ଟୋକିଓ,୧୦।୧(ଏପି)- ଚଳିତବର୍ଷର ଟୋକିଓ ଅଲିମ୍ପିକ୍ସ ଆଥଲେଟ ଭିଲେଜରେ ମଜଭୁତ କାର୍ଡବୋର୍ଡରେ ନିର୍ମିତ ବେଡ ରଖାଯିବ। ଏହି ବେଡ ୪୪୦ ପାଉଣ୍ଡ (୨୦୦ କେଜି) ଓଭନ ସମ୍ଭାଳି ପାରିବ ବୋଲି ଆଥ୍ଲେଟିକ୍ସ ଭିଲେଜର ସାଧାରଣ ସମ୍ପାଦକ ଟାକାହାସି କିଟାଜିମା କହିଛନ୍ତି। ବେଡର ଦକ୍ଷତାଠାରୁ କୌଣସି ଅଲିମ୍ପିକ୍ସ ଆଥ୍ଲେଟଙ୍କ ଓଜନ ଅଧିକ ହେବେ ନାହିଁ। ଏହି ବେଡ ସାଧାରଣ କାଠ ଅପେକ୍ଷା ଅଧିକ ଶକ୍ତିଶାଳି ଓ ଓଜନ ସମ୍ଭାଳି ପାରିବ। କିନ୍ତୁ କାଠ ଭଳି କାର୍ଡବୋର୍ଡ ବେଡ ଉପରେ ଡେଇଁଲେ ଭାଙ୍ଗିବାର ସମ୍ଭାବନା ରହିଛି। ଅଲିମ୍ପିକ୍ସ ପରେ ସିଙ୍ଗଲ ବେଡକୁ ନବିକରଣ କରାଯାଇପାରିବ। ଏଥିରୁ କାଗଜ ଭଳି ଉତ୍ପାଦ ବାହାରିବ। ବେଡରେ ଥିବା ମ୍ୟାଟ୍ରେସକୁ ପ୍ଲାଷ୍ଟିକରେ ପରିବର୍ତ୍ତନ କରାଯିବ। ସମ୍ପୂର୍ଣ୍ଣ ନବିକରଣ ଯୋଗ୍ୟ ବସ୍ତୁ ଦ୍ୱାରା ହିଁ ବେଡ ପ୍ରସ୍ତୁତ କରାଯାଇଛି ବୋଲି ସେ କହିଛନ୍ତି। ଆୟୋଜକମାନେ ଗୁରୁବାର ମୁଖ୍ୟ କାର୍ଯ୍ୟଳୟରେ ବେଡ ସହ କିଛି ଫର୍ନିଚର ମଧ୍ୟ ପ୍ରଦର୍ଶିତ କରିଛନ୍ତି। ଅଲିମ୍ପିକ୍ସ ଭିଲେଜ ଆସନ୍ତା ଜୁଲାଇ ୨୪ ଓ ପାରାଅଲିମ୍ପିକ୍ସ ପାଇଁ ଅଗଷ୍ଟ ୨୫ ତାରିଖରେ ଖୋଲାଯିବ। ଅଲିମ୍ପିକ୍ସ ଆଥଲେଟ୍ଙ୍କ ପାଇଁ ବେଡ ନବିକରଣ ଯୋଗ୍ୟ ବସ୍ତୁରେ ପ୍ରସ୍ତୁତ କରାଯିବାର ଏହା ପ୍ରଥମ ଘଟଣା। ଟୋକିଓ ବେ ନିକଟରେ ଥିବା ୨୧ ଆପାର୍ଟମେଣ୍ଟ ଟାଓ୍ବର୍ସରେ ୧୮ ହଜାର ବେଡ୍ସ ପକାଯାଇଛି। ଇଭେଣ୍ଟ ପରେ ଆପାର୍ଟମେଣ୍ଟଗୁଡ଼ିକ ବିକ୍ରି ଓ ଭଡ଼ାରେ ଦିଆଯିବ।
