ନୂଆଦିଲ୍ଲୀ,୧।୪: କରୋନା ଭୂତାଣୁ ସଂକ୍ରମଣ ନେଇ ସାରା ଭାରତରେ ଆତଙ୍କ ଦେଖାଦେଇଛି। ସାମାଜିକ ଦୂରତା ଅବଲମ୍ବନ କରିବା ଲାଗି ସରକାର ୨୧ ଦିନିଆ ଲକ୍ ଡାଉନ୍ ଘୋଷଣା କରିଛନ୍ତି। ତେବେ ପ୍ରକୃତପକ୍ଷେ ସରକାର କରୋନା ସହିତ ଲଢ଼େଇ ପାଇଁ ନିଜକୁ ଏହି ସମୟ ମଧ୍ୟରେ ନିଜକୁ ପ୍ରସ୍ତୁତ କରୁଥିବା କୁହାଯାଉଛି। ଏହି ସମୟ ମଧ୍ୟରେ ଆବଶ୍ୟକ ଯାଞ୍ଚ୍ କିଟ୍ ଏବଂ ଭେଣ୍ଟିଲେଟର ସମେତ ଅନ୍ୟ ଉପକରଣ ଆଦି ଯୋଗାଡ଼ କରିବାରେ ସରକାର ବ୍ୟସ୍ତ ଅଛନ୍ତି। ଆସନ୍ତା ସପ୍ତାହ ଅର୍ଥାତ୍ ଏପ୍ରିଲ୍ ୬-୭ ସୁଦ୍ଧା ଯାଞ୍ଚ୍ କିଟ୍ ଉପଲବ୍ଧ ହୋଇପାରିବାର ଆଶା ରହିଛି। ଏହି ସମୟରେ ମଧ୍ୟରେ ଦକ୍ଷ ସ୍ବାସ୍ଥ୍ୟକର୍ମୀଙ୍କୁ ଅନ୍ଲାଇନ୍ରେ ତାଲିମ୍ ଦିଆଯାଉଛି। ଭାରତରେ ଜନସଂଖ୍ୟା ଘନତ୍ୱ ଅଧିକ ଥିବାରୁ କରୋନା ସହିତ ଲଢ଼େଇ କରିବା ପୂର୍ବରୁ ସରକାର ଆବଶ୍ୟକ ସରଞ୍ଜାମ ଯୋଗାଡ଼ ଉପରେ ଲକ୍ଷ୍ୟ ରଖିଛନ୍ତି। ଏପ୍ରିଲ୍ ୧୪ ପରେ ଦେଶର ତାପମାତ୍ରାରେ ପରିବର୍ତ୍ତନ ହେବ। ତାପମାତ୍ରା ବଢ଼ିଲେ ଏହା ଲଢ଼େଇକୁ ସୁହାଇବ ବୋଲି ଅନୁମାନ କରାଯାଉଛି। ଏହାଦ୍ୱାରା କରୋନା ସଂକ୍ରମଣ କମିବ ବୋଲି ଅନୁମାନ କରାଯାଉଛି। ତେବେ ସରକାର ଦେଶର ସ୍ଥିତି, ପରିସ୍ଥିିତିକୁ ଦୃଷ୍ଟିରେ ରଖି କରୋନାକୁ ହରାଇବାର ଲକ୍ଷ୍ୟ ରଖିଥିବା କୁହାଯାଉଛି।
