କାନୁନ୍‌ଗୋ ବୋଲି ଓଡ଼ିଆ ଭାବନ୍ତି

ଏକାଧାରରେ ଜଣେ ପ୍ଲେବ୍ୟାକ୍‌ ସିଙ୍ଗର୍‌, କମ୍ପୋଜର୍‌, ଆକ୍ଟର ଏବଂ ଏଣ୍ଟରପ୍ରିନିୟୋର୍‌। ନିଜ ପାର୍ଟି ନମ୍ବର୍‌ ଓ ର଼୍ୟାପ୍‌ ସଙ୍ଗ୍‌ ପାଇଁ ରାତାରାତ ୟୁଥ୍‌ ସେନ୍‌ସେସନ୍‌ ପାଲଟିଥିବା ଅର୍ଜୁନ ପାର୍ଟି ଗୀତକୁ ପାର୍ଟି ଆନ୍ଥେମ୍‌ କରିବାରେ ଉସ୍ତାଦ୍‌। ‘ବାକି ବାତେଁ ପିନେ ବାଦ୍‌’ରେ ହଜାର ହଜାର ଯୁବପିଢିଙ୍କୁ ଝୁମାଇଥିବା ଅର୍ଜୁନ ୨୦୧୩ରେ ‘ଗୋ ଗୋଆ ଗନ୍‌’ରେ ‘ଖୁନ୍‌ ଚୁସ୍‌ ଲେ’ ଗୀତ ମାଧ୍ୟମରେ ପ୍ରଥମେ ଲାଇମ୍‌ଲାଇଟ୍‌କୁ ଆସିଥିଲେ। କ୍ଲାସିକାଲ ଗୀତରେ ପ୍ରଶିକ୍ଷଣ ନେଇଥିବା ଏହି କଣ୍ଠଶିଳ୍ପୀ ‘ଫୁର୍‌ସତ୍‌’ ଓ ‘ଏକ୍‌ ଦଫା’ ସିଙ୍ଗିଲ୍ସରେ ହଇଚଇ କରିଦେଇଛନ୍ତି। ୨୦୧୮ରେ ରିଲିଜ ହୋଇଥିବା ନେହା କକ୍କରଙ୍କ ସହ ତାଙ୍କ ଡୁଏଟ୍‌ ‘ଲା ଲା ଲା’ ୟୁଟ୍ୟୁବ୍‌ରେ ୭୫ ମିଲିୟନ୍‌ରୁ ଅଧିକ ଭ୍ୟୁ ସାଉଁଟିଛିି। ପ୍ରସିଦ୍ଧ ପାକିସ୍ତାନୀ କଣ୍ଠଶିଳ୍ପୀ ମୋମିନା ମୁସ୍ତେହସନ୍‌ଙ୍କ ସହ ସେ ଗାଇଥିବା ‘ଆୟେ ନା ତୁ’ ବି ସୁପରହିଟ୍‌ ହୋଇଥିଲା। ଏକାଧିକ ହିନ୍ଦୀ ଫିଲ୍ମରେ ଗୀତ ଗାଇଥିବା ଅର୍ଜୁନ ଜଣେ ଲୋକପ୍ରିୟ ପ୍ଲେବ୍ୟାକ୍‌ ସିଙ୍ଗର୍‌ଭାବେ ଯେତିିକି ପରିଚିତ, ନିଜ ଲୁକ୍‌ ଓ ଷ୍ଟାଇଲ୍‌ ପାଇଁ ସେତିକି ପ୍ରସିଦ୍ଧ। ନିକଟରେ ଭୁବନେଶ୍ୱରଠାରେ ଆୟୋଜିତ ମାକ୍‌ଡୋଏଲ୍ସର ବହୁଚର୍ଚ୍ଚିତ ନମ୍ବର ୱାନ୍‌ ୟାରି ଜାମ୍‌ ଫେଷ୍ଟ୍‌ରେ ଯୋଗଦେବାକୁ ଓଡ଼ିଶା ଆସିଥିବା ଅବସରରେ ତାଙ୍କ ସହ ସଂକ୍ଷିପ୍ତ ଆଳାପ।

ଗୁଗଲ୍‌ ଏବଂ ଓ୍ବିକିପିଡ଼ିଆରେ ଆପଣଙ୍କ ଘର ଓଡ଼ିଶା ବୋଲି ଲେଖା ଅଛି। ଓଡ଼ିଶା ସହ କି ସମ୍ପର୍କ ଅଛି?
*ମୁଁ ବି ବେଳେବେଳେ ଏହାକୁ ନେଇ କନ୍‌ଫ୍ୟୁଜ୍‌ ହୋଇଯାଏ। କାନୁନ୍‌ଗୋ ବୋଲି ମୋତେ ସମସ୍ତେ ଓଡ଼ିଆ ଭାବନ୍ତି। ହେଲେ ବାସ୍ତବରେ ମୁଁ ଓଡ଼ିଆ ନୁହେଁ। ମୋ ଘର ରାଜସ୍ଥାନରେ ଏବଂ ମୋ ପରିବାର ରାଜସ୍ଥାନରେ ହିଁ ରୁହନ୍ତି। ମୁଁ ବମ୍ବେରେ ଜନ୍ମହୋଇଛି ଓ ସେଠାରେ ବଡ଼ ହୋଇଛି। ହେଲେ ଓ୍ବିକିପିଡ଼ିଆରେ ମୋ ଘର ଓଡ଼ିଶା ଲେଖା ଅଛି ବୋଲି ମୁଁ ଜାଣି ନଥିଲି। ଆଜି ଜାଣିବାକୁ ପାଉଛି। ଏହାକୁ ବଦଳାଇବାକୁ ପଡ଼ିବ।
ଓଡ଼ିଶା ବିଷୟରେ କେତେ ଜାଣିଛନ୍ତି?
*ଓଡ଼ିଶାକୁ ଆଗରୁ ଆସିଛି। ହେଲେ ଶୋ’ ପାଇଁ ଆସିଲେ ବାହାରକୁ ଯାଇହୁଏନା କି ବୁଲିହୁଏନା। ଫାଙ୍କା ସମୟରେ ଏଠାକୁ ଆସି କିଛି ସମୟ ରହିବାକୁ ମୋର ଯୋଜନା ଅଛି। ସପ୍ତାହେ, ଦୁଇ ସପ୍ତାହ ରହି ଓଡ଼ିଶାର ପ୍ରସିଦ୍ଧ ସ୍ଥାନ ବୁଲିବି। ଏଠାକାର ମନ୍ଦିର ଓ ତା’ର ଆର୍କିଟେକ୍‌ଚର୍‌ ବହୁ ସୁନ୍ଦର ବୋଲି ଶୁଣିଛି। ତେଣୁ ସେଗୁଡ଼ିକ ଦେଖିବାକୁ ବହୁତ ଆଗ୍ରହ ଅଛି। ଖୁବ୍‌ଶୀଘ୍ର ଏକ ଟ୍ରିପ୍‌ ପ୍ଲାନ୍‌ କରିବି।
ଅନେକ ସେଲିବ୍ରିଟି ଏଠାକୁ ଆସି ଓଡ଼ିଆ ଖାଦ୍ୟ ମୋହରେ ପଡ଼ିଯାଆନ୍ତି। ଆପଣ କ’ଣ ଖାଇଛନ୍ତି?
*ମୁଁ ଏବେ ନୁହେଁ, ବହୁ ଆଗରୁ ଓଡ଼ିଆ ଖାଦ୍ୟ ଖାଇଛି। ଓଡ଼ିଶାର ଟ୍ରାଡିଶନାଲ ଫୁଡ୍‌ ମୋତେ ବହୁତ ଭଲଲାଗେ। ବିଶେଷକରି ଫ୍ରାଏଡ୍‌ ମାଛ ମୋର ଫେଭରାଇଟ୍‌। ଓଡ଼ିଶାରେ ଯେଉଁ ଫ୍ରେଶ ଓ୍ବାଟର୍‌ ଫିସ୍‌ ମିଳେ ତାହା ଆଉ କେଉଁଠି ମିଳେନା।
ଆଜିକାଲିର ରିମିକ୍ସ ଟ୍ରେଣ୍ଡ୍‌କୁ କେମିତି ଦେଖୁଛନ୍ତି?
*ମୁଁ ଏହାକୁ ଖୋଲାଖୋଲି ବିରୋଧ କରେ। ଗୋଟିଏ ଦୁଇଟି ଗୀତ ଠିକ୍‌ ଅଛି। ହେଲେ ଏବେ ଯେଉଁ ମାତ୍ରାରେ ରିମିକ୍ସ ହେଉଛି ସେମିତି ହେବା ଉଚିତ୍‌ ନୁହେଁ। ଆଜିକାଲି ପ୍ରତ୍ୟେକ ଫିଲ୍ମରେ ଯାହା ବି ହେଲେ ଗୋଟିଏ ରିମିକ୍ସ ରହୁଛି। ସବୁ ଫିଲ୍ମରେ ପ୍ରଥମେ ଏକ ରିମିକ୍ସ, ତା’ପରେ ଏକ ଲଭ୍‌ ସଙ୍ଗ୍‌ ଓ ଶେଷରେ ଏକ ପାର୍ଟି ସଙ୍ଗ୍‌ ରହୁଛି। ଏହା ଏକ ଟ୍ରେଣ୍ଡ୍‌ରେ ପରିଣତ ହେଲାଣି। ଫଳରେ ନୂଆ ଗୀତ ଆଉ ଆସୁନି କି ଭଲ ଗୀତ ତିଆରି ହେଉନି। ରିମିକ୍ସ କରିବା ଲୋକକୁ କ୍ରେଡିଟ୍‌ ମିଳୁଛି କିନ୍ତୁ ଯିଏ ଗୀତକୁ ବାସ୍ତବରେ କରିଛି ତାକୁ କ୍ରେଡିଟ୍‌ ମିଳୁନି। ଯେଉଁମାନେ ରିମିକ୍ସ କରୁଛନ୍ତି ସେମାନଙ୍କୁ ମୁଁ ଗୋଟିଏ ପ୍ରଶ୍ନ କରିବି ଯେ ୧୦ବର୍ଷ ପରେ ତୁମେ କ’ଣ କରିବ। ସେତେବେଳେ ରିମିକ୍ସ କରିବାକୁ ଆଉ କିଛି ନଥିବ।
ଏତେ ଭଲ ଭଲ ପାର୍ଟି ଆନ୍ଥେମ୍‌ କରିବା ପଛର ସିକ୍ରେଟ୍‌ କ’ଣ?
*ସିକ୍ରେଟ୍‌ ତ ନାହିଁ। ହେଲେ ଏତିକି କହିବି ନିଜେ ପାର୍ଟି କଲେ ଆନ୍ଥେମ୍‌ ଆପେ ଆପେ ହୋଇଯିବ।
ଆଗକୁ କ’ଣ କରିବାର ଯୋଜନା ରଖିଛନ୍ତିି?
*ସମାନ କାମ ବହୁତ କରିସାରିଲିଣି। ଏବେ କିଛି ନୂଆ କରିବାର ଅଛି। ନିକଟରେ ୩ଟି ଫିଲ୍ମ ପାଇଁ ଗୀତ ରେକର୍ଡ କରିଛି। ତାହା ଏବେଯାଏଁ ରିଲିଜ୍‌ ହୋଇନି। ଡିସେମ୍ବରରେ ଏକ ସିଙ୍ଗିଲ୍‌ ରିଲିଜ ହେବ। ଆଶାକରୁଛି ପାର୍ଟି ଲଭର୍‌ଙ୍କ ପାଇଁ ତାହା ଏକ ଭଲ ଗୀତ ହେବ।
କେବଳ ହିନ୍ଦୀ ନା ଆଉ କେଉଁ ଭାଷାରେ ଗୀତ ଗାଇବାର ଆଗ୍ରହ ଅଛି?
*ମୋତେ ସବୁ ଭାରତୀୟ ଭାଷାରେ ଗାଇବାର ଆଗ୍ରହ ଅଛି। ଯଦି ଓଡ଼ିଆରେ ବି ଅଫର୍‌ ମିଳେ ତାହେଲେ ନିଶ୍ଚୟ ଗାଇବି।
ସାମ୍ପ୍ରତିକ ସମୟରେ ରିଆଲିଟି ଶୋ’ଗୁଡ଼ିକ ପ୍ରତିଭାମାନଙ୍କୁ ଭଲ ପ୍ଲାଟ୍‌ଫର୍ମ ଦେଉଛି ନା ଏକ ନେଗ୍‌ଟିଭ୍‌ ବାତାବରଣ ସୃଷ୍ଟିକରୁଛି?
*ନିଶ୍ଚିନ୍ତଭାବେ ଏହା ଭଲ ପ୍ଲାଟ୍‌ଫର୍ମ। ଆଜିକାଲିର ରିଆଲିଟି ଶୋ’ରେ ପ୍ରତିଯୋଗିତା ବଢିଗଲାଣି। ଏକ୍ସପୋଜର୍‌ ବି ଭଲ ହେଲାଣି। ତେଣୁ ଯେଉଁମାନେ ଗାଇବାର ସୁଯୋଗ ପାଉନାହାନ୍ତି ସେମାନଙ୍କୁ ମୁଁ ଏତିକି କହିବି ରିଆଲିଟି ଶୋ’କୁ ଯାଅ। ସେଠାରେ ନିଜ ଟ୍ୟାଲେଣ୍ଟ୍‌ ଦେଖାଅ।


Enter your email to get our daily news in your inbox.

All Right Reserved By Dharitri.Com

ଦୁର୍ଘଟଣାରେ ଆହତ ଅଭିନେତ୍ରୀ ଅରୁନ୍ଧତୀ ଭେଣ୍ଟିଲେଟରରେ

ଚେନ୍ନାଇ,୧୯।୩: ‘ସୈତାନ’ ଫିଲ୍ମରେ ଅଭିନୟ କରି ଖ୍ୟାତି ଅର୍ଜନ କରିଥିବା ତାମିଲ ଅଭିନେତ୍ରୀ ଅରୁନ୍ଧତୀ ନାୟାର ଦୁର୍ଘଟଣାରେ ଗୁରୁତର ହୋଇ ଭେଣ୍ଟିଲେଟର ସପୋର୍ଟରେ ରହିଛନ୍ତି। ଗତ...

ଏଲ୍‌ଭିଶ୍‌ ଯାଦବଙ୍କୁ ଗିରଫ କଲା ପୋଲିସ

ନୂଆଦିଲ୍ଲୀ,୧୭ା୩: ନୋଏଡାର ଏକ ରେଭ୍‌ ପାର୍ଟିରେ ସାପ ବିଷ ଯୋଗାଇବା ମାମଲାରେ ସମ୍ପୃକ୍ତ ଥିବା ୟୁଟ୍ୟୁବର ଏଲ୍‌ଭିଶ୍‌ ଯାଦବଙ୍କୁ ସ୍ଥାନୀୟ ପୋଲିସ ପଚରାଉଚରା ପରେ ରବିବାର...

ଟ୍ରୋଲର୍ସଙ୍କୁ ଜବାବ ଦେଲେ ଚହଲଙ୍କ ପତ୍ନୀ ଧନଶ୍ରୀ

ନୂଆଦିଲ୍ଲୀ,୧୭।୩: ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ଏବଂ ତାଙ୍କ ପତ୍ନୀ ଧନଶ୍ରୀ ବର୍ମା ସୋସିଆଲ ମିଡିଆରେ ପ୍ରାୟଃ ଏକାଠି ନଜର ଆସିଥାନ୍ତି। ଧନଶ୍ରୀ ତାଙ୍କ ଡ୍ୟାନ୍ସ...

ପୁତ୍ର ସନ୍ତାନର ଜନନୀ ହେଲେ ସିଦ୍ଧୁ ମୁସଓ୍ବୋଲାଙ୍କ ମାଆ ଚରଣ କୌର, ଫଟୋ ଶେୟାର କଲେ ପିତା

ଚଣ୍ଡିଗଡ଼,୧୭।୩: ପଞ୍ଜାବୀ ସିଙ୍ଗର ସିଦ୍ଧୁ ମୁସଓ୍ବୋଲଙ୍କ ଘରୁ ଏକ ଖୁସି ଖବର ଆସିଛି। ତାଙ୍କ ମାଆ ଚରଣ କୌର ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି।...

ବିବାହ ବନ୍ଧନରେ ବାନ୍ଧିହେଲେ କ୍ରିତି-ପୁଲକିତ

ମୁମ୍ବାଇ: ବହୁ ବର୍ଷ ଧରି ପରସ୍ପରକୁ ଡେଟ କରିବା ପରେ ପୁଲକିତ ସମ୍ରାଟ ଏବଂ କ୍ରିତି ଖରବନ୍ଦା ଶେଷରେ ମାର୍ଚ୍ଚ ୧୫ରେ ବିବାହ କରିଛନ୍ତି। ପ୍ରଶଂସକମାନେ...

ଅସୁସ୍ଥତା ଖବରକୁ ‘ଫେକ ନ୍ୟୁଜ’ ବୋଲି କହିଲେ ବିଗ ବି, ଟୁଇଟ କରି ଜଣାଇଲେ ସତ୍ୟତା

ମୁମ୍ବାଇ,୧୬।୩: ବଲିଉଡ ମେଗାଷ୍ଟାର ଅମିତାଭ ବଚ୍ଚନ ତାଙ୍କ ଅସୁସ୍ଥତାର ଗୁଜବକୁ ମିଥ୍ୟା ଖବର ବୋଲି ସ୍ପଷ୍ଟ ଭାବେ ଖାରଜ କରିଦେଇଛନ୍ତି। ଏହାପୂର୍ବରୁ ସୋସିଆଲ ମିଡିଆ ପ୍ଲାଟଫର୍ମରେ...

ମଧୁବାଲାଙ୍କ ଉପରେ ହେବ ବାୟୋପିକ୍‌

ମୁମ୍ବାଇ: ଭାରତର କିମ୍ବଦନ୍ତୀ ଅଭିନେତ୍ରୀ ମଧୁବାଲାଙ୍କ ଜୀବନୀ ଉପରେ ଖୁବ୍‌ଶୀଘ୍ର ବାୟୋପିକ୍‌ ନିର୍ମାଣ ହେବାକୁ ଯାଉଛି। ‘ଡାର୍ଲିଂ’ ଚଳଚ୍ଚିତ୍ରର ନିର୍ଦ୍ଦେଶକ ତଥା ଚିତ୍ର ନିର୍ମାତା ଜସ୍ମିତ...

ହଟ୍‌ ସିନ୍‌ କରିବାକୁ ଡର ଲାଗେ: ସାମନ୍ଥା ପ୍ରଭୁ

ମୁମ୍ବାଇ: ଲୋକପ୍ରିୟ ତେଲଗୁ ଅଭିନେତ୍ରୀ ସାମନ୍ଥା ରୁଥ ପ୍ରଭୁ ନିଜର ବୋଲ୍ଡ ଲୁକ୍‌ ଓ ଚମତ୍କାର ଅଭିନୟ ପାଇଁ ଜଣାଶୁଣା। ଦର୍ଶକ ଓ ନିଜ ଫ୍ୟାନ୍ସଙ୍କୁ...

Advertisement
Business Eminence Awards 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri