ଆଉ ଦିନ କେଇଟା ପରେ ଆମ୍ବ ବଉଳର ବାସ୍ନାରେ ସବୁଆଡ଼ ମହକିବ। ତେବେ ଆମ ଚାରିପାଖରେ ଅତି ବେଶିରେ ଆମେ ୧୦ଟି କିମ୍ବା ୨୦ଟି କିିସମର ଆମ୍ବ ଦେଖିବାକୁ ପାଉ। କିନ୍ତୁ ଗୁଜରାଟ ଜୁନାଗଡ଼ସ୍ଥିତ ଭାଲ୍ଚାଲେ ଗାଁର ଏକ ଆମ୍ବ ଫାର୍ମରେ ୨୦୦ରୁ ଅଧିକ କିସମର ଆମ୍ବ ଫଳୁଛି। ଏହି ଫାର୍ମ ୧୨.୫ ଏକର ଜମିରେ କରାଯାଇଛି। ନୁର୍ ଅଲି ଭିରା ଝରିଆ ଏହି ଫାର୍ମ କରିଛନ୍ତି ଓ ଏହାର ନାମ ହେଉଛି ଅନିଲ୍ ମ୍ୟାଙ୍ଗୋ ଫାର୍ମ ଆଣ୍ଡ୍ ନର୍ସରି। ସେ ୧୯୮୫ରେ ୧୦ ଏକର ଜମି କିଣି ଫାର୍ମ ଆରମ୍ଭ କରିଥିଲେ ଓ ପରେ ଅବଶିଷ୍ଟ ଜମି ଏଥିରେ ଯୋଡ଼ିଛନ୍ତି। ସେ ସମୟରେ ନୁର ପ୍ରଥମେ ଅନେକ କିସମର ପ୍ରାୟ ୧୦,୦୦୦ ଚାରା ବିକ୍ରି କରିଥିଲେ। ପରେ ୧୯୯୬ରେ ଆଉ ୧୪ଟି କିସମ ଆମ୍ବ ଗଛ ଲଗାଇଥିଲେ। ତାଙ୍କ ପୁଅ ଶାମସୁଦ୍ଦିନ ଦେଶରେ ବିଭିନ୍ନ କୃଷି ବିଶ୍ୱବିଦ୍ୟାଳୟ ଯାଇ ବହୁ କିସମର ଚାରା ସଂଗ୍ରହ କରିଥିଲେ। ଏବେ ୨୩୦ କିସମ ଆମ୍ବ ଗଛ ସେ ସଂଗ୍ରହ କରି ତାଙ୍କ ବଗିଚାରେ ଲଗାଇଛନ୍ତି। ଅଧିକାଂଶ କିସମର ଆମ୍ବ ଆମେରିକା, ଅଷ୍ଟ୍ରେଲିଆ, ଥାଇଲାଣ୍ଡ, ୟୁରୋପ ଓ ଇସ୍ରାଏଲରୁ ସଂଗ୍ରହ କରିଛନ୍ତି। ଟାକୁଆ ବିହୀନ ଆମ୍ବ ସିନ୍ଧୁ ୧୧୭ ଏବେ ଫାର୍ମର ମୁଖ୍ୟ ଆକର୍ଷଣ। ପୂରା ଫାର୍ମରେ ସିଞ୍ଚନ ଜଳସେଚନ କରାଯାଇଛି। ବର୍ଷକୁ ସେ ୨ ଲକ୍ଷ ଚାରା ବିକ୍ରି କରିଛନ୍ତି।
