାଧୀନ ଭାଜପା ଦ୍ୱିତୀୟ ଥର କ୍ଷମତାସୀନ ହୋଇଥିବାବେଳେ ରାଜ୍ୟରେ ମଧ୍ୟ ନବୀନଙ୍କ ନେତୃତ୍ୱରେ ବିଜେଡିକୁ ପଞ୍ଚମ ଥର ପାଇଁ କ୍ଷମତା ମିଳିଛି। କଟକ ଜିଲାରେ ମଧ୍ୟ ନବୀନଙ୍କ ହାୱା ପ୍ରବଳ ବେଗରେ ବହୁଥିବାରୁ ଜିଲାର ମୋଟ ୯ଟି ଆସନ ମଧ୍ୟରୁ ୮ଟି ବିଜେଡି ସପକ୍ଷରେ ଯାଇଥିଲା। ହେଲେ ଏଥିରୁ ବାରବାଟୀ-କଟକ ଆସନ ବାଦ ପଡ଼ିଥିଲା। ଏପରି କି ଜିଲାର ଅଧିକାଂଶ ଆସନରେ କଂଗ୍ରେସ ଅମାନତ ହରାଇଥିବା ବେଳେ ବାରବାଟୀ-କଟକ ଆସନରେ କଂଗ୍ରେସ ପ୍ରାର୍ଥୀଙ୍କ ବିଜୟଲାଭ ଏକ ଭିନ୍ନ ରାଜନୈତିକ ଚର୍ଚ୍ଚା ସୃଷ୍ଟି କରିଛି। ମୋଦି-ନବୀନଙ୍କ ହାୱାକୁ ପ୍ରତିହତ କରି ବାରବାଟୀ-କଟକ ଆସନରୁ କଂଗ୍ରେସ ଟିକେଟରେ ବିଜୟଲାଭ କରି ପ୍ରଥମଥର ପାଇଁ ବିଧାନସଭାରେ ପାଦ ଥାପିଥିବା ବିଧାୟକ ମହମ୍ମଦ ମୋକିମଙ୍କ ସହିତ ଧରିତ୍ରୀର ଆଳାପ।

ସମଗ୍ର ଦେଶରେ କଂଗ୍ରେସର ବିପର୍ଯ୍ୟୟ, ହେଲେ କଟକରେ ବିଜୟ, ଏହା କ’ଣ ଆପଣଙ୍କ ଲୋକପ୍ରିୟତା?
ସେମିତି କିଛି ନୁହେଁ। ଏଠି ଦଳ କିମ୍ବା ବ୍ୟକ୍ତିବିଶେଷଙ୍କ ଲୋକପ୍ରିୟତାକୁ ମାପକାଠି ଭାବେ ଧରାଯିବନାହିଁ। କଟକ ଲୋକେ ପରିବର୍ତ୍ତନ ଚାହୁଁଥିଲେ ଓ ବିକଳ୍ପ ଖୋଜୁଥିଲେ। କଟକ ହେଉଛି ରାଜନୈତିକ କ୍ଷେତ୍ରରେ ସଚେତନ ଅଞ୍ଚଳ। ଲୋକଙ୍କ ସହିତ ମୁଁ ଓତପ୍ରୋତ ଭାବେ ଜଡ଼ିତ ଥିଲି। ତେଣୁ ଲୋକେ ମୋତେ ନିର୍ବାଚିତ କରିଛନ୍ତି। ଏଠି ଇସ୍ୟୁ ବେସ୍‌ଡ ପଲିଟିକ୍ସ ହୋଇଥାଏ।

ନବୀନ ଅପରାଜେୟ ରହିବାର କାରଣ କ’ଣ ?
ସତକଥା ହେଉଛି ଓଡ଼ିଶା ରାଜନୀତିରେ ନବୀନଙ୍କ ଠିକ୍‌ ବିକଳ୍ପ ଉଭା ହୋଇ ନ ଥିବାରୁ ସେ ନିରଙ୍କୁଶ ଭାବେ ଶାସନ କ୍ଷମତାକୁ ଫେରୁଛନ୍ତି। ଯେଉଁଦିନ ବିକଳ୍ପ ଛିଡ଼ା ହୋଇଯିବ ସେଦିନ ନବୀନ ଆପେ ଆପେ କ୍ଷମତାରୁ ହଟିଯିବେ।

ନିର୍ବାଚନ ଫଳାଫଳ ପରେ କଂଗ୍ରେସ ନେତୃତ୍ୱକୁ ନେଇ ପ୍ରଶ୍ନବାଚୀ ଉଠିଛି। ପିସିସି ସଭାପତି ପଦବୀ ଆପଣଙ୍କୁ ଯଚାଗଲେ ଆପଣ ଗ୍ରହଣ କରିବେ?
ମୁଁ ଏବେ ଯେଉଁଠି ଅଛି ଆପଣ ତା’ଠାରୁ ଅଧିକ ତିନିିପାଦ ଆଗର କଥା ପଚାରୁଛନ୍ତି। ସେ କଥା ମୁଁ ବର୍ତ୍ତମାନ ଚିନ୍ତା କରିନାହିଁ। କଟକ ପାଇଁ ମୋର ଅନେକ କିଛି କରିବାର ପ୍ରତିବଦ୍ଧତା ରହିଛି। ତେଣୁ ଆଗ କଟକବାସୀଙ୍କୁ ଦେଇଥିବା ପ୍ରତିଶ୍ରୁତି ପୂରଣ କରିବା ପରେ ପରବର୍ତ୍ତୀ କଥା ଚିନ୍ତା କରିବି।

କଂଗ୍ରେସ ଟିକେଟ ବଣ୍ଟନରେ କିଛି ତ୍ରୁଟି ରହିଲା କି?
ନିଶ୍ଚିତ ତ୍ରୁଟି ରହିଥିଲା। ଯେଉଁ ସମୟରେ ଟିକେଟ ଘୋଷଣା ହେବା କଥା ସେ ସମୟରେ କରାଗଲାନାହିଁ। ଫଳରେ ପ୍ରାର୍ଥୀମାନଙ୍କ ହାତରେ ପ୍ରଚାର ପାଇଁ ସମୟ କମ୍‌ ରହିଲା। ମୋଟାମୋଟି ଭାବେ ଟିକେଟ ବଣ୍ଟନ ପ୍ରକ୍ରିୟା କଂଗ୍ରେସକୁ ଅଧିକ କ୍ଷତି ପହଞ୍ଚାଇଛି। ଏଥିପାଇଁ ଉଭୟ କେନ୍ଦ୍ର ଓ ରାଜ୍ୟ ନେତୃତ୍ୱଙ୍କ ସମେତ ସମସ୍ତେ ଦାୟୀ।

କଟକ ପାଇଁ ଆପଣଙ୍କ ପ୍ରାଥମିକତା କ’ଣ ?
କଟକରେ ଅନେକ ସମସ୍ୟା ରହିଛି। ମୁଖ୍ୟତଃ ସହରବାସୀଙ୍କୁ ଜଳବନ୍ଦୀ ସମସ୍ୟା ସବୁଠୁ ଅଧିକ ବ୍ୟତିବ୍ୟସ୍ତ କରୁଛି। କଟକ ସହରକୁ ଜଳବନ୍ଦୀରୁ ମୁକ୍ତ କରିବା ମୋର ପ୍ରାଥମିକତା ରହିବ। ଜାଇକା କାର୍ଯ୍ୟ କିଭଳି ଶେଷ ହେବ ସେ ନେଇ ଗୁରୁତ୍ୱ ଦେବା ସହିତ କଟକର ଐତିହ୍ୟ ଫେରାଇ ଆଣିବା ପାଇଁ ପ୍ରଚେଷ୍ଟା କରିବି।

ଆପଣଙ୍କ ବ୍ୟବସାୟିକ ରିୟଲ ଇଷ୍ଟେଟ ସଂସ୍ଥା ଜଳାଶୟ କିସମ ଜମିଗୁଡ଼ିକୁ ପୋତିଥିବା ଅଭିଯୋଗ ହୋଇଥାଏ। କଟକ ଜଳବନ୍ଦୀ ରହିବା ପାଇଁ ଆପଣଙ୍କୁ ମଧ୍ୟ ଦାୟୀ କରାଯିବ କି ?
ଅଜ୍ଞାନମାନେ ଏଭଳି ପ୍ରଶ୍ନ ଉଠାଇଥାନ୍ତି। ସ୍ବଳ୍ପ ଜ୍ଞାନ ଆହରଣ କରି ସେମାନେ ଏଭଳି ଆକ୍ଷେପ କରିଥାନ୍ତି। ସେମାନଙ୍କ ମଧ୍ୟରେ ବୈଷୟିକ ଜ୍ଞାନର ଘୋର ଅଭାବ ରହିଛି।

– ସାକ୍ଷାତ୍‌: ନିର୍ମଳ ପଣ୍ଡା, କଟକ


Enter your email to get our daily news in your inbox.

All Right Reserved By Dharitri.Com

୩୦ ହଜାର ଟଙ୍କା ଲାଞ୍ଚ ନେବା ବେଳେ ସିଟିଓ-ଜିଏସଟି ଅଧିକାରୀଙ୍କୁ ବାନ୍ଧିଲା ଭିଜିଲାନ୍ସ

ଭୁବନେଶ୍ୱର,୨୮।୩: ପୁରୀରେ ଲାଞ୍ଚ ନେଉଥିଲା ବେଳେ ବାଣିଜ୍ୟିକ ଟିକସ ଅଧିକାରୀ (ସିଟିଓ) ଏବଂ ଦ୍ରବ୍ୟ ଏବଂ ସେବା କର (ଜିଏସଟି) ଅଧିକାରୀଙ୍କୁ ଗିରଫ କରିଛି ଓଡ଼ିଶା...

କଟକରେ ହେବ ବଡ଼ ଲଢେଇ, ମୁହାଁମୁହିଁ ହୋଇପାରନ୍ତି ଭର୍ତ୍ତୃହରି-ସଂତୃପ୍ତ

ଭୁବନେଶ୍ୱର,୨୮।୩: ଆସନ୍ତା ସାଧାରଣ ନିର୍ବାଚନରେ ଭାଜପାର ଭର୍ତ୍ତୃହରି ମହତାବ ଏବଂ ବିଜେଡିର ସଂତୃପ୍ତ ମିଶ୍ରଙ୍କ ମଧ୍ୟରେ କଟକ ଲୋକ ସଭା ଆସନରୁ ଦେଖିବାକୁ ମିଳିପାରେ ବଡ଼...

ପିନାକୀ-ମହେଶଙ୍କୁ ମିଳିଲାନି ଟିକେଟ

ଭୁବନେଶ୍ୱର,୨୮।୩: ଆଗାମୀ ଲୋକ ସଭା ନିର୍ବାଚନକୁ ନେଇ ବିଜେଡି ଏହାର ପ୍ରାର୍ଥୀ ଘୋଷଣା କରିଛି। ବୁଧବାର ୧୫ ଆସନ ଲାଗି ପ୍ରାର୍ଥୀ ଘୋଷଣା ହୋଇଛି। ସେଥିମଧ୍ୟରୁ...

ଭାଜପାରେ ଯୋଗ ଦେଲେ ଭର୍ତ୍ତୃହରି, ସିଦ୍ଧାନ୍ତ, କଡ଼ା ଭାଷାରେ ସମାଲୋଚନା କଲା ବିଜେଡି

ଭୁବନେଶ୍ୱର,୨୮।୩: ଗୁରୁବାର ଭାରତୀୟ ଜନତା ପାର୍ଟି(ଭାଜପା)ରେ ଯୋଗ ଦେଇଛନ୍ତି କଟକ ଏମପି ଭର୍ତ୍ତୃହରି ମହତାବ, ପୂର୍ବତ୍ତନ ଲୋକ ସଭା ଏମପି ସିଦ୍ଧାନ୍ତ ମହାପାତ୍ର ଏବଂ ପଦ୍ମଶ୍ରୀ...

ଭାଜପାରେ ଯୋଗ ଦେବା ପରେ ଭର୍ତ୍ତୃହରି ଦେଲେ ବଡ଼ ବୟାନ, କହିଲେ ଓଡ଼ିଶାରେ…

ନୂଆଦିଲ୍ଲୀ,୨୮।୩: ବିଜେପିରେ ସାମିଲ ପରେ ସାଂସଦ ଭର୍ତ୍ତୃହରି ମହତାବ ଓଡ଼ିଶା ରାଜନୀତିକୁ ନେଇ ବଡ଼ ବୟାନ ଦେଇଛନ୍ତି। କେବଳ ‘ରାଷ୍ଟ୍ରବାଦ, ଏକାତ୍ମତା, ପୂର୍ବୋଦୟ ଭାଜପା ଜରିଆରେ...

ପଦ୍ମ ଧରିଲେ ପଦ୍ମଶ୍ରୀ ଦମୟନ୍ତୀ ବେସ୍ରା

ଭୁବନେଶ୍ୱର/ନୂଆଦିଲ୍ଲୀ,୨୮।୩: ଭାଜପାରେ ସାମିଲ ହେଲେ ପଦ୍ମଶ୍ରୀ ଦମୟନ୍ତୀ ବେସ୍ରା। ଗୁରୁବାର ଅପରାହ୍ନ ସାଢେ ୨ଟାରେ ନୂଆଦିଲ୍ଲୀର ଭାଜପା ମୁଖ୍ୟାଳୟରେ ସେ ଯୋଗ ଦେଇଛନ୍ତି। ଏହା ସହିତ...

ଭାଜପାରେ ଯୋଗଦେଲେ ଭର୍ତ୍ତୃହରି ମହତାବ, ନିକଟରେ ବିଜେଡିରୁ ଇସ୍ତଫା ଦେଇଥିଲେ

ଭୁବନେଶ୍ୱର,୨୮।୩: ନିକଟରେ ବିଜୁ ଜନତା ଦଳ(ବିଜେଡି)ରୁ ଇସ୍ତଫା ଦେଇଥିବା କଟକ ଲୋକ ସଭା ଏମପି ଭର୍ତ୍ତୃହରି ମହତାବ ଭାଜପାରେ ଯୋଗ ଦେଇଛନ୍ତି। ତାଙ୍କ ସହିତ ଦୁଇଥର...

ଭାଜପାରେ ମିଶିଲେ ସିଦ୍ଧାନ୍ତ ମହାପାତ୍ର

ନୂଆଦିଲ୍ଲୀ/ଭୁବନେଶ୍ୱର,୨୮ା୩: ଭାଜପାରେ ଗୁରୁବାର ଯୋଗ ଦେଇଛନ୍ତି ଅଭିନେତା ତଥା ବିଜେଡିର ପୂର୍ବତନ ଏମ୍‌ପି ସିଦ୍ଧାନ୍ତ ମହାପାତ୍ର। ଦିଲ୍ଲୀ ମୁଖ୍ୟ କାର୍ଯ୍ୟାଳୟରେ ଯୋଗଦେଇ ସେ ଭାଜପାରେ ସାମିଲ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri