ବୁଡ଼ାମାହା ଡବଲ ମର୍ଡ଼ର ଘଟଣା:ମୁଖ୍ୟ ଅଭିଯୁକ୍ତ ଭୁବନେଶ୍ୱରରୁ ଗିରଫ
8:01 amJune 15, 2019 / 21

ରାଇକିଆ,୧୫ା୬(ଡି.ଏନ.ଏ)-କନ୍ଧମାଳ ଜିଲା ରାଇକିଆ ଥାନା ବୁଡ଼ାମାହା ଗ୍ରାମରେ ୨୦୧୪ ମାର୍ଚ୍ଚ ୧୧ ତାରିଖ ରାତିରେ ନନ୍ଦିରା ପ୍ରଧାନ ଓ ଯାଦବ ପ୍ରଧାନଙ୍କୁ ହତ୍ୟା କରାଯାଇଥିଲା। ଏହି ଡବଲ ମର୍ଡ଼ର ଘଟଣାର ମୁଖ୍ୟ ଅଭିଯୁକ୍ତ ଅବଦୁଲ କେଶରୀ ପ୍ରଧାନ ଓରଫ ପିଣ୍ଟୁଙ୍କୁ ଶୁକ୍ରବାର ରାଇକିଆ ପୋଲିସ ଭୁବନେଶ୍ୱରରୁ ଗିରଫ କରିଛି। ତାଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ନରେଶ ସାହୁ ପ୍ରକାଶ କରଛନ୍ତି। ସୂଚନାଯୋଗ୍ୟ,୨୦୧୪ ମାର୍ଚ୍ଚ ୧୨ ତାରିଖରେ ମଣ୍ଡାକିଆ ପଞ୍ଚାୟତର ବୁଡ଼ାମାହା ଛକ ନିକଟ ବିଶ୍ରାମଗାର ପାଖରେ ନନ୍ଦିରା ଓ ଯାଦବଙ୍କ ମୃତଦେହ ପଡ଼ିଥିବା ଗ୍ରାମବାସୀ ଦେଖିବାକୁ ପାଇଥିଲେ ା ପାରିପାର୍ଶ୍ୱିକ ପରିସ୍ଥିତିକୁ ଅନୁଧ୍ୟାନ କରି ପୋଲିସ ପ୍ରଥମେ ଉଭୟେ ନିଶାସକ୍ତ ହୋଇ ପରସ୍ପରକୁ ପଥରରେ ଆକ୍ରମଣ କରିବା ଯୋଗୁ ସେମାନଙ୍କ ମୃତ୍ୟୁ ଘଟିଥିବା ନେଇ ସନ୍ଦେହ କରିଥିଲା। ଏ ନେଇ ସେ ସମୟରେ ଏକ ଅପମୃତ୍ୟୁ (ନଂ. ୧/୧୪) ରୁଜୁ କରାଯାଇଥିଲା ା ପରବର୍ତ୍ତୀ ସମୟରେ ତଦନ୍ତ ବଢିବା ସହ ଏହା ଏକ ହତ୍ୟାକାଣ୍ଡ ଏବଂ ଏଥିରେ ଏକାଧିକ ଲୋକ ସଂପୃକ୍ତ ନେଇ ସନ୍ଦେହ ହୋଇଥିଲା। ଏହାକୁ ଆଧାର କରି ପୋଲିସ ପୁଣି କେସ ନଂ ୧୦୦/୧୮କୁ ପରିବର୍ତ୍ତନ କରି ତଦନ୍ତକୁ ଗତିଶୀଳ କରିଥିଲା ା ଅଭିଯୁକ୍ତ ଭୁବନେଶ୍ୱରରେ ଥିବା ନେଇ କାୈଣସି ସୂତ୍ରରୁ ଖବରପାଇ ପୋଲିସ ସେଠାରୁ ତାଙ୍କୁ ଗିରଫ କରିଥିଲା। ା