କେସିଙ୍ଗା, ୫।୪(ଡି.ଏନ.ଏ.)
କଳାହାଣ୍ଡି ଜିଲା ଗୋଲାମୁଣ୍ଡା ବ୍ଲକ ଖମାର ହଳଦୀ ଗ୍ରାମ ପଞ୍ଚାୟତ ଅଞ୍ଚଳର ଜଣେ ୨୯ ବର୍ଷୀୟ ଯୁବକ କରୋନା ରୋଗରେ ଆକ୍ରାନ୍ତ ହୋଇଛନ୍ତ। ଏହି ଯୁବକ ଜଣକ ବାହାରିନଠାରେ ଏକ କମ୍ପାନୀରେ ଇଲେକ୍ଟିକ ଫିଟର ଭାବରେ କାମ କରୁଥିଲେ।
ସେ ଗତ ୧୯ ତାରିଖରେ ଦୁଇ ବନ୍ଧୁଙ୍କ ସହିତ ଏକ ବିମାନରେ ହାଇଦ୍ରାବାଦରେ ପହଞ୍ଚି ଥିଲେ। ସେଠାରୁ ବିଶାଖାପାଟଣା ଆସିଥିଲେ।ବିଶାଖାପାଟଣାରୁ ଏକ ଟ୍ରେନ ଯୋଗେ ରାୟଗଡା ଦେଇ କେସିଙ୍ଗା ପହଞ୍ଚିଥିଲେ । କେସିଙ୍ଗାରୁ ବସ ଯୋଗେ ନିଜ ଗ୍ରାମକୁ ଅାସିଥିଲେ। ସ୍ୱାସ୍ଥ୍ୟ ବିଭାଗ କୌଣସି ସୂତ୍ରରୁ ଖବର ପାଇ ଉକ୍ତ ଯୁବକଙ୍କ ରକ୍ତ ନମୁନା ସଂଗ୍ରହ କରିଥିଲେ। ତାଙ୍ଗ ଶରୀରରେ କରୋନା ପଜିଟିଭ ଥିବା ଜଣା ପଡିବା ପରେ ଶନିବାର ରାତିରେ ଉକ୍ତ ଗ୍ରାମ ପଞ୍ଚାୟତକୁ ଜିଲା ପ୍ରଶାସନ ପକ୍ଷରୁ ସିଲ୍ କରି ଦିଆଯାଇଛି। ବାହାର ଅଞ୍ଚଳର କାହାକୁ ପଞ୍ଚାୟତ ଅଞ୍ଚଳରେ ପଶିବାକୁ କିମ୍ବା ବାହାରକୁ ଯିବାକୁ ଦିଅାଯାଉ ନାହିଁ। ରବିବାର କଳାହାଣ୍ଡି ଜିଲାପାଳ ପରାଗ ହର୍ଷତ, ଧର୍ମଗଡ ଉପ-ଜିଲାପାଳ ପଦ୍ମନାଭ ବେହେରାଙ୍କ ସମେତ ଅନ୍ୟାନ୍ୟ ଅଧିକାରୀମାନେ ଉକ୍ତ ଗ୍ରାମ ପରି ଦର୍ଶନ କରିଥିଲେ।
ଏହାକୁ ଆଧାର କରି ଉକ୍ତ ପଞ୍ଚାୟତ ଅଞ୍ଚଳରେ ସଟ୍ ଡାଉନ ଷୋଷଣା କରାଯାଇଛି। ଅପରପକ୍ଷରେ ଅାକ୍ରାନ୍ତ ଯୁବକଙ୍କୁ ଭବାନୀପାଟଣା ଅଣାଯାଇଛି, ସେଠାରୁ ତାଙ୍କୁ କଟକ ପଠାଯିବ। ସମ୍ପୃକ୍ତ ଯୁବକଙ୍କ ସଂସ୍ପର୍ଶରେ ଅାସି୍ଥିବା ଅନ୍ୟ ୩୧ ଜଣଙ୍କ ରକ୍ତ ନମୁନା ପରୀକ୍ଷା ପାଇଁ ସଂଗ୍ରହ କରାଯାଇଛି।
ଜିଲାର ସମସ୍ତ ସୀମାକୁ ସିଲ କରି ଦିଅାଯାଇଛି। ଜିଲା ଆରକ୍ଷୀ ଅଧିକ୍ଷକ ବି.ଗଙ୍ଗାଧର ସାମାଜିକ ଦୂରତା ବଜାୟ ରଖିବାକୁ ଜନସାଧାରଣଙ୍କୁ ଅନୁରୋଧ କରିଛନ୍ତି।
