ସେଞ୍ଚୁରିଅନ୍, ୨୮ା୧୨: ଶ୍ରୀଲଙ୍କା ବିପକ୍ଷରେ ସ୍ଥାନୀୟ ସୁପର ସ୍ପୋର୍ଟ ପାର୍କରେ ଚାଲିଥିବା ପ୍ରଥମ ଟେଷ୍ଟ ମ୍ୟାଚ୍ରେ ମାତ୍ର ୧ ରନ୍ରେ ଦ୍ୱିଶତକରୁ ବଞ୍ଚତ୍ତ ହୋଇଛନ୍ତି ଦକ୍ଷିଣ ଆଫ୍ରିକାର ବରିଷ୍ଠ ବ୍ୟାଟ୍ସମ୍ୟାନ ଫାପ ଡୁ’ପ୍ଲେସି। ୧୯୯ ରନ୍ କରି ଖେଳୁଥିବାବେଳେ ଡୁ’ପ୍ଲେସି ଦୁର୍ଭାଗ୍ୟବଶତଃ ଓ୍ବାଇଣ୍ଡୁ ହାସରଙ୍ଗାଙ୍କ ବଲରେ ଦିମୁଥ କରୁଣାରତ୍ନେଙ୍କ ହାତରେ କ୍ୟାଚ୍ ଆଉଟ୍ ହୋଇଥିଲେ। ଏହା ତାଙ୍କ ଟେଷ୍ଟ କ୍ୟାରିୟରର ଶ୍ରେଷ୍ଠ ଇନିଂସ। ତାଙ୍କ ଏହି ପାଳିରେ ସାମିଲ ଥିଲା ୨୪ ଚୌକା। ଡୁ’ପ୍ଲେସିଙ୍କ ଇନିଂସ ଯୋଗୁ ପ୍ରଥମ ଇନିଂସରେ ଦକ୍ଷିଣ ଆଫ୍ରିକା ତା’ର ପ୍ରଥମ ଇନିଂସରେ ୨୨୫ ରନର ବୃହତ୍ ଅଗ୍ରଣୀ ଲାଭ କରିଛି। ଜବାବରେ ଭ୍ରମଣକାରୀ ଦଳ ସୋମବାର ଖେଳ ଶେଷ ସୁଦ୍ଧା ୨ ଉଇକେଟ ହରାଇ କରିଛି ୬୫ ରନ। ପ୍ରଥମ ଇନିଂସରେ ଶ୍ରୀଲଙ୍କା ଦଳ ୩୯୬ କରିଥିବାବେଳେ ଘରୋଇ ଦକ୍ଷିଣ ଆଫ୍ରିକା ୬୨୧ରେ ଅଲଆଉଟ ହୋଇଯାଇଥିଲା।
