ବରୀ, (ବାଞ୍ଛାନିଧି ସାହୁ)- ପେସା ଶିକ୍ଷକତା ନିଶା ସାହିତି୍ୟକ। ଏଭଳି ଜଣେ ନିଆରା ମହିଳା ହେଉଛନ୍ତି ବରୀ ବ୍ଲକ୍ ଅଧୀନ କିମ୍ଭୀରିଆପାଳ ପଞ୍ଚାୟତର ମାଳଦା କମଳିନୀ ପାଗଡ଼। ଛୁଟି ଦିନ ହେଲେ କଲମ ଧରି ବସିଯାଆନ୍ତି ସାହିତ୍ୟ ରଚନାରେ। ଦୀର୍ଘ ୩୦ ବର୍ଷ ଧରି ଛାତ୍ରୀ ଅବସ୍ଥାରୁ ସାହିତ୍ୟ ପ୍ରତି ଆକୃଷ୍ଟ ହୋଇ ନିଜ ସାଧନା ବଳରେ ଏକାଧାରରେ ପାଲଟିଯାଇଛନ୍ତି ସାହିତି୍ୟକା, କବୟିତ୍ରୀ, ଗାଳ୍ପିକା ଓ ଉପନ୍ୟାସିକା। ଇତି ମଧ୍ୟରେ ୫୦ରୁ ଊର୍ଦ୍ଧ୍ୱ କବିତା, ୧୦ରୁ ଊର୍ଦ୍ଧ୍ୱ ଉପନ୍ୟାସ, ୩୦ରୁ ଊର୍ଦ୍ଧ୍ୱ ଗଳ୍ପ ଲେଖି ବିଭିନ୍ନ ଅନୁଷ୍ଠାନରୁ ସମ୍ବର୍ଦ୍ଧିତ ହୋଇଛନ୍ତି। ପେସାରେ ଜଣେ ଶିକ୍ଷୟିତ୍ରୀଭାବେ ସେ ଦୀର୍ଘ ୨୫ ବର୍ଷ ହେଲା କାର୍ଯ୍ୟକରି ନିଷ୍ଠାର ସହ କାର୍ଯ୍ୟ ସମ୍ପାଦନା କରିଆସୁଛନ୍ତି। ଏତିକିରେ ତାଙ୍କର ସାଧନା ଅଟକି ଯାଇନି ହିନ୍ଦୁସ୍ତାନୀ ଶାସ୍ତ୍ରୀୟ ସଙ୍ଗୀତରେ ବିଏ ପାସ୍ କଲା ପରେ ସଙ୍ଗୀତ ଜାରି ରଖିଛନ୍ତି। ସଙ୍ଗୀତ ମାଧ୍ୟମରେ ସଂସାରର ଦୁଃଖ କଷ୍ଟକୁ ସେ ଭୁଲି ଯାଆନ୍ତି ବୋଲି କୁହନ୍ତି।
