ମୁମ୍ବାଇ: ବଲିଉଡ୍ କୁଇନ୍ ସାରା ଅଲି ଖାଁ ଏବେ ଖୁବ୍ ଚର୍ଚ୍ଚାରେ। ମଝିରେ ମଝିରେ ସେ ସୋସିଆଲ ମିଡିଆରେ କିଛି ଫଟୋ ଓ ଭିଡିଓ ଶେୟାର କରି ଆସୁଛନ୍ତି ଚର୍ଚ୍ଚାକୁ। ସାରା ଓ ତାଙ୍କ ଭାଇ ଇବ୍ରାହିମଙ୍କ ବଣ୍ଡିଙ୍ଗକୁ ନେଇ ସମସ୍ତେ ଅଳ୍ପ ବହୁତେ ଜାଣିଥିବେ ନିଶ୍ଚୟ। ଏମାନଙ୍କ ମଧ୍ୟରେ ବେଶ୍ ଭଲ ସମ୍ପର୍କ। ଅଧିକାଂଶ ସମୟରେ ଏମାନଙ୍କୁ ଏକାଠି ଦେଖିବାକୁ ମିଳିଥାଏ। ନିକଟରେ ଉଭୟଙ୍କର କିଛି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯେଉଁଥିରେ ଅଭିନେତ୍ରୀ ସାରା ନିଜ ଭାଇ ଇବ୍ରାହିମଙ୍କ କାନ୍ଧରେ ବସି ମୌସୁମୀର ମଜା ନେଉଥିବା ଦେଖାଯାଇଛି। ଏହି ଫଟୋକୁ ସାରା ତାଙ୍କ ଇନଷ୍ଟାଗ୍ରାମରେ ପୋଷ୍ଟ କରିବା ପରେ ଏହା ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ଫଟୋ ଶେୟାର କରିବା ସହ ସାରା ଲେଖିଛନ୍ତି ଏହା ରାକ୍ଷୀ ପରର ବଣ୍ଡିଙ୍ଗ। ଆଉ ଏଥିପାଇଁ ତାଙ୍କ ସାନ ଭାଇ ତାଙ୍କୁ କୁଆଡେ ଲାଞ୍ଚ ଦେଇଛନ୍ତି।
