ଭୁବନେଶ୍ୱର,୨୨।୧୨(ବ୍ୟୁରୋ): ରାଜ୍ୟ ପ୍ରଶାସନରେ ସଂଖ୍ୟାଧିକ ଅଫିସରଙ୍କୁ ପଦୋନ୍ନତି ଦିଆଯାଇଛି। ସାଧାରଣ ପ୍ରଶାସନ ବିଭାଗ ପକ୍ଷରୁ ଏନେଇ ଶନିବାର ବିଜ୍ଞପ୍ତି ପ୍ରକାଶ ପାଇଛି। ପଦୋନ୍ନତି ପାଇଥିବା ଅଧିକାରୀମାନେ ୨୦୨୦ ଜାନୁୟାରୀ ପହିଲାରୁ ନୂତନ ହାରରେ ଦରମା ପାଇବେ। ଓଡ଼ିଶା ପ୍ରଶାସନରେ କାର୍ଯ୍ୟରତ ୪ ଭାରତୀୟ ପ୍ରଶାସନିକ ସେବା(ଆଇଏଏସ୍) ଅଧିକାରୀ ପ୍ରମୁଖ ଶାସନ ସଚିବ ପାହ୍ୟାକୁ ପଦୋନ୍ନତି ପାଇଛନ୍ତି। ଏହି ଅଧିକାରୀମାନେ ହେଉଛନ୍ତି-୧୯୯୫ ବ୍ୟାଚ୍ର ହେମନ୍ତ ଶର୍ମା, ବିଷ୍ଣୁପଦ ସେଠୀ, ଚିତ୍ରା ଅରୁମୁଗମ୍ ଏବଂ ସୁଶୀଲ କୁମାର ଲୋହାନୀ। ଏହି ଅଧିକାରୀ ମାନେ ଉଚ୍ଚ ପ୍ରଶାସନିକ ବର୍ଗରେ ଲେବଲ-୧୫ ଆଧାରରେ ଦରମା ପାଇବେ।
ସେହିପରି ୧୯୯୧ ବ୍ୟାଚ୍ର ଆଇଏଫ୍ଏସ୍ ଅଧିକାରୀ ଅନୁରାଧା ଭେମୁରୀଙ୍କୁ କନ୍ଧମାଳ ଜିଲା ପାଇଁ କେନ୍ଦ୍ର ସରକାରଙ୍କ ପ୍ରଭାରୀ ଭାବେ ନିଯୁକ୍ତ କରାଯାଇଛି। ଅନୁରାଧା ବର୍ତ୍ତମାନ କେନ୍ଦ୍ର ସରକାରଙ୍କ ଦକ୍ଷତା ବିକାଶ ଏବଂ ଉଦ୍ୟୋଗ ମନ୍ତ୍ରଣାଳୟର ଯୁଗ୍ମ ସଚିବ ଭାବେ କାର୍ଯ୍ୟ କରୁଛନ୍ତି। ନିକଟରେ ନୀତେନ ଚନ୍ଦ୍ର କେନ୍ଦ୍ରୀୟ ଡେପୁଟେଶନରେ ଯାଇଛନ୍ତି। ଖୁବ୍ଶୀଘ୍ର ଜି. ଶ୍ରୀନିବାସ ମଧ୍ୟ ରାଜ୍ୟ ଦାୟିତ୍ୱରୁ ମୁକ୍ତ ହେବେ ବୋଲି ଜଣାପଡିଛି। ସୂତ୍ରରୁ ମିଳିଥିବା ଖବର ଅନୁଯାୟୀ, ରାଜ୍ୟ ପ୍ରଶାସନରେ କାର୍ଯ୍ୟରତ ଅନ୍ୟ କେତେ ଜଣ ଅଧିକାରୀ ମଧ୍ୟ ଡେପୁଟେଶନ ପାଇଁ ଆଗ୍ରହ ପ୍ରକାଶ କରିଛନ୍ତି। ସେହିପରି ରାଜ୍ୟ ସରକାର ୧୩ ଜଣ ଆଇଏଏସ୍ ଅଫିସରଙ୍କୁ ପେ’ ମାଟ୍ରିକ୍ସର ଲେଭଲ-୧୩କୁ ପଦୋନ୍ନତି ଦେଇଛନ୍ତି। ପଦୋନ୍ନତି ପାଇଥିବା ଅଧିକାରୀମାନେ ହେଲେ ୨୦୦୭ ବ୍ୟାଚ୍ ଆଇଏଏସ୍ ଅଫିସର ଅରବିନ୍ଦ ଅଗ୍ରଓ୍ବାଲ, ବଲଓ୍ବନ୍ତ ସିଂ, ସଚିନ ରାମଚନ୍ଦ୍ର ଯାଦବ, ଜ୍ଞାନରଞ୍ଜନ ଦାସ, ବିଜୟ କୁମାର ନାୟକ, ମହମ୍ମଦ ରସିଦ ଖାନ, ପ୍ରଦୀପ୍ତ କୁମାର ମହାପାତ୍ର, ରଞ୍ଜନ କୁମାର ଦାଶ, ସଂଗ୍ରାମଜିତ୍ ନାୟକ, ସୁଶାନ୍ତ ମହାପାତ୍ର, ବିଶ୍ୱନାଥ ଆଚାର୍ଯ୍ୟ ଏବଂ ଶରତ ଚନ୍ଦ୍ର ନାୟକ। ଏଥିସହିତ କେନ୍ଦ୍ରୀୟ ଡେପୁଟେଶନରେ ଥିବା ଆଇଏଏସ୍ ରବୀନ୍ଦ୍ର ପ୍ରତାପ ସିଂଙ୍କୁ ମଧ୍ୟ ପେ’ ମାଟ୍ରିକ୍ସର ଲେଭଲ-୧୩କୁ ପଦୋନ୍ନତି ଦିଆଯାଇଛି। ୫ ଆଇଏଏସ୍ ଅଧିକାରୀଙ୍କ ସୁପର ଟାଇମ ସ୍କେଲ- ଲେଭଲ ୧୪କୁ ପଦୋନ୍ନତି ପାଇଛନ୍ତି। ଏହି ଅଧିକାରୀମାନେ ହେଉଛନ୍ତି-୨୦୦୦ ବ୍ୟାଚ୍ର ଟି.ଆଓ ଏବଂ ୨୦୦୪ ବ୍ୟାଚ୍ର ରୂପା ମିଶ୍ର, ନିର଼ଞ୍ଜନ ସାହୁ, ପ୍ରଶାନ୍ତ କୁମାର ସେନାପତି ଓ ସୁନ୍ଦରଲାଲ ସିଲ୍ । ଅନୁରୂପ ଭାବେ ୨୦୧୧ ବ୍ୟାଚ୍ର ୫ ଅଧିକାରୀ କନିଷ୍ଠ ପ୍ରଶାସନିକ ବର୍ଗ(ନନ୍ -ଫଙ୍କ୍ସନାଲ୍) ଲେଭେଲ ୧୨କୁ ପଦୋନ୍ନତି ପାଇଛନ୍ତି। ଏହି ଅଧିକାରୀମାନେ ହେଉଛନ୍ତି- ଅରିନ୍ଦମ ଡାକୁଆ, ସମର୍ଥ ବର୍ମା, ରେଘୁ ଜି, ଆଶିଷ ଥାକରେ ଏବଂ କେ. ସୁଦର୍ଶନ ଚକ୍ରବର୍ତ୍ତୀ।
