ଉଦଳା,୨୬ା୧୨(ଡି.ଏନ୍.ଏ.) – ବଡ଼ଦିନ ଉପଲକ୍ଷେ ପର୍ଯ୍ୟଟନସ୍ଥଳୀ ଦେବକୁଣ୍ଡରେ ବୁଧବାର ପିକ୍ନିକ୍ ପାର୍ଟିଙ୍କ ଭିଡ଼ ଜମିଥିଲା। ଦେବକୁଣ୍ଡର ପ୍ରଥମ ବୁଢାମରା ଗେଟ୍ରେ ଇକୋ ଟୁରିଜିମ୍ ସହାୟତାରେ ନିର୍ମାଣ ହୋଇଥିବା ପିକ୍ନିକ୍ ସ୍ଥଳରେ ପ୍ରାୟ ୨ଶହରୁ ଅଧିକ ପକ୍ନିକ୍ ପାର୍ଟିଙ୍କ ଭିଡ଼ ଦେଖିବାକୁ ମିଳିଥିଲା। ରାଜ୍ୟର ବିଭିନ୍ନ ପ୍ରାନ୍ତ ସମେତ ପଶ୍ଚିମବଙ୍ଗ ଏବଂ ଝାଡ଼ଖଣ୍ଡ ରାଜ୍ୟରୁ ମଧ୍ୟ ପିକ୍ନିକ୍ ପାର୍ଟି ଏଠାକୁ ଆସୁଛନ୍ତି ା ଏଠାକାର ଘଞ୍ଚ ଜଙ୍ଗଲ ପାହାଡ଼ ପର୍ବତ ଘେରା ମଧ୍ୟରେ ଦେଓ ନଦୀର କୁଳୁକୁଳୁ ନାଦ, ଉଚ୍ଚତମ ପର୍ବତ ଶିଖରରେ ଦେବୀ ଅମ୍ବିକାଙ୍କର ମନ୍ଦିର ରହିଛି। ପ୍ରାକୃତିକ ପରିବେଶ ପର୍ଯ୍ୟଟକ ଏବଂ ପିକ୍ନିକ୍ ପାର୍ଟିଙ୍କୁ ବେଶ ଆନନ୍ଦ ଯୋଗାଉଛି ା ପକ୍ନିକ ସ୍ଥଳରେ ଶାନ୍ତିଶୃଙ୍ଖଳା ରକ୍ଷା କରିବା ନିମନ୍ତେ ଉଦଳା ଥାନା ପୋଲିସ୍ ପକ୍ଷରୁ ଅଧିକ କର୍ମଚାରୀ ନିୟୋଜିତ କରାଯାଇଥିବା ଥାନା ଆଇଆଇସି ରୀନା ବେହେରା ସୂଚନା ଦେଇଛନ୍ତି। ତେବେ ଆସନ୍ତା ନୂଆବର୍ଷ ତଥା ଜାନୁୟାରୀ ମାସରେ ଅଧିକରୁ ଅଧିକ ପିକ୍ନିକ୍ ପାର୍ଟିଙ୍କ ଭିଡ଼ ଲାଗି ରହିବା ସମ୍ଭାବନା ଥିବାରୁ ସ୍ଥାନୀୟ ପୋଲିସ୍ ପକ୍ଷରୁ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯିବ ବୋଲି କୁହାଯାଇଛି।
