ପିଏଚ୍‌ଡି ମୁଖ୍ୟ ପାଇପ୍‌ ଲାଇନ୍‌ରେ ଫାଟ : ପାନୀୟ ଜଳରେ ମିଶୁଛି ଦୂଷିତ ପାଣି

ଭୁବନେଶ୍ୱର, ୧୪ା୮(ବ୍ୟୁରୋ): ରସୁଲଗଡ ଛକ ଦେଇଯାଇଛି ପିଏଚଡିର ମୁଖ୍ୟ ପାନୀୟ ଜଳ ପାଇପ ଲାଇନ। କୁଆଖାଇ ନଦୀରୁ ଉକ୍ତ ସର୍ଭିସ ପାଣି ପାଇପ ଲାଇନ ଆସିଛି। ଯାହାକି ରସୁଲଗଡ ଛକରୁ ପାଇପ ଲାଇନ କଟକରୋଡ, କଳ୍ପନା, ରାଜମହଲ ଧରି ପୁରୁଣା ଭୁବନେଶ୍ୱର ପର୍ଯ୍ୟନ୍ତ ପାନୀୟ ଜଳ ଯୋଗାଇ ଦିଆଯାଉଛି। ଲକ୍ଷାଧିକ ଲୋକ ସପ୍ଲାଏ ପାନୀୟ ଜଳ ଉପରେ ନିର୍ଭର କରନ୍ତି। ଏହି ପାଣି ପାଇପର କେତେକ ଅଂଶ ଗତ ଶୁକ୍ରବାରଠାରୁ ଏସ୍‌ପ୍ଲାନେଡ କଡ ପଞ୍ଜାବ ବ୍ୟାଙ୍କ ନିକଟ ରାସ୍ତା ତଳେ ଯାଇଥିବା ପାଇପ ଲାଇନ ଫାଟି ପାଣି ବିଚ୍ଛୁରିତ ହୋଇ ରାସ୍ତାରେ ଜମା ହୋଇ ରହୁଛି। ୪ ଦିନ ଧରି ଲାଗି ରହିଥିବା ବର୍ଷାରେ ଡ୍ରେନ ଏବଂ ନର୍ଦ୍ଦମା ପାଣି ଏହି ଫଟା ପାଇପ ଜଳମଗ୍ନ ହୋଇଥିଲା। ଫଳରେ ଫଟା ପାଇପ ମଧ୍ୟରେ ଦୂଷିତ ଜଳ ପ୍ରବେଶ କରୁଛି। ଏହାଦ୍ୱାର ପାନୀୟଜଳ ବ୍ୟବହାରକାରୀଙ୍କୁ ବିଭିନ୍ନ ପ୍ରକାର ରୋଗ ହେବାର ଆଶଙ୍କା କରାଯାଉଛି। ଯାହାକି ଡାକ୍ତରଙ୍କ ସୂଚନା ମୁତାବକ ବର୍ଷାଦିନେ ଦୂଷିତ ଜଳ ପିଇଲେ ଲୋକେ ବିଭିନ୍ନ ରୋଗର ଶିକାର ହେବାର ସମ୍ଭାବନାକୁ ଏଡାଇ ଦିଆଯାଇ ନ ପାରେ। ଫଟା ପାଇପ ଲାଇନରେ ଦୂଷିତ ଜଳ ମିଶୁଥିଲେ ହେଁ ବିଭାଗୀୟ କର୍ତ୍ତୃପକ୍ଷ ଏହାକୁ ହାଲକା ଭାବେ ନେଉଛନ୍ତି। ଦୂଷିତ ପାଣି ସପ୍ଲାଏ ବନ୍ଦ କରି ଶୀଘ୍ର ମରାମତି କରିବା ପରିବର୍ତ୍ତେ କେବେ କାମ ସରିବ କହିହେବ ନାହିଁ ବୋଲି ଅଧିକାରୀ କହିଛନ୍ତି। ହେଲେ ଏହି ପାନୀୟ ଜଳ କେତେ ବିଶୁଦ୍ଧ ତାହାକୁ ପରୀକ୍ଷା କରାଗଲେ ଜଣାପଡିବ ବୋଲି ଲୋକେ କହିଛନ୍ତି।

ସ୍ଥାନୀୟ ବାସିନ୍ଦା ଟୁଲୁ ସାମନ୍ତରାୟ କହିଛନ୍ତି, ଗତ ଶୁକ୍ରବାରଠାରୁ ଏହି ପାଇପ ଲାଇନ ଫାଟିବା ପରେ ରାସ୍ତା ଉପରେ ଧୀରେ ଧୀରେ ପାଣି ଜମା ହେବା ଆରମ୍ଭ ହୋଇଥିଲା। ପାଣି ଜମା ହେବା ସାଙ୍ଗକୁ ଏକ ଗର୍ତ୍ତ ସୃଷ୍ଟି ହୋଇଥିେଲେ ହେଁ ବିଭାଗୀୟ ଅଧିକାରୀଙ୍କ ଦେଖା ମିଳି ନ ଥିଲା। ଫଳରେ ଏହାକୁ ପଥର ଦ୍ୱାର ା ସ୍ଥାନୀୟ ଲୋକେ ଆବଦ୍ଧ କରିବାର ଦୁଇଦିନ ପରେ ବିଭାଗୀୟ ଅଧିକାରୀ ଏକ ବାଉଁଶରେ ବାଡା ଦେଇ ଚାଲିଗଲେ। ବର୍ଷା ହେଲେ ପାଣି ଜମିବା ସହ ଉକ୍ତ ଗର୍ତ୍ତ ଫୁଲ ହୋଇ ଦୂଷିତ ପାଣି ପାଇପଲାଇନରେ ପ୍ରବେଶ କରୁଛି। ତୁରନ୍ତ ଏହାକୁ ମରାମତି କରାଯାଉ ନଚେତ ଦୂଷିତ ଜଳ ପିଇ ଅନେକ ଲୋକ ରୋଗରେ ପଡିବାର ସମ୍ଭାବନା ରହିଛି।
ଏ ସଂକ୍ରାନ୍ତରେ ଡାକ୍ତର ଲିଙ୍ଗରାଜ ରଣା କୁହନ୍ତି, ବର୍ଷାଜଳ ମୁଖ୍ୟ ପାନୀୟ ଜଳ ପାଇପ ଲାଇନରେ ପ୍ରବେଶ କରିବା ଅର୍ଥ ବିପଦକୁ ଆମନ୍ତ୍ରଣ କରିବା। ପରିବାର ସହ ନିଜେ ଲକ୍ଷ୍ମୀସାଗର ଅଞ୍ଚଳରେ ରହୁଥିବା ବେଳେ ଏହି ପାନୀୟ ଜଳକୁ ବ୍ୟବହାର ମଧ୍ୟ କରୁଛି। ଏହା ଜାଣିବା ପରେ ପରିବାରର ସ୍ବାସ୍ଥ୍ୟଗତ ଚିନ୍ତା ବଢାଇ ଦେଇଛି। ପିଏଚଡି ପକ୍ଷରୁ ଏହାକୁ ଖାମଖିଆଲ ଭାବେ ନ ନେଇ ତୁରନ୍ତ ମରାମତି କରିବା ଆବଶ୍ୟକ। ପରିସ୍ଥିତିରେ ସମସ୍ତ ଲୋକ ପାଣିକୁ ଫୁଟାଇ ପିଇବା ନିହାତି ଦରକାର। ଦୂଷିତ ପାଣି ପିଇଲେ ଟାଇଫଏଡ ଜ୍ୱର, ଚକ୍ଷୁ ରୋଗ, ଡାଇରିଆ, ମ୍ୟାଲେରିଆ, ଜଣ୍ଡିସ ପରି ରୋଗ ଆକ୍ରମଣ ହେବାର ସମ୍ଭାବନା ରହିଛି।
ଏ ସମ୍ପର୍କରେ ପିଏଚଡି ବିଭାଗୀୟ ଜେଇ ମୟାଧର ବେହେରାଙ୍କୁ ପଚାରିବାରେ ପାଣି ଯୋଗାଣରେ କୌଣସି ବାଧା ସୃଷ୍ଟି ହେଉନାହିଁ। ସମସ୍ତଙ୍କୁ ଠିକ୍‌ ଭାବେ ପାଣି ଯୋଗଇ ଦିଆଯାଉଛି। ଗତ ଶୁକ୍ରବାରଠାରୁ ଏ ସମସ୍ୟା ଉପୁଜିଥିଲେ ହେଁ ପାଗ ଖରାପ ରହିବାରୁ କାମ କରିବା ସମ୍ଭବ ହୋଇ ନ ଥିଲା। ମଙ୍ଗଳବାରଠାରୁ କାମ ଆରମ୍ଭ ହୋଇଛି, କେବେ ସରିବ ତାହା କହି ହେବ ନାହିଁ। ମାତ୍ର ମୁଖ୍ୟ ପାଇପ ଲାଇନରେ ପାଣିର ବେଗ ଜୋର ରହିଥିବାରୁ ବାହାର ଦୂଷିତ ଜଳ ପ୍ରବେଶ କରିବାର ସମ୍ଭାବନା ବହୁତ କମ। ଶୀଘ୍ର କାମ ଶେଷ କରିବାକୁ ପ୍ରୟାସ ଜାରି ରହିଛି।


Enter your email to get our daily news in your inbox.

All Right Reserved By Dharitri.Com

ବଡ଼ ଗୁମର ଖୋଲିଲେ ଆର୍ଯ୍ୟବୀର ସେହ୍ବାଗ: ଯନ୍ତ୍ରଣାରେ ଛଟପଟ ହେଉଥିଲେ….

ନୂଆଦିଲ୍ଲୀ,୧୭।୧୧: କ୍ରିକେଟ ପଡ଼ିଆରେ ଲଢ଼େଇ କେବଳ ବ୍ୟାଟ ଓ ବଲ୍‌ରେ ହୁଏ ନାହିଁ, ବେଳେବେଳେ ମନୋବଳ ଓ ଈଶ୍ୱରଙ୍କ ଉପରେ ବିଶ୍ୱାସ ମଧ୍ୟ ବଡ଼ ଭୂମିକା ନିଭାଇଥାଏ।…

ସୁନା, ରୁପା ମୂଲ୍ୟରେ ଲଗାତର ହ୍ରାସ

ନୂଆଦିଲ୍ଲୀ,୧୭ା୧୧: ଗତ କିଛିଦିନ ଧରି ସୁନା ଓ ରୁପା ମୂଲ୍ୟ ହ୍ରାସ ପାଇ ଆସିଥିଲା ବେଳେ ସୋମବାର ଉଭୟ ଧାତୁ ମୂଲ୍ୟରେ ପୁଣି ହ୍ରାସ ଘଟିଛି। ଗତ…

ନ୍ୟୁଜିଲାଣ୍ଡକୁ ୪୪୦ ଭୋଲ୍ଟର ଝଟ୍‌କା: ଭାରତ ବିପକ୍ଷ ଟେଷ୍ଟ ସିରିଜ ଆରମ୍ଭ ହେବା ପୂର୍ବରୁ ବାଦ୍‌ ପଡ଼ିଲେ ଏହି ଖେଳାଳି

ନୂଆଦିଲ୍ଲୀ,୧୭।୧୧: ଭାରତ ବିପକ୍ଷ ଟେଷ୍ଟ ସିରିଜ ଆରମ୍ଭ ହେବା ପୂର୍ବରୁ ନ୍ୟୁଜିଲାଣ୍ଡକୁ ଶକ୍ତ ଧକ୍କା ଲାଗିଛି। ନଭେମ୍ବର ୧୫ରେ ଖେଳାଯାଇଥିବା ପଞ୍ଚମ ଦିନିକିଆ ମ୍ୟାଚ୍‌ରେ ଆହତ ହୋଇଥିବା…

ଜୀବନ୍ତ ଫେରି ନ ପାରେ: ଇମ୍ରାନ୍‌ ଖାନ୍‌

ଇସ୍‌ଲାମାବାଦ,୧୭ା୧୧(ପି.ଟି.): ଜେଲରେ ଥିବା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ ଦେଶର ପ୍ରଧାନ ବିଚାରପତି ଏବଂ ଅନ୍ୟ ମୁଖ୍ୟ ବିଚାରପତିମାନଙ୍କୁ ଏକ ଖୋଲା ଚିଠି ଲେଖି ତାଙ୍କ…

ମା’ଙ୍କ ପୁସ୍ତକ ଉନ୍ମୋଚନ ବେଳେ ରାହୁଲ ଭାବବିହ୍ବଳ

ନୂଆଦିଲ୍ଲୀ,୧୭ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ଲିଖିତ ଜୀବନୀ ପୁସ୍ତକ ‘ବିଲଙ୍ଗିଙ୍ଗ୍‌: ଏ ଜର୍ନି ଅଫ୍‌ ଲଭ୍‌’ର ଆନୁଷ୍ଠାନିକ ଉନ୍ମୋଚନ ସୋମବାର ନୂଆଦିଲ୍ଲୀରେ ହୋଇଛି। ଏହି କାର୍ଯ୍ୟକ୍ରମରେ…

ଆଜି ଭୀଷଣ ବାତ୍ୟା: ୨୦ରେ ସ୍ଥଳଭାଗ ଛୁଇଁବ, ଏହି ଦିନଠାରୁ ବଢିବ ବର୍ଷା

ଭୁବନେଶ୍ୱର, ୧୭ା୧୧(ସୌମ୍ୟରଞ୍ଜନ ରାଉତ):ବଙ୍ଗୋପସାଗରରେ ଘନୀଭୂତ ହେଉଛି ଗଭୀର ଅବପାତ। ଆଗାମୀ କିଛି ଘଣ୍ଟା ମଧ୍ୟରେ ଏହା ବାତ୍ୟାର ରୂପ ନେବା ସହ ୧୭ ତାରିଖ ସା ସୁଦ୍ଧା…

ଏଆଇ ଯୋଗାଣ ଶୃଙ୍ଖଳ ସୁରକ୍ଷା ଘୋଷଣାନାମାରେ ଭାରତର ସ୍ବାକ୍ଷର

ଓ୍ବାଶିଂଟନ,୧୭ା୧୧(ପି.ଟି.): ନୂତନ ପ୍ରଯୁକ୍ତିବିଦ୍ୟା କ୍ଷେତ୍ରରେ ଚାଇନା ସହ ବଢ଼ୁଥିବା ପ୍ରତିଦ୍ୱନ୍ଦ୍ୱିତାକୁ ଦୃଷ୍ଟିରେ ରଖି କୃତ୍ରିମ ବୁଦ୍ଧିମତ୍ତା (ଏଆଇ) ସମ୍ବନ୍ଧୀୟ ସାମଗ୍ରୀ ଓ ବ୍ୟବସ୍ଥାର ଯୋଗାଣ ଶୃଙ୍ଖଳକୁ ସୁରକ୍ଷିତ…

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?