କୋରେଇ,୫ା୬(ସ୍ବ.ପ୍ର.)- ବିଦ୍ୟୁତ୍ ବିଭାଗ ପକ୍ଷରୁ ବ୍ୟକ୍ତିଗତ ଜାଗାରେ ୧୧ କେଭି ଖୁଣ୍ଟ ପୋତାକୁ ନେଇ ଜାଗା ମାଲିକ କୋର୍ଟର ଦ୍ୱାରସ୍ଥ ହୋଇଥିଲେ। କୋର୍ଟ ପକ୍ଷରୁ ୧୪୪ ଧାରା ଜାରି ପରେ ବିଦ୍ୟୁତ୍ ବିଭାଗ ଏହାକୁ ଉଲ୍ଲଂଘନ କରିବାରୁ ପୁନର୍ବାର ଜାଗା ମାଲିକ ମଙ୍ଗଳବାର କୋର୍ଟର ଆଶ୍ରୟ ନେଇଛନ୍ତି। ପ୍ରକାଶ ଯେ, ପାଣିକୋଇଲି ଥାନା ଅନ୍ତର୍ଗତ ଗୋଡ଼ିପାଟଣା ଗ୍ରାମର ରଘୁନାଥ ସାହୁଙ୍କ ବ୍ୟକ୍ତିଗତ ଜାଗା (ମୌଜା ଖମଣ, ଖାତା ୪୭୬, ପ୍ଲଟ ନଂ. ୫୪୭,୫୪୫)ରେ ବିଦ୍ୟୁତ୍ ବିଭାଗ ପକ୍ଷରୁ ୧୧ କେଭି ଖୁଣ୍ଟ ପୋତାଯାଇଛି। ରଘୁନାଥ ଏହାକୁ ବାରମ୍ବାର ବିରୋଧ କରିଥିଲେ ମଧ୍ୟ ବିଦ୍ୟୁତ୍ ବିଭାଗ କର୍ଣ୍ଣପାତ ନ କରିବାରୁ ସେ ପୂର୍ବରୁ କୋର୍ଟର ଆଶ୍ରୟ ନେଇଥିଲେ। କୋର୍ଟର ନିର୍ଦ୍ଦେଶକ୍ରମେ ପୋଲିସ ଏହାର ତଦନ୍ତ କରିବା ସହ ୧୪୪ ଧାରା ଜାରି କରିଥିଲା। ହେଲେ ସରକାରୀ ଜାଗା ଥାଇ ମଧ୍ୟ ୧୪୪ ଧାରାକୁ ଉଲ୍ଲଂଘନ କରି ବିଦ୍ୟୁତ୍ ବିଭାଗ ପକ୍ଷରୁ ପୁନର୍ବାର ଖୁଣ୍ଟ ପୋତାଯାଇଥିଲା। ଏ ସମ୍ପର୍କରେ ବିଭାଗୀୟ ଯନ୍ତ୍ରୀ ଓ ଏସ୍ଡିଓଙ୍କୁ ଯୋଗାଯୋଗ କରାଯାଇଥିଲେ ମଧ୍ୟ ଫୋନ୍ ଉଠାଇ ନ ଥିଲେ।
