ଚେନ୍ନାଇ, ୧୬ା୧୨ (ପି.ଟି.)-ରବିବାର ଏଠାରେ ଅନୁଷ୍ଠିତ ଓ୍ବେଷ୍ଟଇଣ୍ଡିଜ ବିପକ୍ଷ ପ୍ରଥମ ଅନ୍ତର୍ଜାତୀୟ ଦିନିକିଆ କ୍ରିକେଟ ମ୍ୟାଚରେ ରବୀନ୍ଦ୍ର ଜାଡେଜାଙ୍କୁ ଯେପରି ଭାବେ ଆଉଟ ଦିଆଗଲା ସେଥିରେ ଭାରତୀୟ ଅଧିନାୟକ ବିରାଟ କୋହଲୀ ଖୁବ୍ ଅସନ୍ତୋଷ ପ୍ରକାଶ କରିଛନ୍ତି। ୪୮ତମ ଓଭରରେ ଏହି ଘଟଣା ଦେଖିବାକୁ ମିଳିଥିଲା। ଜାଡେଜା ଦ୍ରୁତ ସିଙ୍ଗଲ ରନ ନେଉଥିବାବେଳେ ଷ୍ଟ୍ରାଇକର ଏଣ୍ଡ୍ରୁ ଫିଲ୍ଡର ସିଧାସଳଖ ଥ୍ରୋ କରି ସଫଳ ହୋଇଥିଲେ। ଜାଡେଜା ଠିକଣା ସମୟରେ କ୍ରିଜ୍ରେ ପହଞ୍ଚତ୍ପାରି ନ ଥିବା ଯଦିଓ ଜଣାପଡୁଥିଲା, ଫିଲ୍ଡ ଅମ୍ପାୟାର ଶନ୍ ଜର୍ଜ କିନ୍ତୁ ତାଙ୍କୁ ଆଉଟ୍ ଦେଇ ନ ଥିଲେ। ଓ୍ବେଷ୍ଟଇଣ୍ଡିଜ ଖେଳାଳିମାନଙ୍କ ତରଫରୁ କୌଣସି ଅପିଲ୍ ମଧ୍ୟ ହୋଇ ନ ଥିଲା। ମାତ୍ର ଜାଡେଜାଙ୍କ ଆଉଟ୍ ଯେତେବେଳେ ବଡ଼ ସ୍କ୍ରିନ୍ରେ ଦେଖାଗଲା ଫିଲ୍ଡ ଅମ୍ପାୟର ତୃତୀୟ ଅମ୍ପାୟରର ସହାୟତା ଲୋଡିଲେ। ଶେଷରେ ସେ ଆଉଟ ଦେଇଥିଲେ। ଜାଡେଜାଙ୍କ ଆଉଟ ଉପରେ ଖବରଦାତାମାନେ ଯେତେବେଳେ କୋହଲିଙ୍କ ମତାମତ ଜାଣିବାକୁ ଚାହିଁଲେ ସେ ଆଶ୍ଚର୍ଯ୍ୟ ପ୍ରକାଶ କରି କହିଥିଲେ, କ୍ରିକେଟରେ ଏଭଳି ଘଟଣା ନଜିର ନାହିଁ। ଫିଲ୍ଡର ‘ହାଓ ଇଜ୍ ଦ୍ୟାଟ’ ଅପିଲ କରିବାପରେ ଅମ୍ପାୟର ନଟଆଉଟ କହିଥାନ୍ତି ତେବେ କଥା ସେହିଠାରେ ଶେଷ ହୋଇଯାଇଥାଏ। ମାତ୍ର ପଡ଼ିଆ ବାହାରେ ଟିଭି ନିକଟରେ ବସିଥିବା ଲୋକ ପୁନର୍ବାର ରିଭ୍ୟୁ ପାଇଁ ଅମ୍ପାୟରକୁ କହିବା ଲାଗି ଫିଲ୍ଡରଙ୍କୁ ପ୍ରବର୍ତ୍ତାଇବା ବଡ଼ ବିଚିତ୍ର ଘଟଣା। କ୍ରିକେଟରେ ଏପରି କୌଣସି ନିୟମ ନାହିଁ, ଯେଉଁଥିରେ କି ଅମ୍ପାୟର ବିଳମ୍ବରେ ରେଫରାଲର ସହାୟତା ନେଇ ପାରିବେ ବୋଲି ଭାରତୀୟ ଅଧିନାୟକ ତାଙ୍କ ଅସନ୍ତୋଷ ପ୍ରକାଶ କରି କହିଛନ୍ତି।
