ନୂଆଦିଲ୍ଲୀ,୨୦।୪: ମଣିଷର ଲୋଭ କେବେ ମରେନା। ବେଳେବେଳେ ଲୋଭ ଯୋଗୁ କେତେକ ଏଭଳି କାଣ୍ଡ କରିବସନ୍ତି ଯାହା ମଣିଷ ପଣିଆ ଉପରେ ସୃଷ୍ଟିକରେ ପ୍ରଶ୍ନ ଚିହ୍ନ। ଏପରି ଏକ ଘଟଣା ଘଟିଛି ଦିଲ୍ଲୀରେ। କେତେକ ଲୋକ ହସ୍ପିଟାଲରେ ମୃତ୍ୟୁ ଘଟୁଥିବା ଲୋକଙ୍କ ମୃତ ଦେହ ସେମାନଙ୍କର ପରିବାର ସଦସ୍ୟଙ୍କ ଅନୁମତିରେ ଆଣି ରେଳ ଲାଇନ୍ରେ ବାନ୍ଧି ଦୁର୍ଘଟଣାର ରୂପ ଦେଇ ବୀମା କ୍ଷତିପୂରଣ ଆଦାୟ କରୁଥିଲେ। ତେବେ ଏଭଳି ଏକ ର଼୍ୟାକେଟ୍ର ପର୍ଦ୍ଦାଫାଶ୍ କରିଛନ୍ତି ସ୍ପେଶାଲ ଟ୍ୟାକ୍ସ୍ ଫୋର୍ସ। ଏହି ର଼୍ୟାକେଟ୍ରେ କେତେକ ପୋଲିସ କର୍ମଚାରୀଙ୍କଠାରୁ ଆରମ୍ଭ କରି ଡାକ୍ତରଙ୍କ ପର୍ଯ୍ୟନ୍ତ ଥିବା କୁହାଯାଉଛି। ଇତିମଧ୍ୟରେ ର଼୍ୟାକେଟର ୩ ଜଣଙ୍କୁ ଗିରଫ କରାଯାଇଛି ବୋଲି ସୋନିପତ ଡିଏସ୍ପି ରାହୁଲ ଦେବ ସୂଚନା ଦେଇଛନ୍ତି।
