ବେଗୁନିଆପଡ଼ା,୭।୭(ଡି.ଏନ.ଏ.)-କୋଦଳା ଥାନା କଞ୍ଚଣାଠାରୁ କୋଦଳା ରାସ୍ତାର ବାଲିପୋଇ ଛକ ନିକଟରେ ଶନିବାର ବିଳମ୍ବିତ ରାତିରେ ଏକ ସ୍କର୍ପିଓ ଜଳିଯାଇଛି। ଏ ନେଇ ବୁଢ଼ାଆମ୍ବ ସ୍ଥିତ ଗାଡି ମାଲିକ ଚନ୍ଦ୍ର ଶେଖର ପ୍ରଧାନ କୋଦଳା ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗ ଅନୁସାରେ ଗାଡି କୋଦଳାରୁ ଭୁବନେଶ୍ୱର ଯିବା ବେଳେ ବାଲିପୋଇଠାରେ ଖରାପ ହୋଇଥିଲା। ତେଣୁ ଚାଳକ ଗାଡ଼ି ରାସ୍ତା ପାର୍ଶ୍ୱରେ ରଖି ଆସିବା ପରେ ରାତିରେ କେହି ଦୁର୍ବୃତ୍ତ ଗାଡ଼ିରେ ନିଅଁ। ଲାଗାଇ ଦେଇଛନ୍ତି। କୋଦଳା ପୋଲିସ ରାତିରେ ପାଟ୍ରୋଲିଂ ବେଳେ ଗାଡି ପୋଡ଼ିବା ଦେଖି କୋଦଳା ଦମକଳକୁ ଡାକି ନିଆଁ ଲିଭାଇଥିଲା। କୋଦଳା ଥାନାଧିକାରୀ ଦିଲୀପ କୁମାର ସାହୁ ଘଟଣାର ତଦନ୍ତ ଆରମ୍ଭ କରିଛନ୍ତି। ଅଗ୍ନିକାଣ୍ଡର କାରଣ ଜଣାପଡିନାହିଁ। ଗାଡି ଛାଡି ଯିବା ବେଳେ ଗାଡିର ଆଗ ଡୋର ଖୋଲାଥିଲା କିପରି ଓ ଏହା ଇନସ୍ୟୁରାନ୍ସ ପାଇଁ ସୁପରିକଳ୍ପିତ ଯୋଜନା ବୋଲି ପୋଲିସ ସନ୍ଦେହ କରି ଗାଡିର ସମସ୍ତ କାଗଜପତ୍ର ଯାଞ୍ଚ କରୁଛି। ତଦନ୍ତ ପରେ ଘଟଣା ଖୁଲାସା ହେବ ବୋଲି ବେଗୁନିଆପଡ଼ା ଫାଣ୍ଡି ଅଧିକାରୀ ଦୀପ୍ତି ରଞ୍ଜନ ବେହେରା କହିଛନ୍ତି।
((ଫଟୋ-ବିଏମ-୭-୧୨-ଜଳି ଯାଇଥିବା ସ୍କର୍ପିଓ ।))
