ବୟସ ବଢିଲେ ଧୀରେ ଧୀରେ ଶରୀର ଅବସ ହୋଇଯାଇଥାଏ। ଲୋକେ ଆଉ କାମଧନ୍ଦା କରିବାକୁ ଆଗ୍ରହ ପ୍ରକାଶ କରନ୍ତି ନାହିଁ। ବିଶେଷ ଭାବେ ଏମାନେ ଅନ୍ୟ ଉପରେ ନିର୍ଭର କରିବା ଆରମ୍ଭ କରି ଦିଅନ୍ତି। ହେଲେ ୯୩ ବର୍ଷୀୟ ପୋଲିନ ଏବେବି ଯୁବ ସୁଲଭ ଢଙ୍ଗରେ ସମସ୍ତଙ୍କ ଦୃଷ୍ଟି ଆକର୍ଷଣ କରନ୍ତି। ବୟସ ସିନା ତାଙ୍କର ବଢି ଯାଇଛି ହେଲେ ଏବେବି ତାଙ୍କ ମନ ଯୁବକ ଅବସ୍ଥାରେ ରହିଛି। ଏବେ ସେ ତାଙ୍କର ୨୭ ବର୍ଷୀୟ ନାତି ସହ ଯେଉଁ ଫଟୋ ଶୁଟ୍ କରୁଛନ୍ତି ତାହା ଭାଇରାଲ ହେଉଛି।
ଏହି ଜେଜେମା ନାତିଙ୍କର ଇନଷ୍ଟାଗ୍ରାମରେ ରହିଛନ୍ତି ପାଖାପାଖି ୨୭ ଲକ୍ଷ ଫଲୋୟର୍ସ। ଏହାସହ ଫେସ୍ବୁକରେ ମଧ୍ୟ ତାଙ୍କ ପ୍ରଶଂସକଙ୍କ ସଂଖ୍ୟା କିଛି କମ୍ ନୁହେଁ। ଫେସ୍ବୁକରେ ୯୦ ଲକ୍ଷ ଓ ୟୁଟ୍ୟୁବରେ ୮ଲକ୍ଷ ୯୨ ହଜାର ଲୋକ ଏମାନଙ୍କ ସହ ଯୋଡି ହୋଇ ରହିଛନ୍ତି।
