ଛତ୍ରପୁର,୧୨ା୧୨(ଡି.ଏନ.ଏ)-ଛତ୍ରପୁର ଉପଖଣ୍ଡସ୍ତରୀୟ ସଡ଼କ ସୁରକ୍ଷା କମିଟି ବୈଠକ ବୁଧବାର ସ୍ଥାନୀୟ ଉପଜିଲାପାଳଙ୍କ କାର୍ଯ୍ୟାଳୟ ସମ୍ମିଳନୀ ଗୃହରେ ଅନୁଷ୍ଠିତ ହୋଇଯାଇଛି। ଏଥିରେ ଉପଜିଲାପାଳ ପ୍ରିୟରଞ୍ଜନ ପୃଷ୍ଟି ଅଧ୍ୟକ୍ଷତା କରିଥିଲେ। ଛତ୍ରପୁର ସହରରେ କିଭଳି ଟ୍ରାଫିକ୍ ସମସ୍ୟା ଦୂର ହେବ ସେ ଉପରେ ଉପଜିଲାପାଳ ଗୁରୁତ୍ୱାରୋପ କରିଥିଲେ। ସହାରୁ ପର୍ଯ୍ୟାୟକ୍ରମେ ଜବରଦଖଲ ଉଚ୍ଛେଦ କରାଯିବ ବୋଲି ବୈଠକରେ ସ୍ଥିର କରାଯାଇଥଲା। ରିକାପଲ୍ଲୀଠାରୁ ଅପରବସଷ୍ଟାଣ୍ଡ ଓ ଲୋୟର ବସଷ୍ଟାଣ୍ଡରେ ବହୁ ଫାଷ୍ଟ ଫୁଡ୍ ଦୋକାନ ଖୋଲିଛି ା ଏଥିଯୋଗୁ ଟ୍ରାଫିକ୍ ସମସ୍ୟା ଦେଖାଦେଉଛି ା ଛତ୍ରପୁର ଏସ୍ଡିପିଓ ଓ ଏନ୍ଏସି ନିର୍ବାହୀ ଅଧିକାରୀ ସର୍ଭେ କରି ଏହା ଉପରେ ପଦକ୍ଷେପ ନେବାକୁ କୁହାଯାଇଛି। ବଜାର ମୁଖ୍ୟ ରାସ୍ତାରେ ଥିବା ଫାଷ୍ଟ୍ଫୁଡ୍ ଦୋକାନଗୁଡିକୁ ଅପରବସଷ୍ଟାଣ୍ଡରୁ ପୁତିଗୋପାଳପୁର ରାସ୍ତାକୁ ସ୍ଥାନାନ୍ତର କରିବାକୁ ପୂର୍ବ ବୈଠକରେ ଆଲୋଚନା ହୋଇଥିଲା। ହେଲେ ଏ ଯାଏ କୌଣସି ପଦକ୍ଷେପ ନିଆଯାଇନି ା ଠାକୁରାଣୀ ମନ୍ଦିର ଛକରୁ ବଜାର ମୁଖ୍ୟ ରାସ୍ତା ପର୍ଯ୍ୟନ୍ତ ରାସ୍ତାରେ ଚାରି ଚକିଆଯାନ ଯାତାୟତ ଉପରେ କଟକଣା କରାଯିବ ା ଏହି ରାସ୍ତାରେ ସର୍ବଦା ଟ୍ରାଫିକ୍ ସମସ୍ୟା ଦେଖାଦେଉଥିବାରୁ କେବଳ ଦୁଇ ଚକିଆ ଯାନ ଯାତାୟାତର କରିବ ବୋଲି ବୈଠକରେ ଆଲୋଚନା ହୋଇଥିଲା ା ଛତ୍ରପୁର ଏସଡିପିଓ ଏହାର ସର୍ଭେ କରି ପଦକ୍ଷେପ ନେବେ। ପୋଲିସକୁ ସହଯୋଗ କରି ୟୁଥ୍ ମାସ୍ ସେବା ସଂଘର ସଭ୍ୟମାନେ ବ୍ୟାରିକେଡିଂ କରିବାକୁ ପରାମର୍ଶ ଦିଆଯାଇଥିଲା ା ପରିବା ମାର୍କେଟରେ ପାର୍କିଂ ଓ ଟ୍ରାଫିକ୍ ବ୍ୟବସ୍ଥା କରାଯିବ ା ହେଲମେଟ୍ ନ ପିନ୍ଧି ଗାଡି ଚଳାଇଲେ ଚାଳକଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦିଆଯାଇଛି ା ଛତ୍ରପୁର ବାଇପାସ୍ରେ ଜାତୀୟ ରାଜପଥ ଯାଇଛି। ବିଭିନ୍ନ ସମୟରେ ସଡ଼କ ଦୁର୍ଘଟଣାରେ ଆହତମାନଙ୍କୁ ଏଠାରେ ଥିବା ଉପଖଣ୍ଡ ହସ୍ପିଟାଲକୁ ଅଣାଯାଉଛି। ଏଠାରେ ଡାକ୍ତର ଅଭାବ ଥିବାରୁ ଆହତଙ୍କୁ ପ୍ରାଥମିକ ଚିକିସତ୍ା କରି ବ୍ରହ୍ମପୁର ବଡମେଡିକାଲକୁ ପଠାଇ ଦିଆଯାଉଥିବା ଆଲୋଚନା ହୋଇଥିଲା ା ଏହାଉପରେ ପଦକ୍ଷେପ ନେବାକୁ ଉପଜିଲାପାଳ ନିର୍ଦ୍ଦେଶ ଦେଇଛନ୍ତି। ବୈଠକରେ ଗଞ୍ଜାମ ଏମଭିଆଇ ଶାନ୍ତନୁ କୁମାର ପରିଡା, ଛତ୍ରପୁର ଏସଡିପିଓ ଗୌତମ କିଶାନ, ଛତ୍ରପୁର ହସ୍ପିଟାଲର ପରାମର୍ଶଦାତା ଡା. ଜିତେନ୍ଦ୍ର ମୋହନ ବେବର୍ତ୍ତା, ଏନଏସି ନିର୍ବାହୀ ଅଧିକାରୀ ଗିରିଜା ଶଙ୍କର ମଲ୍ଲିକ, ଛତ୍ରପୁର ଓକିଲ ସଂଘ ସଭାପତି କେ ଶିବରାମ ରେଡ୍ଡୀ, ଓକିଲ ବି. ଶ୍ରୀନିବାସ, ୟୁଥ୍ ମାସ୍ ସେବା ସଂଘର ସମ୍ପାଦକ ସୟଦ ମୁକ୍ତାର, ଆର ଏଣ୍ଡ ବି ର ସହକାରୀ ନିର୍ବାହୀ ଯନ୍ତ୍ରୀ ଟି. ଲୋକେଶ୍ୱର, ମିନିବସ୍ ସଂଘ ସଭାପତି ବିଜୟ କୁମାର ପଣ୍ଡାଙ୍କ ସମେତ ଛତ୍ରପୁର, ପୋଲସରା, ହିଞ୍ଜିଳି ଅତିରିକ୍ତ ବ୍ଲକ ଶିକ୍ଷାଅଧିକାରୀ ଓ କମିଟି ସଭ୍ୟମାନେ ଉପସ୍ଥିତ ଥିଲେ ା
