ବିଭିନ୍ନ ପ୍ରକାର ଫଳର ଜୁସ ପିଇବା ସ୍ବାସ୍ଥ୍ୟ ପାଇଁ ଲାଭଦାୟକ ହୋଇଥାଏ। ବିଭିନ୍ନ ରୋଗରୁ ମୁକ୍ତି ପାଇବା ପାଇଁ ପ୍ରାକୃତିକ ଭାବେ ଏହି ଜୁସ ସାହାଯ୍ୟ କରିଥାଏ। ଡାକ୍ତର ମଧ୍ୟ ରୋଗୀଙ୍କୁ ଏହା ପିଇବା ପାଇଁ ପରାମର୍ଶ ଦେଇଥାନ୍ତି। ଏହାକୁ ଠିକ୍ ସମୟରେ ପିଇଲେ ଶରୀର ପାଇଁ ଲାଭଦାୟକ ହୋଇଥାଏ। କାରଣ ଜୁସ ପିଇବା ଦ୍ୱାରା ଶରୀରରେ ପାଚନ କ୍ରିୟା ଠିକ୍ ଭାବେ ହେବା ସହ ଆବଶ୍ୟକ ପରିମାଣରେ ପୋଷକ ତତ୍ତ୍ୱ ମିଳିଥାଏ।
ବ୍ୟାୟାମ କରିବା ସମୟରେ
*ବ୍ୟାୟାମ ଓ ପ୍ରାତଃଭ୍ରମଣ ସମୟରେ ଜୁସ୍ ପିଇବା ଉଚିତ। ଜୁସ ପିଇବା ଦ୍ୱାରା ଶରୀରକୁ ଆବଶ୍ୟକ ପରିମାଣରେ ଶକ୍ତି ଓ କ୍ୟାଲୋରି ମିଳିଥାଏ।
ଜଳଖିଆ ଖାଇବା ସମୟରେ
*ସକାଳର ଜଳଖିଆ ଖାଇବା ସମୟରେ ଜୁସ ପିଇପାରିବେ। ଏପରି କରିବା ଦ୍ୱାରା ଖାଦ୍ୟ ହଜମ ହୋଇଥାଏ ଏବଂ ଶରୀରକୁ ଉପଯୁକ୍ତ ଫାଇବର ମିଳିଥାଏ।
ଋତୁ ଅନୁଯାୟୀ
*ଋତୁ ଅନୁଯାୟୀ ବଜାରରେ ବିଭିନ୍ନ ପ୍ରକାର ଫଳ ଉପଲବ୍ଧ ହୋଇଥାଏ। ତେଣୁ ଋତୁ ଅନୁସାରେ ଜୁସ ପିଇବା ଉଚିତ। ଯେପରି ତରଭୁଜ, କମଳା, ଗାଜର, ଲିଚୁ ଓ ଆମ୍ବ ଇତ୍ୟାଦିକୁ ଜୁସ କରି ପିଇପାରିବେ।
ଦୁର୍ବଳ ଅନୁଭବ ହେଲେ
*ଶରୀରରେ ଆବଶ୍ୟକ ପୋଷକ ତତ୍ତ୍ୱ ଓ କ୍ୟାଲସିୟମ ପରିମାଣ କମିଲେ ଦୁର୍ବଳ ଅନୁଭବ ହୋଇଥାଏ। ସେହି ସମୟରେ ଜୁସ ପିଇବା ବେଶ ଲାଭଦାୟକ ହୋଇଥାଏ। କେବଳ ଫଳ ନୁହେଁ ପରିବା ଜୁସ୍ ମଧ୍ୟ ପିଇପାରିବେ। ଯେପରି ଗାଜର ବିଟ, ମୂଳା, କାକୁଡି ଓ ଅଁଳାର ଜୁସ। ଏହାଦ୍ୱାରା ଦୁର୍ବଳ ସମସ୍ୟା ଦୂର ହୋଇଥାଏ।
