ଚାନ୍ଦବାଲି,୮ା୧(ଡି.ଏନ୍.ଏ.)-୧୨ ଦଫା ଦାବି ନେଇ କେନ୍ଦ୍ରୀୟ ଟ୍ରେଡ୍ ୟୁନିୟନ ଡାକରାରେ ବୁଧବାର ଭଦ୍ରକ ଜିଲା ଚାନ୍ଦବାଲି ବ୍ଲକରେ ୧୨ ଘଣ୍ଟିଆ ବନ୍ଦ ପାଳନ ଓ ପ୍ରତିବାଦ ସଭା ଅନୁଷ୍ଠିତ ହୋଇଛି। ଦଳୀୟ ନେତୃବୃନ୍ଦଙ୍କ ଏକ ଶୋଭାଯାତ୍ରା ସହର ପରିକ୍ରମା କରିବା ପରେ ଚାନ୍ଦବାଲି ହାଟପଟିଠାରେ ରାସ୍ତା ଅବରୋଧ କରାଯିବା ସହ ପ୍ର୍ତିବାଦ ସଭା ଅନୁଷ୍ଠିତ ହୋଇଥିଲା। ସରକାରୀ, ବେସରକାରୀ କାର୍ଯ୍ୟାଳୟ, ପେଟ୍ରୋଲ ପମ୍ପ ଓ ବ୍ୟାଙ୍କଗୁଡିକ ବନ୍ଦଥିବାବେଳେ ରାସ୍ତାରେ ଗାଡ଼ି ଚଳାଚଳ ବନ୍ଦ ଥିଲା। ଦୋକାନ ବଜାର ଆଂଶିକ ଖୋଲା ରହିଥିଲା। ଉପେନ୍ଦ୍ର ରାଉଳ, ମଳୟ ଭୋଇ, ବିକାଶ ନାଥ, ବଳରାମ ମିଶ୍ର, ସଂଜୟ ଓଝା, ନରେନ୍ଦ୍ର ବିଶ୍ୱାଳ, ପ୍ରଭାକର ବିଶ୍ୱାଳ, ଦେବହରି ରାଉଳ, ସୁବାସ ନାୟକ, ଅମରେନ୍ଦ୍ର ମହାନ୍ତି ପ୍ରମୁଖ ବନ୍ଦ ପାଳନର ନେତୃତ୍ୱ ନେଇଥିଲେ। ଅନୁରୂପ ଭାବରେ ଧାମରା, ଦୋସିଙ୍ଗା, କଇଥଖୋଲା, ଘଣ୍ଟେଶ୍ୱର, ମତୋରେ ବନ୍ଦର ପ୍ରଭାବ ପଡିଛି ା ଭଦ୍ରକ-ଧାମରା ମଧ୍ୟରେ ରେଳ ଚଳାଚଳ ବନ୍ଦ ଥିବା ବେଳେ ବନ୍ଦର କମ୍ପାନୀର କାମ ବାଧାପ୍ରାପ୍ତ ହୋଇଛି।
