ବ୍ରହ୍ମପୁର ଅଫିସ,୩ା୧୦-ଦୀର୍ଘ ୩ ବର୍ଷ ପରେ କାର୍ଯ୍ୟକ୍ଷମ ହେଲା ହଳଦିଆପଦର ବସ୍ ଟର୍ମିନାଲ ା ପ୍ରଥମ ପର୍ଯ୍ୟାୟରେ ବ୍ରହ୍ମପୁରରୁ ଅନ୍ୟ ଜିଲାକୁ ଯାତାୟାତ କରୁଥିବା ସମସ୍ତ ଓଏସ୍ଆରଟିସି ବସ୍ ଟର୍ମିନାଲରୁ ବୁଧବାର ଚଳାଚଳ ଆରମ୍ଭ କରିଛି ା ଦିନରେ ୩ ଟି ବସ୍ ଷ୍ଟାଣ୍ଡରୁ ଯାଇଥିବା ବେଳେ ସନ୍ଧ୍ୟା ଓ ରାତିିରୁ ସମସ୍ତ ଓଏସ୍ଆରଟିସି ବସ୍ ଷ୍ଟାଣ୍ଡରୁ ଚଳାଚଳ କରିବା ନେଇ ସୂଚନା ମିଳିଛି ା ଅନ୍ୟପକ୍ଷରେ ହଳଦିଆପଦର ବସ୍ଷ୍ଟାଣ୍ଡରୁ ଯାତ୍ରୀଙ୍କୁ ସିଟି ବସ୍ଷ୍ଟାଣ୍ଡ ତଥା ସହର ମଧ୍ୟକୁ ଯାତାୟାତ ସୁବିଧା ନିମିତ୍ତ ୩ ରୁଟରେ ୧୦ ସିଟି ବସ୍ ଚଳାଚଳ କରିଥିବା ସୂଚନା ମିଳିିଛି ା ବ୍ରହ୍ମପୁର ସହର ମଧ୍ୟରେ ବସ ୍ଚଳାଚଳ ଯୋଗୁ ଟ୍ରାଫିକ ସମସ୍ୟା ହ୍ରାସ ପାଇଁ ୨୦୧୬ରେ ହଳଦିଆପଦରରେ ଅତ୍ୟାଧୁନିକ ବସ୍ ଟର୍ମିନାଲ ଉଦ୍ଘାଟିତ ହୋଇଥିଲା ା ଉଦ୍ଘାଟନର ଦୀର୍ଘ ୩ ବର୍ଷ ପରେ ଏହି ଅତ୍ୟାଧୁନିକ ଟର୍ମିନାଲ ବୁଧବାରରୁ କାର୍ଯ୍ୟକ୍ଷମ ହୋଇଛି ା ଜିଲା ପ୍ରଶାସନର ପୂର୍ବ ନିଷ୍ପତ୍ତି ପ୍ରକାରେ ପ୍ରଥମ ପର୍ଯ୍ୟାୟରେ ଟର୍ମିନାଲରୁ ବିଭିନ୍ନ ଅଞ୍ଚଳକୁ ଯାତାୟାତ କରୁଥିବା ପ୍ରାୟ ୧୭ ଓଏସ୍ଆର୍ଟିସି ବସ୍ ଯାତାୟାତ ଆରମ୍ଭ କରିଛି ା ବୁଧବାର ବାଲିମେଳା, ବଡଗଡ ଓ ହୀରାକୁଦକୁ ବସ୍ ଚଳାଚଳ କରିଥିବା ବେଳେ ସନ୍ଧ୍ୟାରେ ପଦ୍ମପୁର, ବଲାଙ୍ଗୀର ଓ ବୁର୍ଲାକୁ ମଧ୍ୟ ବସ୍ ଯାତାୟାତ କରିଛି ା ତେବେ ଆନ୍ଧ୍ର ଦେଇ ଯାତାୟାତ କରୁଥିବା ବସ୍ ସିଧାସଳଖ ଟର୍ମିନାଲରୁ ଜାତୀୟ ରାଜପଥ ଦେଇ ଯାତାୟାତ କରିଥିବା ବେଳେ ଅନ୍ୟାନ୍ୟ ବସ୍ଗୁଡିକ ଲାଞ୍ଜିପଲ୍ଲୀ, କମାପଲ୍ଲୀ, ସିଟି ବସ୍ଷ୍ଟାଣ୍ଡ ଓ ଗେଟବଜାର ଦେଇ ଯାତାୟାତ କରିଛି ା ସିଟି ବସ୍ଷ୍ଟାଣ୍ଡରେ ଓଏସ୍ଆରଟିସି ବସ୍ଗୁଡିକ ମାତ୍ର ୧୦ମିନିଟ ପାଇଁ ରହିଥିବା ସୂଚନା ମିଳିଛି। ଅନ୍ୟପକ୍ଷରେ ପ୍ରଥମଦିନରେ ମାତ୍ର ୨ ଟି ଟିକେଟ ବିକ୍ରି ହୋଇଥିବା ଜଣାପଡିଛି। ବସ୍ଷ୍ଟାଣ୍ଡ ସ୍ଥାନାନ୍ତର ପରେ ଓଏସ୍ଆର୍ଟିସିରେ କାର୍ଯ୍ୟରତ କର୍ମଚାରୀମାନେ ସନ୍ତୋଷ ପ୍ରକାଶ କରିଛନ୍ତି। ବ୍ରହ୍ମପୁରରୁ ପଦ୍ମପୁରକୁ ଯାତାୟାତ କରୁଥିବା ଓଏସ୍ଆର୍ଟିସିର ଡ୍ରାଇଭର ନିରଞ୍ଜନ ଗରସେଲ କହିଛନ୍ତି, ସିଟି ବସ୍ଷ୍ଟାଣ୍ଡରୁ ଏଠାରେ ସୁବିଧା ଭଲ ରହୁଛି ା ଶୌଚାଳୟ ସୁବିଧା ଅଛି, କିନ୍ତୁ ପାନୀୟ ଜଳରେ କେତେକ ସମସ୍ୟା ରହିଛି ା ଖାଇବା ପାଇଁ ଟିକେ ବାହାରକୁ ଦୂରକୁ ଯିବାକୁ ପଡୁଛି ା ଖୁବଶୀଘ୍ର ବସ୍ଷ୍ଟାଣ୍ଡରେ ଖାଇବା, କ୍ୟାଣ୍ଟିନ ବ୍ୟବସ୍ଥା ଓ ଶୌଚାଳୟ ପରିଚାଳନା ନିମିତ୍ତ କର୍ମଚାରୀ ନିଯୁକ୍ତି, ପାନୀୟ ଜଳ ବ୍ୟବସ୍ଥା ଉପରେ ପଦକ୍ଷେପ ନିଆଯିବା ଆବଶ୍ୟକ ବୋଲି ସେ କହିଛନ୍ତି। ଅନ୍ୟପକ୍ଷରେ ବସ୍ଷ୍ଟାଣ୍ଡରୁ କଣ୍ଟ୍ରାକ୍ଟ କ୍ୟାରିୟର ଯଥା ଭୁବନେଶ୍ୱର, କଟକ ଓ ଅନ୍ୟାନ୍ୟ ସ୍ଥାନକୁ ଯାତାୟାତ କରୁଥିବା କଣ୍ଟ୍ରାକ୍ଟ କ୍ୟାରିୟର ବସ୍ଗୁଡିକ ମଧ୍ୟ ଷ୍ଟାଣ୍ଡରୁ ଚଳାଚଳ ଆରମ୍ଭ କରିଛି ା ଏହାବାଦ୍ ସହର ମଧ୍ୟକୁ ତଥା ସିଟି ବସ୍ଷ୍ଟାଣ୍ଡରୁ ଚଳାଚଳ କରୁଥିବା ଆନ୍ଧ୍ର ଘରୋଇ ବସ୍ଗୁଡିକୁ ସ୍ଥାନାନ୍ତର କରିବା ଦିଗରେ ମଧ୍ୟ ଖୁବ୍ଶୀଘ୍ର ପଦକ୍ଷେପ ନିଆଯିବ ବୋଲି କମିଶନର ଚକ୍ରବର୍ତ୍ତୀ ସିଂ ରାଠୋର ସୂଚନା ଦେଇଛନ୍ତି ା
ଏହାବ୍ୟତୀତ ଯାତ୍ରୀଙ୍କ ସୁବିଧା ନିମିତ୍ତ ହଳଦିଆପଦରରୁ ୩ ରୁଟ୍ରେ ୧୦ ସିଟି ବସ୍ ଚଳାଚଳ ମଧ୍ୟ ଆରମ୍ଭ ହୋଇଛି ା ହଳଦିଆପଦରରୁ ସିଟି ବସ୍ଷ୍ଟାଣ୍ଡ ହୋଇ ଜଗଦଳପୁର, ହଲଦିଆପଦର ବସ୍ଷ୍ଟାଣ୍ଡରୁ ଲାଞ୍ଜିପଲ୍ଲୀ ଓଭରବ୍ରଜ ଦେଇ ସିଟି ବସ୍ଷ୍ଟାଣ୍ଡ ଏବଂ ହଳଦିଆପଦରରୁ ଗୋପାଳପୁର ଜଙ୍କସନ ଓଭରବ୍ରିଜ ହୋଇ ସିଟିବସ୍ଷ୍ଟାଣ୍ଡ ପ୍ରମୁଖ ୩ ରୁଟରେ ୧୦ ସିଟିବସ ଚଳାଚଳ ଆରମ୍ଭ କରିଛି ା ଏହାର ଦିବା ଓ ରାତ୍ର ବିଭିନ୍ନ ସମୟରେ ଚଳାଚଳ କରିବା ନେଇ କମିଶନର ସୂଚନା ଦେଇଛନ୍ତି ା
