ବର୍ଷାଦିନେ ଯଦି ଓଜନ କମାଇବା ପାଇଁ ଚାହୁଁଛନ୍ତି ତେବେ ଏହି ଫୁଡ୍ ଟିପ୍ସ୍ ଉପରେ ଗୁରୁତ୍ୱ ଦିଅନ୍ତୁ
*ବର୍ଷାଦିନେ ତେଲଭାଜି ଖାଦ୍ୟ ଖାଇଲେ ଓଜନ ବୃଦ୍ଧି ହୋଇଥାଏ। ଏଣୁ ଏହା ବଦଳରେ ଓଜନ କମ୍ କରିବାକୁ ପୋଡା ମକା,ବାଦାମ କିମ୍ବା ଗଜା ହୋଇଥିବା ଶସ୍ୟରୁ ପ୍ରସ୍ତୁତ ଚାଟ୍ ଖାଇବା ହିତକର। ଏଥିରେ କମ୍ କ୍ୟାଲୋରି ରହିଥାଏ।
*ଜାମୁକୋଳି, ନାସ୍ପାତି,ଚେରି ଓ ବିଭିନ୍ନ ବର୍ଷାଦିନିଆ କୋଳି ଖାଆନ୍ତୁ। ଏଥିରେ ପ୍ରଚୁର ଆଣ୍ଟିଅକ୍ସିଡାଣ୍ଟ ଓ ଫାଇବର୍ ରହିଛି। ଏହା ଓଜନ କମାଇବା ସହ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ।
*ଭେଜିଟେବଲ ସୁପ୍ ବର୍ଷାଦିନେ ଓଜନ କମାଇବାରେ ସାହାଯ୍ୟ କରେ। ଏହା ରୋଗ ପ୍ରତିରୋଧକ ଶକ୍ତି ବି ବୃଦ୍ଧି କରେ ଓ ଶରୀରରେ ଜଳୀୟ ଅଂଶ ଠିକ୍ ରଖିବା ସହ ଅଧିକ ଖାଇବା ଅଭ୍ୟାସଠାରୁ ଦୂରେଇ ରଖେ। ଏଣୁ ଓଜନ ବଢିବାର ଆଶଙ୍କା ରହିନଥାଏ।
*ବର୍ଷା ହେଉଥିବାବେଳେ ଚା’ପିଇବାକୁ ଭାରି ଇଚ୍ଛା ହୁଏ। ଏଣୁ ଯଦି ଏମିତି ଇଚ୍ଛା ହେଉଛି ତେବେ କ୍ଷୀର ଚା’ ବଦଳରେ ଅଦା ଚା’ ପିଅନ୍ତୁ। ଏହା ଓଜନ କମାଇବାରେ ସାହାଯ୍ୟ କରିବ । ଏହି ଚା’ରେ ଗୋଲମରିଚ ଗୁଣ୍ଡ, ଲବଙ୍ଗ ଓ ଡାଲଚିନି ପକାଇ ପିଇବା ଆହୁରି ଲାଭଦାୟକ। ଏହା ରୋଗ ପ୍ରତିରୋଧକ ଶକ୍ତି ବୃଦ୍ଧି କରେ।
* ବର୍ଷାଦିନେ ଖରାଦିନ ଅପେକ୍ଷା କମ୍ ପାଣି ପିଇବା ଅଭ୍ୟାସରେ ଆମେ ପଡିଯାଉ। ଏହା କିନ୍ତୁ ଠିକ୍ ନୁହେଁ। ବର୍ଷାଦିନେ ବି ପ୍ରଚୁର ପାଣି ପିଅନ୍ତୁ। ଏହାଦ୍ୱାରା ଓଜନ ସହଜରେ କମାଇପାରିବେ ।
