ଜୟପୁର,୧୮।୧: ବୟସ ଯେ ଏକ ସଂଖ୍ୟା ଏହାକୁ ଏବେ ପ୍ରମାଣ କରିଛନ୍ତି ରାଜସ୍ଥାନ ସିକାରର ୯୭ ବର୍ଷୀୟା ମହିଳା ବିଦ୍ୟା ଦେବୀ। ନିକଟରେ ଅନୁଷ୍ଠିତ ହୋଇଥିବା ରାଜସ୍ଥାନର ପ୍ରଥମ ପର୍ଯ୍ୟାୟ ପଞ୍ଚାୟତ ନିର୍ବାଚନରେ ସେ ବିଜୟୀ ହୋଇ ଏବେ ସରପଞ୍ଚ ଦାୟିତ୍ୱ ସମ୍ଭାଳିବେ ବୋଲି ଜଣାପଡିଛି। ଏବେବି ସେ କିଛି କରିପାରିବେ ବୋଲି ଲୋକଙ୍କର ବିଶ୍ୱାସ ରହିଥିବାରୁ ଲୋକେ ତାଙ୍କୁ ନିର୍ବାଚିତ କରିଥିବା କୁହାଯାଏ। ବିଦ୍ୟାଦେବୀ ସିକାରର ପୁରନଓ୍ବାସ ଗ୍ରାମ ପଞ୍ଚାୟତ ସରପଞ୍ଚ ଭାବେ ନିର୍ବାଚିତ ହୋଇଛନ୍ତି। ସେ ତାଙ୍କ ନିକଟତମ ପ୍ରତିଦ୍ୱନ୍ଦି ଆରତି ମିନାଙ୍କୁ ୨୦୭ ଖଣ୍ଡ ଭୋଟରେ ପରାସ୍ତ କରିଛନ୍ତି। ବିଦ୍ୟା ଦେବୀଙ୍କ ସ୍ବାମୀ ଶିବରାମ ସିଂ ସେନାରେ ମେଜର ଭାବେ କାମ କରିଥିବା ବେଳେ ୧୯୯୦ ମସିହା ପୂର୍ବରୁ ୨୫ ବର୍ଷକାଳ ସରପଞ୍ଚ ଭାବେ କାମ କରିଛନ୍ତି। ବିଦ୍ୟା ଦେବୀଙ୍କୁ ମୋଟ ୮୪୩ ଖଣ୍ଡ ଭୋଟ ମିଳିଥିବା ବେଳେ ମିନାଙ୍କୁ ମିଳିଥିଲା ୬୩୬ ଖଣ୍ଡ ଭୋଟ। ବିଦ୍ୟାଙ୍କ ବୟସ ଜାନୁୟାରୀ ୧, ୧୯୨୩ ବୋଲି ଉଲ୍ଲେଖ କରାଯାଇଛି।
