ଛତ୍ରପୁର,୯।୬(ଡି.ଏନ.ଏ):ଗଞ୍ଜାମ ଜିଲା ଛତ୍ରପୁର ବ୍ୟାଙ୍କ କଲୋନୀ ପଛପଟୁ ଏକ କିଆବୁଦା ମୂଳରୁ ୫ ତାରିଖରେ ଏକ ନବଜାତ ଶିଶୁ ପୁତ୍ରକୁ ପାଲିଆ ଛତ୍ରପୁରର ଦମନ୍ତି ନାୟକ ଉଦ୍ଧାର କରିଥିଲେ ା ପରେ ଛତ୍ରପୁର ହସ୍ପିଟାଲରେ ଶିଶୁଟିର ସ୍ବାସ୍ଥ୍ୟ ପରୀକ୍ଷା କରାଇ ଶିଶୁଟିକୁ ଘରକୁ ନେଇଥିଲେ ଦମନ୍ତି। ଏସମ୍ପର୍କରେ ଖବର ପାଇ ଚାଇଲ୍ଡଲାଇନ୍ କର୍ମୀ ତାଙ୍କ ଘରେ ପହଂଚି ଉକ୍ତ ଶିଶୁଙ୍କୁ ବ୍ରହ୍ମପୁର ବଡ ମେଡିକାଲକୁ ନେଇଥିଲେ ଏବଂ ଦମନ୍ତି ମଧ୍ୟ ସେମାନଙ୍କ ସହ ସେଠାକୁ ଯାଇଥିଲୋ ଉକ୍ତ ଶିଶୁଙ୍କୁ ସେ ଘରକୁ ନେଇ ପାଳିବେ ବୋଲି ଜଣାଇଥିଲେ ହେଁ ଦମନ୍ତିଙ୍କ କଥା କେହି ଶୁଣୁନାହାନ୍ତି। ଫଳରେ ୫ ଦିନ ହେଲା ଦମନ୍ତି ବ୍ରହ୍ମପୁର ବଡ ମେଡିକାଲରେ ଶିଶୁଟିକୁ ଜଗି ରହିଛନ୍ତି।
ମଙ୍ଗଳବାର ଦମନ୍ତିଙ୍କ ବାପା ଦାଶରଥୀ ନାୟକ ଏବଂ ଗାଁ ର କେତେକ ଲୋକ ଛତ୍ରପୁର ଆସି ଜିଲାପାଳ ବିଜୟ ଅମୃତା କୁଲାଙ୍ଗେଙ୍କୁ ଭେଟି ଏସମ୍ପର୍କରେ ଜଣାଇଥିଲୋ ଏହା ଉପରେ ତଦନ୍ତ ପାଇଁ ଜିଲା ଶିଶୁ ସୁରକ୍ଷା ଅଧିକାରୀ ସୁବୋଧ ଷଡଙ୍ଗୀଙ୍କୁ ଜିଲାପାଳ କହିଥିଲେ ା ଜିଲା ଶିଶୁ ସୁରକ୍ଷା ଅଧିକାରୀ ଏଠାରେ ପହଞ୍ଚିି ଦାସରଥୀ ଓ ଅନ୍ୟ ଗ୍ରାମବାସୀଙ୍କଠାରୁ ଏସମ୍ପର୍କରେ ତଥ୍ୟ ସଂଗ୍ରହ କରିଛନ୍ତି ା ଉଦ୍ଧାର ହୋଇଥିବା ଶିଶୁଙ୍କୁ ଆଇନ୍ ଅନୁସାରେ ଗ୍ରହଣ କରି ପାଳନ କରିବାକୁ ଦମନ୍ତି ଚାହଁୁଥିବା ତାଙ୍କ ବାପା ଦାଶରଥୀ କହିଛନ୍ତିି ା ପ୍ରକାଶଯୋଗ୍ୟ, ଗତ ୫ ତାରିଖରେ ଦମନ୍ତି କିଆବୁଦାରୁ ଉକ୍ତ ନବଜାତ ଶିଶୁଙ୍କୁ ଉଦ୍ଧାର କରିଥିଲେ ା
