ଆରମ୍ଭ ହେଲା ଯୁକ୍ତ ୨ ନାମଲେଖା ପ୍ରକ୍ରିୟା : ୪୬ କଲେଜ ପାଇଁ ୨୦ ସାମ୍‌ସ ସେଣ୍ଟର

ନୟାଗଡ଼ ଅଫିସ,୭ା୬ : ଗୁରୁବାରଠାରୁ ଆରମ୍ଭ ହୋଇଛି ଯୁକ୍ତ ୨ ନାମଲେଖା ପ୍ରକ୍ରିୟା। ଏଥିପାଇଁ ଛାତ୍ରୀଛାତ୍ର ଜିଲାର ବିଭିନ୍ନ ସାଇବର କାଫେରେ ଷ୍ଟୁଡେଣ୍ଟସ୍‌ ମ୍ୟାନେଜ୍‌ମେଣ୍ଟ ଏକାଡେମିକ ସିଷ୍ଟମ (ସାମ୍‌ସ) ୱେବ୍‌ସାଇଟ୍‌କୁ ଯାଇ କମନ୍‌ ଆପ୍ଲିକେଶନ୍‌ରେ ଫର୍ମ ପୂରଣ କରୁଥିବା ଦେଖିବାକୁ ମିଳିଛି। ଜୁନ୍‌ ୨୦ ତାରିଖ ପର୍ଯ୍ୟନ୍ତ ଏହି ପ୍ରକ୍ରିୟା ଜାରି ରହିବ। ଅନ୍‌ଲାଇନ୍‌ରେ ଆବେଦନ କରିସାରିବା ପରେ ଉକ୍ତ ହାର୍ଡକପି ସହ ନିର୍ଦ୍ଧାରିତ ଫି ନିକଟସ୍ଥ ସାମ୍‌ସ ସେଣ୍ଟରରେ ୨୧ ତାରିଖ ଅପରାହ୍ନ ୫ଟା ସୁଦ୍ଧା ଦାଖଲ କରିବାକୁ ପଡ଼ିବ। ଏହା ପରେ ଜୁନ୍‌ ୨୬ରେ ପ୍ରଥମ ପର୍ଯ୍ୟାୟ ଯୋଗ୍ୟ ତାଲିକା ପ୍ରକାଶ ପାଇବ। ଜୁନ୍‌ ୨୮ରୁ ଜୁଲାଇ ୨ ତାରିଖ ପର୍ଯ୍ୟନ୍ତ ପ୍ରଥମ ପର୍ଯ୍ୟାୟରେ ଯୋଗ୍ୟ ଛାତ୍ରୀଛାତ୍ର ସେମାନଙ୍କ ନାମ ଲେଖାଇପାରିବେ। ନୟାଗଡ଼ ଜିଲାରେ ମୋଟ ୪୬ ସରକାରୀ ଅନୁଦାନପ୍ରାପ୍ତ ଓ ଘରୋଇ ଉଚ୍ଚ ମାଧ୍ୟମିକ ବିଦ୍ୟାଳୟ (ଜୁନିୟର କଲେଜ) ରହିଛି। ଏହିସବୁ କଲେଜରେ ଚଳିତବର୍ଷ ମୋଟ ୧୦ ହଜାର ୩୮ ସିଟ୍‌ ପାଇଁ ନାମଲେଖା ହେବ। କଳାରେ ୬୪୮୬ ସିଟ୍‌ ଥିବା ବେଳେ ବିଜ୍ଞାନରେ ୩୨୬୪ ଓ ବାଣିଜ୍ୟରେ ୨୮୮ ସିଟ୍‌ ପାଇଁ ନାମଲେଖା ହେବ। ସମସ୍ତ ୪୬ କଲେଜରେ ଆବେଦନ ପ୍ରକ୍ରିୟାକୁ ସୁରୁଖୁରୁରେ ସାରିବା ପାଇଁ ୨୦ଟି ସାମ୍‌ସ ସେଣ୍ଟର ଖୋଲାଯାଇଛି। ଭାପୁର ବ୍ଲକରେ ୨ କଲେଜ ପାଇଁ ଗୋଟିଏ ସାମ୍‌ସ ସେଣ୍ଟର ହୋଇଥିବାବେଳେ ଦଶପଲ୍ଲା ବ୍ଲକରେ ୧୦ କଲେଜ ପାଇଁ ୩ଟି, ଗଣିଆ ବ୍ଲକରେ ୩ କଲେଜ ପାଇଁ ୨ଟି, ଖଣ୍ଡପଡ଼ା ବ୍ଲକରେ ୫ କଲେଜ ପାଇଁ ୩ଟି, ନୟାଗଡ଼ ବ୍ଲକରେ ୭ କଲେଜ ପାଇଁ ୪ଟି, ନୂଆଗାଁ ବ୍ଲକରେ ୨ କଲେଜ ପାଇଁ ୨ଟି, ଓଡ଼ଗାଁ ବ୍ଲକରେ ୮ କଲେଜ ପାଇଁ ୩ଟି, ରଣପୁର ବ୍ଲକରେ ୯ କଲେଜ ପାଇଁ ୨ଟି ସାମ୍‌ସ ସେଣ୍ଟର କରାଯାଇଛି। ନୟାଗଡ଼ ସ୍ବୟଂଶାସିତ (ଜୁନିୟର) ମହାବିଦ୍ୟାଳୟକୁ ଜିଲାର ସାମ୍‌ସ ନୋଡାଲ ସେଣ୍ଟର କରାଯାଇଛି। ଛାତ୍ରୀଛାତ୍ର ନିଜ ପସନ୍ଦ ଅନୁସାରେ ଏକାଧିକ କଲେଜ ବାଛି ଅନ୍‌ଲାଇନ୍‌ରେ ଆବେଦନ କରିବା ପରେ ନିକଟସ୍ଥ ସାମ୍‌ସ ସେଣ୍ଟରରେ ସମସ୍ତ ଡକ୍ୟୁମେଣ୍ଟ ଦାଖଲ କରିବେ ବୋଲି ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି।
ପ୍ରକାଶ ଯେ, ଚଳିତବର୍ଷ ଜିଲାରେ ୧୩,୭୫୭ ଛାତ୍ରୀଛାତ୍ର ମାଟ୍ରିକ୍‌ ପରୀକ୍ଷା ଦେଇଥିବା ବେଳେ ସେମାନଙ୍କ ମଧ୍ୟରୁ ୯୮୭୭ଜଣ ପାସ୍‌ କରିଛନ୍ତି। ସେଥିରୁ ୨୬୬୩ ଜଣ ୬୦ ପ୍ରତିଶତରୁ ଊର୍ଦ୍ଧ୍ୱ ମାର୍କ ରଖିଛନ୍ତି। ଭଲ ମାର୍କ ରଖିଥିବା ଛାତ୍ରୀଛାତ୍ର ଜିଲାର ଭଲ କଲେଜର କଟ୍‌ଅଫ୍‌ ମାର୍କକୁ ନଜରରେ ରଖିଛନ୍ତି। ଗତବର୍ଷ କେଉଁ କଲେଜରେ କେତେ କଟ୍‌ଅଫ୍‌ ମାର୍କ ରହିଥିଲା ତାହାକୁ ନେଇ ଛାତ୍ରୀଛାତ୍ରଙ୍କଠାରୁ ଆରମ୍ଭ କରି ଅଭିଭାବକମାନେ ତର୍ଜମା କରୁଛନ୍ତି। ପୂର୍ବବର୍ଷ ନୟାଗଡ଼ ଜୁନିୟର ମହାବିଦ୍ୟାଳୟରେ କଳାରେ ସାଧାରଣ ବର୍ଗର ଛାତ୍ରୀଛାତ୍ରଙ୍କ ପାଇଁ ୪୬.୧୭, ବିଜ୍ଞାନରେ ୭୯ ଓ ବାଣିଜ୍ୟରେ ୩୫.୩୩ ପ୍ରତିଶତ କଟ୍‌ଅଫ୍‌ ମାର୍କ ଥିଲା। ସେହିପରି ଇଟାମାଟି ଆଞ୍ଚଳିକ ଶିକ୍ଷା ଓ ବୈଷୟିକ ମହାବିଦ୍ୟାଳୟରେ କଳାରେ ୪୮.୫୦ ଓ ବିଜ୍ଞାନରେ ୫୧.୩୩ ପ୍ରତିଶତ, ଓଡ଼ଗାଁ ରଘୁନାଥ ସମବାୟ ମହାବିଦ୍ୟାଳୟରେ କଳାରେ ୪୮.୩୩ ଓ ବିଜ୍ଞାନରେ ୬୨.୫୦, ନୟାଗଡ଼ ପ୍ରଜାମଣ୍ଡଳ ମହିଳା ମହାବିଦ୍ୟାଳୟରେ କଳାରେ ୪୮ ଓ ବିଜ୍ଞାନରେ ୫୭.୩୩ ଓ ଶରଣକୁଳ ଜୁନିୟର ମହାବିଦ୍ୟାଳୟରେ କଳାରେ ୪୨.୩୩ ଓ ବିଜ୍ଞାନରେ ୫୨.୬୦ ପ୍ରତିଶତ କଟ୍‌ଅଫ୍‌ ମାର୍କ ରହିଥିଲା।


Enter your email to get our daily news in your inbox.

All Right Reserved By Dharitri.Com

ବିଜେଡିରେ ଯୋଗଦେଲେ ଇରାନୀ ରାୟ; ଅରୁଣଙ୍କ ରାସ୍ତା ସଫା, ସମ୍ବିତଙ୍କ ପାଇଁ ସମସ୍ୟା

ଭୁବନେଶ୍ୱର,୨୪।୩: ଭାଜପା ନେତ୍ରୀ ଇରାନୀ ରାୟ ରବିବାର ବିଜେଡିରେ ଯୋଗ ଦେଇଛନ୍ତି। ଶତାଧିକ କର୍ମୀଙ୍କ ସହିତ ଆସି ଶଙ୍ଖ ଭବନରେ ଆୟୋଜିତ ମିଶ୍ରଣ ପର୍ବରେ ବିଧିବଦ୍ଧ...

ନୟାଗଡ ଭାଜପାକୁ  ଝଟ୍‌କା: ବିଜେଡିରେ ଯୋଗଦେଲେ ଇରାନୀ ରାୟ

ନୟାଗଡ଼,୨୪।୩(ଲୋକନାଥ ମିଶ୍ର): ନୟାଗଡ଼ ଭାଜପାକୁ  ଝଟ୍‌କା । ଭାଜପା ନେତ୍ରୀ ଇରାନୀ ରାୟ ରବିବାର ବିଜେଡିରେ ଯୋଗଦେଇଛନ୍ତି।  ଶଙ୍ଖ ଭବନରେ ମିଶ୍ରଣ ପର୍ବରେ ବିଧିବଦ୍ଧ ଭାବେ...

ଆମ୍ବୁଲାନ୍ସ ସେବାରୁ ବଞ୍ଚିତ ଖଣ୍ଡପଡ଼ା ଅଞ୍ଚଳବାସୀ

ଖଣ୍ଡପଡ଼ା,୨୪ା୩ (ଅଜୟ କୁମାର ମହାରଣା):ରାଜ୍ୟ ସରକାର ସ୍ବାସ୍ଥ୍ୟ ସେବା ଯୋଗାଇବା ଲକ୍ଷ୍ୟରେ ବିଭିନ୍ନ ଯୋଜନା ପ୍ରଣୟନ କରିଛନ୍ତି ା ତୃଣମୂଳସ୍ତରରେ ୧୦୮ ଆମ୍ବୁଲାନ୍ସ ସେବା କିପରି...

ଗୋକୁଳାନନ୍ଦ ପୀଠ ରାସ୍ତା ଅନ୍ଧକାର

ଖଣ୍ଡପଡ଼ା,୨୪ା୩ (ଅଜୟ କୁମାର ମହାରଣା):ଖଣ୍ଡପଡ଼ା ବ୍ଲକ୍‌ ଅଧୀନ ସିଧାମୂଳାସ୍ଥ ଗୋକୁଳାନନ୍ଦ ପୀଠ ଏବଂ ତତ୍‌ସଂଲଗ୍ନ ମଧୁକର୍ଣ୍ଣିକା ପାହାଡ଼ରେ ଅବସ୍ଥିତ ଇକୋ ଟୁରିଜିମ ପରିବେଶ ପର୍ଯ୍ୟଟନସ୍ଥଳୀ କେନ୍ଦ୍ରକୁ...

ପାଇଖାନା ନିର୍ମାଣରେ ଅନିୟମିତତା

ଖଣ୍ଡପଡ଼ା,୨୨ା୩(ଅଜୟ କୁମାର ମହାରଣା): ଖଣ୍ଡପଡ଼ା ବ୍ଲକ୍‌ ଅଧୀନ ୨୨ ପଞ୍ଚାୟତରେ ସ୍ବଚ୍ଛ ଭାରତ ମିଶନ କାର୍ଯ୍ୟକ୍ରମ ଯୋଜନାରେ ୨୨ ହଜାର ପାଇଖାନା ନିର୍ମାଣ ପାଇଁ ସରକାରଙ୍କ...

ନୟାଗଡରେ ନବ ନିର୍ମିତ ରାମ ମନ୍ଦିରରୁ ଚୋରି

ନୟାଗଡ଼,୨୦।୩: ନୟାଗଡରେ ନବ ନିର୍ମିତ ରାମ ମନ୍ଦିରରୁ ହୋଇଛି ବଡ଼ ଚୋରି। ଦୁର୍ବୁତ୍ତମାନେ ମନ୍ଦିରରୁ ଲକ୍ଷାଧିକ ଟଙ୍କା ଏବଂ ସୁନା ଅଳଙ୍କାର ନେଇ ପଳାଇଥିବା କୁହାଯାଉଛି।...

ନିଆଁ ବଳୟରେ ନୟାଗଡ଼ ବନଖଣ୍ଡ ଜଙ୍ଗଲ

ନୟାଗଡ଼ ଅଫିସ,୧୮ା୩(ଲୋକନାଥ ମିଶ୍ର): ଜଙ୍ଗଲ ନିଆଁକୁ ଆୟତ କରିବା ପାଇଁ ସରକାର ଅନୁଦାନ ଯୋଗାଇ ଦେଉଛନ୍ତି। ତେବେ ନୟାଗଡ଼ ବନଖଣ୍ଡରେ ମନୁଷ୍ୟକୃତ ନିଆଁର ଭୟାବହତା ଚିନ୍ତାର...

ଭୋଟର ଖୋଜୁଛନ୍ତି ନୂଆ ମୁହଁ

ନୟାଗଡ଼/ରଣପୁର,୧୮।୩(ଲୋକନାଥ ମିଶ୍ର/ସୁକାନ୍ତ କିଶୋର ଡାକୁଆ): ନୟାଗଡ଼ ଜିଲାର ରଣପୁର ବିଧାନସଭା ନିର୍ବାଚନମଣ୍ଡଳୀରେ ଶାସକ ଦଳର ସତ୍ୟ ନାରାୟଣ ପ୍ରଧାନ ବିଧାୟକ ଅଛନ୍ତି। ହେଲେ ଦଳରେ ଗୋଷ୍ଠୀ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri