ନୂଆଦିଲ୍ଲୀ,୧୦।୧୨: ଜମ୍ମୁ-କଶ୍ମୀରରେ ଅନୁଚ୍ଛେଦ ୩୭୦ ହଟାଯିବା ପରେ ପ୍ରଥମ ଥର ସରକାର ସଂସଦରେ ଏହାର ସ୍ଥିତିକୁ ନେଇ ଆଲୋଚନା କରିଛନ୍ତି। ଅଗଷ୍ଟଠାରୁ ଏବେ ପର୍ଯ୍ୟନ୍ତ କଶ୍ମୀରରେ ଅନୁପ୍ରବେଶର ୮୪ଟି ମାମଲା ସାମ୍ନାକୁ ଆସିଛି। ଅଗଷ୍ଟରୁ ଏପର୍ଯ୍ୟନ୍ତ ୫୯ ଆତଙ୍କବାଦୀ କଶ୍ମୀରରେ ଅନୁପ୍ରବେଶ ପାଇଁ ଉଦ୍ୟମ କରିଛନ୍ତି ବୋଲି ଲୋକ ସଭାରେ ସ୍ବରାଷ୍ଟ୍ର ରାଜ୍ୟମନ୍ତ୍ରୀ ଜି.କିଶନ ରେଡ୍ଡୀ କହିଛନ୍ତି। ଅନୁଚ୍ଛେଦ ୩୭୦ ହଟାଯିବା ପରେ ଘାଟିରେ ଆତଙ୍କବାଦୀ ଅନୁପ୍ରବେଶ ଘଟଣା ବୃଦ୍ଧି ପାଇଛି ବୋଲି କିଶନ ରେଡ୍ଡୀ କହିଛନ୍ତି। ଅପରପକ୍ଷରେ କଶ୍ମୀର ସ୍ଥିତି ଏବେ ସାମାନ୍ୟ ହେଉଛି ବୋଲି ସ୍ବରାଷ୍ଟ୍ରମନ୍ତ୍ରୀ ଅମିତ ଶାହ କହିଛନ୍ତି। ସମସ୍ତ ଥାନା ଅଞ୍ଚଳରେ କର୍ଫ୍ୟୁ ହଟାଇ ଦିଆଯାଇଥିବା ବେଳେ ସ୍ଥାନୀୟ ଲୋକେ ୧୪୪ ଧାରାରୁ ଆଶ୍ୱସ୍ତି ପାଇଛନ୍ତି। ଏଥିସହ ସେ ବିରୋଧୀଙ୍କୁ ଟାର୍ଗେଟ କରି କହିଛନ୍ତି, କିଛି ନେତାଙ୍କୁ ନଜରବନ୍ଦୀ ରଖାଯିବାରୁ କଶ୍ମୀରରେ ଶାନ୍ତି ବଜାୟ ରହିଛି। ହେଲେ ଅନ୍ୟ ଲୋକଙ୍କୁ କାହିଁକି କଷ୍ଟ ହେଉଛି ବୋଲି ଶାହ କହିଛନ୍ତି।
