ଭବାନୀପାଟଣା,୧୯ା୬(ଡି.ଏନ୍.ଏ.): କଳାହାଣ୍ଡି ଜିଲା ଭବାନୀପାଟଣା ସଦର ବ୍ଲକ ଅନ୍ତର୍ଗତ ଉତ୍କଳ ଗ୍ରାମ୍ୟ ବ୍ୟାଙ୍କ ବୋର୍ଡା ଶାଖାରେ ବ୍ୟାଙ୍କ କର୍ମଚାରୀ ଓ ଦଲାଲ ମିଶି ଚାଷୀଙ୍କ ନାମରେ କୃଷିଋଣ ସମେତ ବିଭିନ୍ନ ପ୍ରକାର ଋଣ କରି କୋଟିଏରୁ ଅଧିକ ଟଙ୍କା ଆତ୍ମସାତ୍ କରିଥିବା ଅଭିଯୋଗ ହୋଇଥିଲା। ଏହି ଅଞ୍ଚଳର ଦୁଧେଲ, ଅର୍ତଲ, କାନ୍ଦୁଲଝର, ଅଜରାଇ, ବଲିପାଟି ଆଦି ଗାଁର ଶତାଧିକ ଚାଷୀଙ୍କ ନାମରେ ବିଭିନ୍ନ ଋଣ କରାଯାଇ ଟଙ୍କା ଆତ୍ମସାତ୍ ହୋଇଥିବା ଖବର ବିଭିନ୍ନ ସମ୍ବାଦପତ୍ରରେ ପ୍ରକାଶ ପାଇଥିଲା ା ଚାଷୀଙ୍କ ଜାଲ ଦସ୍ତଖତ, ଭୋଟର ପରିଚୟପତ୍ର, ନକଲି ମାଲଗୁଜାରି, ନକଲି ଆରଓଆର ଓ ଟିିପଚିହ୍ନ ବ୍ୟବହାର କିପରି ଟଙ୍କା ଆତ୍ମସାତ କରାଯାଇଥିଲା ସେନେଇ ବ୍ୟାଙ୍କ ପକ୍ଷରୁ ଏକ ତଦନ୍ତକାରୀ ଦଳ ବୋର୍ଡା ଉତ୍କଳ ଗ୍ରାମୀଣ ବ୍ୟାଙ୍କକୁ ଆସି ଋଣ କାରବାର ସମ୍ପର୍କିତ ବିଭିନ୍ନ କାଗଜପତ୍ର ଯାଞ୍ଚ କରିବା ସହ ପ୍ରାଥମିକ ତଦନ୍ତ ଆରମ୍ଭ କରିଛନ୍ତି। ପରେ ଅଭିଯୋଗକାରୀ ଓ ଚାଷୀମାନଙ୍କ ପାଖକୁ ଯାଇ ତଦନ୍ତ ହେବ ବୋଲି ତଦନ୍ତକାରୀ ଦଳରେ ଆସିଥିବା ଆଞ୍ଚଳିକ ମହାପ୍ରବନ୍ଧକ ଅସୀମ ଚନ୍ଦ୍ର ପାତ୍ର ଓ ପ୍ରବନ୍ଧକ ଋଣ ବିଭାଗ ରବୀନ୍ଦ୍ର ନାଥ ମହାପାତ୍ର ପ୍ରକାଶ କରିଛନ୍ତି।
