‘ମେକ୍‌ ଇନ୍‌ ଓଡ଼ିଶା’ କନ୍‌କ୍ଲେଭ୍‌ ଭୁଆଁ

ଭୁବନେଶ୍ୱର,୨୪।୮(ବ୍ୟୁରୋ): ହାଇଦ୍ରାବାଦର ରାମୋଜୀ ଫିଲ୍ମ ସିଟି ଢାଞ୍ଚାରେ ଓଡ଼ିଶାରେ ନିର୍ମାଣ ହେବ ଏକ ବୃହତ୍‌ ଫିଲ୍ମ ସିଟି। ଫିଲ୍ମ ସିଟିରେ ଏକାଧିକ ଫିଲ୍ମ ଷ୍ଟୁଡିଓ କମ୍ପ୍ଲେକ୍ସ ସହ ବଡ ବଡ ଲକ୍ଜୁରୀ ତଥା ତାରକା ହୋଟେଲ, ମଲ୍ଟି କୁଇଜିନ୍‌ ରେଷ୍ଟୁରାଣ୍ଟ, ବିଭିନ୍ନ ପ୍ରକାର ପ୍ରାକୃତିକ ଓ କୃତ୍ରିମ ପରିବେଶର ମନଲୋଭା ଦୃଶ୍ୟର ମଜା ନେଇପାରିବେ ଦର୍ଶକ। କେବଳ ଏତିକି ନୁହେଁ, ଆମ୍ୟୁଜମେଣ୍ଟ ପାର୍କ ସହ ଆକର୍ଷଣୀୟ ଗାଲିଚା, କୃତ୍ରିମ ହ୍ରଦ, ଝରଣା, ମନ୍ଦିର, ପ୍ୟାଲେସ୍‌, ରେକର୍ଡିଂ ରୁମ୍‌ ଓ ଥିଏଟର ଇତ୍ୟାଦି ଅନ୍ୟତମ ଆକର୍ଷଣ ସାଜିବ। ଚିଲିକାରେ ହେବାକୁ ଥିବା ଏହି ଫିଲ୍ମ ସିଟି ଦେଖିବାକୁ ଦେଶ ବିଦେଶର ପର୍ଯ୍ୟଟକ ଓଡ଼ିଶା ଆସିବେ। ୨୦୧୭ ରେ ରାଜ୍ୟବାସୀଙ୍କୁ ଏଭଳି ସ୍ବପ୍ନ ଦେଖାଇଥିଲେ ରାଜ୍ୟ ସରକାର। ହେଲେ ସ୍ବପ୍ନ ସ୍ବପ୍ନରେ ହିଁ ରହିଗଲା। ନୂଆ ଫିଲ୍ମ ଷ୍ଟୁଡିଓ ତ ଦୂରର କଥା କଳିଙ୍ଗ ଷ୍ଟୁଡିଓକୁ ବି ଠିକ୍‌ ଭାବେ ସଜଡ଼ାଗଲା ନାହିଁ। ଫଳରେ ଏବେ ବି ଫିଲ୍ମ ଶୁଟିଂ ହେଉ କି ଷ୍ଟୁଡିଓ ବୁଲିବା ହେଉ ଅନ୍ୟ ରାଜ୍ୟ ଉପରେ ନିର୍ଭର କରୁଛି ଓଡ଼ିଶା। ଶିଳ୍ପ ସହ ପର୍ଯ୍ୟଟନର ବିକାଶ ପାଇଁ ଥିମ୍‌ ପାର୍କରୁ ଆରମ୍ଭ କରି ଆମ୍ୟୁଜମେଣ୍ଟ ପାର୍କ ଓ ଫିଲ୍ମ ଷ୍ଟୁଡିଓ ନିର୍ମାଣ ପର୍ଯ୍ୟନ୍ତ, ସରକାର ଏକାଧିକ ଯୋଜନା କରୁଥିଲେ ମଧ୍ୟ ତାହା କେବଳ ଘୋଷଣାରେ ସୀମିତ ରହିଯାଉଛି।
୫ ହଜାର କୋଟି ଟଙ୍କା ବ୍ୟୟରେ ଫିଲ୍ମ ସିଟି ଭଳି ଏକ ମେଗା ପ୍ରୋଜେକ୍ଟ ଓଡ଼ିଶାରେ କରିବାକୁ ୨୦୧୭ ‘ମେକ୍‌ ଇନ୍‌ ଓଡ଼ିଶା’ କନ୍‌କ୍ଲେଭ୍‌ରେ ରାଜ୍ୟ ସରକାରଙ୍କୁ ପ୍ରସ୍ତାବ ଦେଇଥିଲା ‘ଗ୍ରୁପ୍‌ ଅଫ୍‌ ବମ୍ବେ’। ୨୦୧୬ରେ ବଲିଉଡ୍‌ ଫିଲ୍ମ ପ୍ରଯୋଜକ ମୁସ୍ତାକ୍‌ ନାଡିଆଓ୍ବାଲା ପ୍ରଥମେ ଏଥିପାଇଁ ପ୍ରସ୍ତାବ ଦେଇଥିବା ବେଳେ ମେକ୍‌ ଇନ୍‌ ଓଡ଼ିଶା କନ୍‌କ୍ଲେଭ୍‌ରେ ଏହି ଇନ୍‌ଭେଷ୍ଟମେଣ୍ଟ ପାଇଁ ରାଜ୍ୟ ସରକାର ଗ୍ରୀନ୍‌ ସିଗ୍‌ନାଲ ଦେଇଥିଲେ। ୧ ହଜାର ଏକର ଜମିରେ ନିର୍ମିତ ହେବାକୁ ଥିବା ଏହି ଚିଲିକା ଫିଲ୍ମ ସିଟି ପାଇଁ ହାଇଦ୍ରାବାଦ ପରେ ଓଡ଼ିଶା ସମଗ୍ର ବିଶ୍ୱରେ ଫିଲ୍ମ ମେକରଙ୍କ ପାଇଁ ପ୍ରମୁଖ ଡେଷ୍ଟିନେଶନରେ ପରିଣତ ହେବ ବୋଲି କୁହାଯାଇଥିଲା। ଜଣେ ନିର୍ମାତା କେବଳ ନିଜ ସ୍କ୍ରିପ୍ଟ ସହ ଏହା ମଧ୍ୟରେ ପ୍ରବେଶ କରିବା ପରେ ପୂରା ଫିଲ୍ମ ସହ ବାହାରକୁ ଆସିଥାନ୍ତା। କେବଳ ଫିଲ୍ମ ଜଗତ ନୁହେଁ, ଓଡ଼ିଶା ପର୍ଯ୍ୟଟନ ପାଇଁ ମଧ୍ୟ ଏହା ବିଶେଷ ଲାଭଦାୟକ ହେବାସହ ପର୍ଯ୍ୟଟନର ଏକ ବୃହତ୍‌ ଉତ୍ସରେ ପରିଣତ ହୋଇଥାନ୍ତା। ଫିଲ୍ମ ନିର୍ମାଣ ପାଇଁ ରାଜ୍ୟରେ ଥିବା ଏକମାତ୍ର କଳିଙ୍ଗ ଷ୍ଟୁଡିଓ ୧୯୯୯ ବାତ୍ୟାରେ ସମ୍ପୂର୍ଣ୍ଣ ଧ୍ୱଂସ ହୋଇ ପଡିଥିବା ବେଳେ ଏହାର ମରାମତି ଆଜି ପର୍ଯ୍ୟନ୍ତ ହୋଇପାରୁନାହିଁ। ଯେଉଁ ଗୋଟିଏ ଷ୍ଟୁଡିଓ ରହିଛି ସେଥିରେ ଅଧିକାଂଶ ସମୟରେ କଁା ଭଁା ଧାରାବାହିକ ଶୁଟିଂ ହେଉଥିବା ବେଳେ ଫିଲ୍ମ ନିର୍ମାତାମାନେ ଏଠାକୁ ଆସିବାକୁ ଅମଙ୍ଗ ହେଉଛନ୍ତି। ଏହା ମଧ୍ୟରେ ଥିବା ଭିଲେଜ୍‌ କମ୍ପ୍ଲେକ୍ସ ଏବଂ ଭାଙ୍ଗିରୁଜି ଯାଇଥିବା ଘରଗୁଡିକୁ କିଛିଦିନ ତଳେ ସଜଡ଼ା ଯାଇଥିବା ବେଳେ ବାତ୍ୟା ଫନୀରେ ତାହା ବି ଭାଙ୍ଗିଯାଇଛି। ଏଭଳିସ୍ଥଳେ ଫିଲ୍ମ ନିର୍ମାଣ କରିବାକୁ ନିର୍ଦ୍ଦେଶକ ଏବଂ ପ୍ରଯୋଜକମାନଙ୍କୁ ବାହାର ରାଜ୍ୟ ଉପରେ ନିର୍ଭର କରିବାକୁ ପଡୁଛି। ଅଧିକାଂଶ ପ୍ରଯୋଜକ ରାମୋଜୀ ଫିଲ୍ମ ସିଟିକୁ ଶୁଟିଂ ପାଇଁ ଯାଉଛନ୍ତି। ଏଭଳିସ୍ଥିତିରେ ଯଦି ଏହି ଫିଲ୍ମ ସିଟି ନିର୍ମାଣ ହୋଇଥାନ୍ତା ତାହା ହେଲେ ଓଡ଼ିଆ ନିର୍ମାତାମାନଙ୍କୁ ଆଉ ବାହାରକୁ ଯିବାକୁ ପଡି ନ ଥାନ୍ତା। ଯିବା ଆସିବା ଖର୍ଚ୍ଚରୁ ମୁକ୍ତି ମିଳିବା ସହ ସ୍ବଳ୍ପ ବଜେଟ୍‌ରେ ଫିଲ୍ମ ନିର୍ମାଣ ହୋଇପାରନ୍ତା। କେବଳ ଏତିକି ନୁହେଁ, ଓଡ଼ିଶା ଯୁବପିଢିଙ୍କ ପାଇଁ ବିପୁଳ ନିଯୁକ୍ତି ସୁଯୋଗ ମଧ୍ୟ ସୃଷ୍ଟି ହୋଇଥାନ୍ତା। ହେଲେ ଏହା ମଧ୍ୟରେ ୩ ବର୍ଷ ବିତିଯାଇଥିଲେ ମଧ୍ୟ ନିର୍ମାଣ ତ ଦୂରର କଥା ଏ ପର୍ଯ୍ୟନ୍ତ ଜମି ଅଧିଗ୍ରହଣ ବି ହୋଇପାରିଲା ନାହିଁ। ଏ ନେଇ ପଚାରିବାରେ କାହାପାଖରେ କିଛି ଉତ୍ତର ନ ଥିବା ବେଳେ ବିଭାଗଗୁଡ଼ିକ ପରସ୍ପର ଉପରେ ଦୋଷ ଲଦି ଦେଇ ଚୁପ୍‌ ହୋଇ ବସି ଯାଉଛନ୍ତି। ସିନେ ସମୀକ୍ଷକ ଦିଲୀପ ହାଲିଙ୍କୁ ପଚାରିବାରେ, ଓଡ଼ିଆ ସିନେମାର ଏବେ ଯେଉଁଭଳି ଅବସ୍ଥା ରହିଛି ସେଥିପାଇଁ ଏକ ଷ୍ଟୁଡିଓ ନିହାତି ଆବଶ୍ୟକ। ଫିଲ୍ମ ଷ୍ଟୁଡିଓ ଯେତେଶୀଘ୍ର ନିର୍ମାଣ ହୋଇଥାନ୍ତା ଇଣ୍ଡଷ୍ଟ୍ରିରେ ସେତେ ଶୀଘ୍ର ପରିବର୍ତ୍ତନ ଆସିପାରିଥାନ୍ତା। ଏହାଦ୍ବାରା ଓଡ଼ିଆ ଚଳଚ୍ଚିତ୍ର ଇଣ୍ଡଷ୍ଟ୍ରି ସହ ରାଜ୍ୟର ମଧ୍ୟ ଉତ୍ତରୋତ୍ତର ବିକାଶ ଘଟିଥାନ୍ତା ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବଡ଼ ଗୁମର ଖୋଲିଲେ ଆର୍ଯ୍ୟବୀର ସେହ୍ବାଗ: ଯନ୍ତ୍ରଣାରେ ଛଟପଟ ହେଉଥିଲେ….

ନୂଆଦିଲ୍ଲୀ,୧୭।୧୧: କ୍ରିକେଟ ପଡ଼ିଆରେ ଲଢ଼େଇ କେବଳ ବ୍ୟାଟ ଓ ବଲ୍‌ରେ ହୁଏ ନାହିଁ, ବେଳେବେଳେ ମନୋବଳ ଓ ଈଶ୍ୱରଙ୍କ ଉପରେ ବିଶ୍ୱାସ ମଧ୍ୟ ବଡ଼ ଭୂମିକା ନିଭାଇଥାଏ।…

ସୁନା, ରୁପା ମୂଲ୍ୟରେ ଲଗାତର ହ୍ରାସ

ନୂଆଦିଲ୍ଲୀ,୧୭ା୧୧: ଗତ କିଛିଦିନ ଧରି ସୁନା ଓ ରୁପା ମୂଲ୍ୟ ହ୍ରାସ ପାଇ ଆସିଥିଲା ବେଳେ ସୋମବାର ଉଭୟ ଧାତୁ ମୂଲ୍ୟରେ ପୁଣି ହ୍ରାସ ଘଟିଛି। ଗତ…

ନ୍ୟୁଜିଲାଣ୍ଡକୁ ୪୪୦ ଭୋଲ୍ଟର ଝଟ୍‌କା: ଭାରତ ବିପକ୍ଷ ଟେଷ୍ଟ ସିରିଜ ଆରମ୍ଭ ହେବା ପୂର୍ବରୁ ବାଦ୍‌ ପଡ଼ିଲେ ଏହି ଖେଳାଳି

ନୂଆଦିଲ୍ଲୀ,୧୭।୧୧: ଭାରତ ବିପକ୍ଷ ଟେଷ୍ଟ ସିରିଜ ଆରମ୍ଭ ହେବା ପୂର୍ବରୁ ନ୍ୟୁଜିଲାଣ୍ଡକୁ ଶକ୍ତ ଧକ୍କା ଲାଗିଛି। ନଭେମ୍ବର ୧୫ରେ ଖେଳାଯାଇଥିବା ପଞ୍ଚମ ଦିନିକିଆ ମ୍ୟାଚ୍‌ରେ ଆହତ ହୋଇଥିବା…

ଜୀବନ୍ତ ଫେରି ନ ପାରେ: ଇମ୍ରାନ୍‌ ଖାନ୍‌

ଇସ୍‌ଲାମାବାଦ,୧୭ା୧୧(ପି.ଟି.): ଜେଲରେ ଥିବା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ ଦେଶର ପ୍ରଧାନ ବିଚାରପତି ଏବଂ ଅନ୍ୟ ମୁଖ୍ୟ ବିଚାରପତିମାନଙ୍କୁ ଏକ ଖୋଲା ଚିଠି ଲେଖି ତାଙ୍କ…

ମା’ଙ୍କ ପୁସ୍ତକ ଉନ୍ମୋଚନ ବେଳେ ରାହୁଲ ଭାବବିହ୍ବଳ

ନୂଆଦିଲ୍ଲୀ,୧୭ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ଲିଖିତ ଜୀବନୀ ପୁସ୍ତକ ‘ବିଲଙ୍ଗିଙ୍ଗ୍‌: ଏ ଜର୍ନି ଅଫ୍‌ ଲଭ୍‌’ର ଆନୁଷ୍ଠାନିକ ଉନ୍ମୋଚନ ସୋମବାର ନୂଆଦିଲ୍ଲୀରେ ହୋଇଛି। ଏହି କାର୍ଯ୍ୟକ୍ରମରେ…

ଆଜି ଭୀଷଣ ବାତ୍ୟା: ୨୦ରେ ସ୍ଥଳଭାଗ ଛୁଇଁବ, ଏହି ଦିନଠାରୁ ବଢିବ ବର୍ଷା

ଭୁବନେଶ୍ୱର, ୧୭ା୧୧(ସୌମ୍ୟରଞ୍ଜନ ରାଉତ):ବଙ୍ଗୋପସାଗରରେ ଘନୀଭୂତ ହେଉଛି ଗଭୀର ଅବପାତ। ଆଗାମୀ କିଛି ଘଣ୍ଟା ମଧ୍ୟରେ ଏହା ବାତ୍ୟାର ରୂପ ନେବା ସହ ୧୭ ତାରିଖ ସା ସୁଦ୍ଧା…

ଏଆଇ ଯୋଗାଣ ଶୃଙ୍ଖଳ ସୁରକ୍ଷା ଘୋଷଣାନାମାରେ ଭାରତର ସ୍ବାକ୍ଷର

ଓ୍ବାଶିଂଟନ,୧୭ା୧୧(ପି.ଟି.): ନୂତନ ପ୍ରଯୁକ୍ତିବିଦ୍ୟା କ୍ଷେତ୍ରରେ ଚାଇନା ସହ ବଢ଼ୁଥିବା ପ୍ରତିଦ୍ୱନ୍ଦ୍ୱିତାକୁ ଦୃଷ୍ଟିରେ ରଖି କୃତ୍ରିମ ବୁଦ୍ଧିମତ୍ତା (ଏଆଇ) ସମ୍ବନ୍ଧୀୟ ସାମଗ୍ରୀ ଓ ବ୍ୟବସ୍ଥାର ଯୋଗାଣ ଶୃଙ୍ଖଳକୁ ସୁରକ୍ଷିତ…

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?