‘ନିଯୁକ୍ତି ସଂକଟ କବଳରେ ସାରା ଭାରତ’

ବ୍ରହ୍ମପୁର ଅଫିସ୍‌,୨୦ା୧୦-କେନ୍ଦ୍ର ମୋଦି ସରକାରଙ୍କ ତ୍ରୁଟିପୂର୍ଣ୍ଣ ଅର୍ଥନୀତି ଯୋଗୁ ଏବେ ଦେଶରେ ବେକାରି ସମସ୍ୟା ବୃଦ୍ଧି ପାଇବାରେ ଲାଗିଛି । ଏହା କ୍ରମଶଃ ଗୋଟିଏ ପରେ ଗୋଟିଏ ରାଜ୍ୟକୁ ବ୍ୟାପୀବାରେ ଲାଗିଛି। ସାରା ଦେଶରେ ଏବେ ନିଯୁକ୍ତିକୁ ନେଇ ସଂକଟ ଦେଖାଦେଇଛି । ଯେଉଁଠି ଶ୍ରମିକମାନେ ଛଟେଇ ବିରୋଧରେ ବିକ୍ଷୋଭ କରୁଛନ୍ତି, ସେଠାରେ ପୋଲିସ ସହାୟତାରେ ଆନ୍ଦୋଳନକୁ ଦମନ କରାଯାଉଛି। ଏହାର ପ୍ରତିବାଦରେ ରବିବାର ସର୍ବଭାରତୀୟ ଶ୍ରମିକ ସଂଗଠନ ‘ଇଫ୍‌ଟୁ’, ଓଡ଼ିଶା ଆଉଟ୍‌ସୋର୍ସିଂ କର୍ମଚାରୀ ମହାସଂଘ, ଓଡ଼ିଶା ନିର୍ମାଣ ଶ୍ରମିକ ମହାସଂଘ ନେତୃତ୍ୱରେ ବିଭିନ୍ନ ଶ୍ରମିକ ସଙ୍ଗଠନ ପକ୍ଷରୁ ପୁରୁଣା ବସ୍‌ଷ୍ଟାଣ୍ଡରେ ବିକ୍ଷୋଭ ପ୍ରଦର୍ଶନ କରାଯାଇଥିଲା ।
ସଂଗଠନର ଅଭିଯୋଗ ହେଲା, ଦେଶର କ୍ରମ ବର୍ଦ୍ଧମାନ ଆର୍ଥିକ ସଙ୍କଟ ପରିପ୍ରେକ୍ଷୀରେ କଳ କାରଖାନା ବନ୍ଦ ହୋଇ ଲକ୍ଷ ଲକ୍ଷ ସଂଖ୍ୟାରେ ଶ୍ରମିକ ଏବଂ କର୍ମଚାରୀ ଛଟେଇ ହେଉଛନ୍ତି । ମୋଦି ସରକାର ଜାତୀୟ ସମ୍ପତ୍ତିି ରୂପେ ପରିଚିତ ବ୍ୟାଙ୍କ, ରେଳ, ବିମାନ ବନ୍ଦର ଓ ପ୍ରତିରକ୍ଷା ଉତ୍ପାଦନ ଆଦି କ୍ଷେତ୍ରକୁ ଦେଶୀ ବିଦେଶୀ କର୍ପୋରେଟ୍‌ମାନଙ୍କୁ ଟେକି ଦେବାକୁ ଘରୋଇକରଣ ଆରମ୍ଭ କରିଥିବା ବେଳେ ଶ୍ରମ ସଂସ୍କାର ନଁାରେ ଶ୍ରମିକମାନଙ୍କ କଷ୍ଟାର୍ଜିତ ଶ୍ରମ ଅଧିକାରକୁ ଦୁର୍ବଳ କରିବାକୁ ଶ୍ରମ ଆଇନକୁ ଉଚ୍ଛେଦ କରିବାକୁ ଉଦ୍ୟମ ଆରମ୍ଭ କରିଛନ୍ତି । କେନ୍ଦ୍ର ସରକାରଙ୍କ ପଦାଙ୍କ ଅନୂସରଣ କରି ବିଭିନ୍ନ ରାଜ୍ୟର ସରକାରମାନେ ଇତି ମଧ୍ୟରେ ଶ୍ରମିକ ଏବଂ କର୍ମଚାରୀଙ୍କ ଉପରେ ଆକ୍ରମଣ କରୁଛନ୍ତି । ନିକଟରେ ଭାଜପା ଶାସିତ ଉତ୍ତର ପ୍ରଦେଶ ସରକାର ଅର୍ଥାଭାବର ଆଳରେ ସେଠାକାର ଗୃହ ବିଭାଗରେ କାର୍ଯ୍ୟରତ ୨୫ ହଜାର ହୋମଗାର୍ଡ଼ଙ୍କୁ ଚାକିରିରୁ ଛଟେଇ କରିଛନ୍ତି । ସେହିଭଳି ତେଲେଙ୍ଗାନାର କେସିଆର୍‌ ସରକାର ସେଠାକାର ରାଜ୍ୟ ପରିବହନ ନିଗମରେ କାର୍ଯ୍ୟରତ ୪୮ ହଜାର କର୍ମଚାରୀଙ୍କୁ ଅତ୍ୟନ୍ତ ଅଗଣତାନ୍ତ୍ରିକ ଭାବେ ଚାକିରିରୁ ବହିଷ୍କାର କରିଛନ୍ତି। ନିଜର ବିଭିନ୍ନ ନ୍ୟାୟସଙ୍ଗତ ଦାବି ନେଇ ପରିବହନ କର୍ମଚାରୀମାନେ ଗତ ୧୫ ଦିନ ଧରି ଲଗାତର ଆନ୍ଦୋଳନ ଚଳାଇଛନ୍ତି। ପରିବହନ କର୍ମଚାରୀଙ୍କ ଏହି ଆନ୍ଦୋଳନକୁ ସମର୍ଥନ କରି ସେଠାକାର ବିରୋଧୀ ରାଜନୈତିକ ଦଳ ଓ ଶ୍ରମିକ ସଂଗଠନମାନଙ୍କ ତରଫରୁ ଶନିବାର ତେଲେଙ୍ଗାନାରେ ଦିନକିଆ ବନ୍ଦ ପାଳନ କରାଯାଇଥିବା ବେଳେ ତେଲେଙ୍ଗାନା ସରକାର ବନ୍ଦକୁ ବିଫଳ କରିବା ପାଇଁ ବ୍ୟାପକ ପୋଲିସ ଦମନ କରିଥିଲେ। ଖାମାମ୍‌ରେ ସିପିଆଇ(ଏମଏଲ୍‌) ନିଉ ଡ଼େମୋକ୍ରାସୀ ଏବଂ ଇଫ୍‌ଟୁ ନେତୃତ୍ୱରେ ଶ୍ରମିକମାନେ ବନ୍ଦ ପାଳନ କରୁଥିବା ବେଳେ ପୋଲିସର ବର୍ବର ଲାଠି ଚାଳନା ଫଳରେ ରାଜ୍ୟ ସହ ସମ୍ପାଦକ ପୋଟୁ ରଙ୍ଗାରାଓଙ୍କ ସମେତ ଅନେକ ଶ୍ରମିକ ନେତା ଗୁରୁତର ଆହତ ହୋଇଥିଲେ। ପୋଲିସର ଲାଠି ମାଡ଼ରେ ରଙ୍ଗାରାଓଙ୍କ ହାତ ଭାଙ୍ଗି ଯାଇଥିବା ବେଳେ ବାମ ହାତର ବୃଦ୍ଧାଙ୍ଗୁଷ୍ଠି ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ତେଲେଙ୍ଗୋନା ସରକାରଙ୍କ ଶ୍ରମିକ ବିରୋଧୀ ନୀତି ଏବଂ ଦମନ ଅତ୍ୟାଚାରକୁ ଶ୍ରମିକ ନେତାମାନେ ସମାଲୋଚନା କରିଥିଲେ । ଇଫ୍‌ଟୁର ରାଜ୍ୟ ଆବାହକ ପ୍ରତାପ ଚନ୍ଦ୍ର ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ପ୍ରତିବାଦ ସଭାରେ ବରିଷ୍ଠ ବାମପନ୍ଥୀ ନେତା ଭାଲଚନ୍ଦ୍ର ଷଡ଼ଙ୍ଗୀଙ୍କ ସମେତ ଇଫ୍‌ଟୁ ରାଜ୍ୟ କମିଟି ସଦସ୍ୟ ଏ. ଚୂଡ଼ାମଣି, ଆଉଟ୍‌ସୋର୍ସିଂ କର୍ମଚାରୀ ମହାସଂଘ ରାଜ୍ୟ ସାଧାରଣ ସମ୍ପାଦକ ପ୍ରଶାନ୍ତ ମହାରଣା, ଆଉଟ୍‌ସୋର୍ସିଂ ପୌର କର୍ମଚାରୀ ସଂଘ ନେତା ରବି ସାହାଣୀ, ନିର୍ମାଣ ଶ୍ରମିକ ମହାସଂଘ ଜିଲା ସମ୍ପାଦକ କବିରାଜ ବେହେରା, ମାନ୍ନା ଟ୍ରଷ୍ଟ ଶ୍ରମିକ ସଂଘ ସମ୍ପାଦିକା ସରସ୍ବତୀ ନାହାକ ଓ ପି. ରତ୍ନାଲୁ ପ୍ରମୁଖ ଯୋଗ ଦେଇଥିଲେ । ଶେଷରେ ଲକ୍ଷ୍ମୀନୃସିଂହ ରଥ ଧନ୍ୟବାଦ ଅର୍ପଣ କରିଥିଲେ ।


Enter your email to get our daily news in your inbox.

All Right Reserved By Dharitri.Com

ଅନ୍ତର୍ଜାତୀୟ ବାଲୁକା କଳା ପ୍ରଦର୍ଶନୀ ପାଇଁ ଓମ ପ୍ରକାଶଙ୍କ ପ୍ରସ୍ତୁତି: ଓଡ଼ିଶାର ଐତିହ୍ୟକୁ ବିଶ୍ୱ ଦରବାରରେ ପହଞ୍ଚାଇବା ଲକ୍ଷ୍ୟ

କର୍ଲାମୁଣ୍ଡା,୧୬।୧୧(ପ୍ରଦୀପ କୁମାର ସାହୁ):କୋଣାର୍କର ଚନ୍ଦ୍ରଭାଗା ବେଳାଭୂମିରେ ଡିସେମ୍ବର ୧ରୁ ୫ ତାରିଖ ପର୍ଯ୍ୟନ୍ତ କୋଣାର୍କ ମହୋତ୍ସବ ଅନୁଷ୍ଠିତ ହେବ। ଏଥିରେ ଭାଗ ନେବା ପାଇଁ ପଶ୍ଚିମ ଓଡ଼ିଶାର…

ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା ଉଦ୍‌ଯାପିତ: ଭବାନୀପାଟଣା ଚାମ୍ପିୟନ

ରିଷିଡ଼ା,୧୬ା୧୧(ସୁଶାନ୍ତ ମଲ୍ଲିକ): କର୍ଲାମୁଣ୍ଡା ବ୍ଲକ ରିଷିଡ଼ାସ୍ଥିତ ଜଗନ୍ନାଥ କୌଶଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟଠାରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଓଡ଼ିଶା ପକ୍ଷରୁ ତ୍ରିଦିବସୀୟ ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା…

ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ବିୟୋଗରେ ଗୁଣପୁର ଓକିଲ ସଂଘର ଶୋକସଭା

ଗୁଣପୁର, ୧୬।୧୧ (ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଓକିଲ ସଂଘର ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ୭୫ ବର୍ଷ ବୟସରେ ଶନିବାର ପରଲୋକ ଘଟିଥିଲା।…

ପର୍ଯ୍ୟଟକଙ୍କ ପାଇଁ ଖୋଲିଲା ଦାରିଙ୍ଗବାଡ଼ି ଇକୋ ରିଟ୍ରିଟ: ୨୮ ତମ୍ବୁ ଘର ସହ ପଞ୍ଚତାରକା ହୋଟେଲ୍‌ର ସୁବିଧା

ଦାରିଙ୍ଗବାଡ଼ି, ୧୬।୧୧ (ଅରୁଣ ସାହୁ): ପର୍ଯ୍ୟଟକଙ୍କ ପାଇଁ ଖୋଲିଲା କନ୍ଧମାଳ ଜିଲାର ପ୍ରସିଦ୍ଧ ପର୍ଯ୍ୟଟନସ୍ଥଳୀ ଦାରିଙ୍ଗବାଡ଼ି ଇକୋ ରିଟ୍ରିଟ। ଚଳିତ ବର୍ଷର ଇକୋ ରିଟ୍ରିଟକୁ ରାଜ୍ୟ ପର୍ଯ୍ୟଟନ…

କେନ୍ଦୁଝରରେ ଚାଞ୍ଚଲ୍ୟ: ଜୀବନ ଯୁଦ୍ଧରେ ହାରିଗଲେ ବଳାତ୍କାର ପୀଡିତା, ଅଭିଯୁକ୍ତଙ୍କୁ ଖୋଜୁଛି ପୋଲିସ…

କେନ୍ଦୁଝର,୧୬।୧୧(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା ତେଲକୋଇ ଥାନା ଅଞ୍ଚଳରେ ଜଣେ ୪୫ ବର୍ଷୀୟା ଜୁଆଙ୍ଗ ଆଦିମ ଜନଜାତି ବିଧବା ମହିଳା ବଳାତ୍କାରର ଶିକାର ହୋଇଥିଲେ। ଗୁରୁତର…

ଧରିତ୍ରୀରେ ଖବର ପ୍ରକାଶ ପରେ ତୁରନ୍ତ ହେଲା ସମସ୍ୟା ସମାଧାନ: ନୋଡାଲ ବିଦ୍ୟାଳୟକୁ ମିଳିଲା ୨ ଶିକ୍ଷକ

କର୍ଲାମୁଣ୍ଡା,୧୬।୧୧(ପ୍ରଦୀପ କୁମାର ସାହୁ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ସଦର ସ୍ଥିତ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକ ଅଭାବ ସମସ୍ୟାକୁ ନେଇ ଧରିତ୍ରୀ ଓ ଓରିଶା…

ଗଣତନ୍ତ୍ରର ଝଲକ ଦେଖାଏ ଚତୁର୍ଥ ସ୍ତମ୍ଭ: ମହାକାଳପଡ଼ା ପ୍ରେସ୍‌ କ୍ଲବ୍‌ ପକ୍ଷରୁ ନବମ ବାର୍ଷିକ ଜାତୀୟ ପ୍ରେସ୍‌ ଦିବସ ପାଳିତ

ମହାକାଳପଡ଼ା, ୧୬/୧୧ (ପ୍ରତାପ ଚନ୍ଦ୍ର ସ୍ୱାଇଁ): ଗଣତନ୍ତ୍ରର ସୁରକ୍ଷା ଓ ରାଷ୍ଟ୍ର ଗଠନରେ ଚତୁର୍ଥ ସ୍ତମ୍ଭର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଗଣତନ୍ତ୍ର ଓ ଚତୁର୍ଥ ସ୍ତମ୍ଭ ମୁଦ୍ରାର…

ଜାତୀୟ ପ୍ରେସ୍ ଦିବସ : ଗଣତନ୍ତ୍ରର ସୁରକ୍ଷା ଓ ସୁଦୃଢ଼ୀକରଣରେ ଗଣମାଧ୍ୟମର ଭୂମିକା ଗୁରୁତ୍ୱପୂର୍ଣ୍ଣ

ଭଞ୍ଜନଗର, ୧୬/୧୧ (ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗରସ୍ଥିତ କବିସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟର ସାମ୍ବାଦିକତା ଓ ଗଣଯୋଗାଯୋଗ ବିଭାଗ ପକ୍ଷରୁ ସୋମବାର ଜାତୀୟ ପ୍ରେସ୍ ଦିବସ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?