୫ ରାଜ୍ୟରେ ଚାଲିଛି ଓଡ଼ିଆ ପାଠପଢ଼ା : ଅନ୍ୟ ରାଜ୍ୟର ଓଡ଼ିଆ ପିଲାଙ୍କ ପାଇଁ ହୋଇପାରୁନି ବ୍ୟବସ୍ଥା

ଭୁବନେଶ୍ୱର,୧୯।୮(ବ୍ୟୁରୋ) : ଓଡ଼ିଶାର ବହୁ ଲୋକ ଯାଇ ବାହାର ରାଜ୍ୟରେ ବସବାସ କରୁଛନ୍ତି। ଦେଶର ୨୮ଟି ରାଜ୍ୟ ମଧ୍ୟରୁ ମାତ୍ର ୫ଟି ରାଜ୍ୟରେ ରହୁଥିବା ଓଡ଼ିଆ ପରିବାରର ପିଲାମାନେ ନିଜ ମାତୃଭାଷାରେ ପାଠ ପଢିପାରୁଛନ୍ତି। ଅନ୍ୟ ରାଜ୍ୟଗୁଡିକରେ ସରକାର ଏଭଳି ବ୍ୟବସ୍ଥା କରିପାରିନାହାନ୍ତି। ଆନ୍ଧ୍ରପ୍ରଦେଶ, ଛତିଶଗଡ଼, ଝାଡ଼ଖଣ୍ଡ, ପଶ୍ଚିମବଙ୍ଗ ଏବଂ ଗୁଜରାଟରେ ଓଡ଼ିଆ ପିଲାମାନେ ନିଜ ମାତୃଭାଷା ପଢିପାରୁଛନ୍ତି। ସେଠାକାର ବିଦ୍ୟାଳୟଗୁଡିକରେ ଓଡ଼ିଆ ଶିକ୍ଷକଙ୍କୁ ମଧ୍ୟ ନିଯୁକ୍ତି ମିଳିଛି। ଜଣେ ସରକାରୀ ଅଧିକାରୀଙ୍କ କହିବାନୁଯାୟୀ, ଉତ୍କଳ ସମ୍ମିଳନୀ ଜରିଆରେ ହିଁ ଏହିସବୁ ରାଜ୍ୟରେ ଓଡ଼ିଆ ଶିକ୍ଷକ ନିଯୁକ୍ତି ଦିଆଯାଉଛି। କେବଳ ଝାଡ଼ଖଣ୍ଡରେ ସେଠାକାର ସରକାର ଓଡ଼ିଆ ଶିକ୍ଷକ ନିଯୁକ୍ତ କରୁଛନ୍ତି। ତେବେ ଅନ୍ୟ ରାଜ୍ୟଗୁଡିକରେ ରହୁଥିବା ଓଡ଼ିଆ ପିଲାଙ୍କ ପାଇଁ ଓଡ଼ିଶା ସରକାରଙ୍କ ତରଫରୁ ମାଗଣାରେ ବହି ପ୍ରଦାନ କରାଯାଉଥିବା ସ୍କୁଲ ଓ ଗଣଶିକ୍ଷା ସଚିବ ପ୍ରଦୀପ୍ତ ମହାପାତ୍ର କହିଛନ୍ତି। ମାତ୍ର ଆହୁରି ଅନେକ ରାଜ୍ୟରେ ବହୁ ଓଡ଼ିଆ ଲୋକ ବସବାସ କରୁଥିଲେ ହେଁ ସେମାନଙ୍କ ପିଲାମାନେ ଓଡ଼ିଆ ପଢିବାରୁ ବଞ୍ଚିତ ହେଉଛନ୍ତି। ରାଜ୍ୟ ସରକାର ଏ କ୍ଷେତ୍ରରେ କୌଣସି ପଦକ୍ଷେପ ନ ନେବା ଯୋଗୁ ବାଧ୍ୟ ହୋଇ ସେମାନେ ସ୍ଥାନୀୟ ଭାଷାକୁ ଆପଣାଉଥିବା ଜଣାପଡିଛି। ନିକଟରେ ରାଜ୍ୟ ସରକାର ସୁରଟରେ ୧୨ଟି ପ୍ରାଥମିକ ବିଦ୍ୟାଳୟ, ଉଚ୍ଚ ବିଦ୍ୟାଳୟ ଏବଂ ଯୁକ୍ତ ୨ କଲେଜ ଖୋଲିବା ପାଇଁ ନିଷ୍ପତ୍ତି ନେଇଛନ୍ତି। ମାତ୍ର ଆହୁରି ଅନେକ ରାଜ୍ୟ ରହିଛି ଯେଉଁଠାରେ ବହୁତ ଓଡିଆ ରହୁଥିଲେ ସୁଦ୍ଧା ଓଡ଼ିଶା ସରକାର ସେଠାକାର ଓଡ଼ିଶା ପିଲାଙ୍କ ପାଇଁ ଓଡ଼ିଆ ଭାଷା ପଢିବାର କୌଣସି ବ୍ୟବସ୍ଥା କରିନାହାନ୍ତି। ଦିଲ୍ଲୀ ଏନ୍‌ସିଆର୍‌ରେ ପ୍ରାୟ ୧୪ଲକ୍ଷ ପାଖାପାଖି ଓଡିଆ ପରିବାର ରହୁଥିବା ସୂଚନା ମିଳିଛି। ହେଲେ ସେହି ପରିବାରର ପିଲାଙ୍କୁ ଓଡିଆ ଶିକ୍ଷା ଦେବା ସକାଶେ ଓଡ଼ିଶା ସରକାର କୌଣସି ପଦକ୍ଷେପ ଗ୍ରହଣ କରିନାହାନ୍ତି। ଆସ ଶିଖିବା ଆମରି ଭାଷା ନାମରେ ଏକ କାର୍ଯ୍ୟକ୍ରମ କରି ଏକ ସଙ୍ଗଠନ ପକ୍ଷରୁ ଓଡିଆ ଶିକ୍ଷା ପ୍ରଦାନ କରାଯାଉଛି। କିନ୍ତୁ ଦିଲ୍ଲୀ ସରକାରଙ୍କ ନିକଟରେ ଦାବି ଜଣାଇ ସେଠାକାର ସମସ୍ତ ସ୍କୁଲରେ ଓଡ଼ିଆ ଭାଷା ରଖିବା ପାଇଁ କୌଣସି ବ୍ୟବସ୍ଥା ନ ଥିବା ଜଣାପଡିଛି। ମାତ୍ର ଅନ୍ୟ ରାଜ୍ୟର ସରକାର ଦିଲ୍ଲୀରେ ନିଜ ନିଜର ସ୍କୁଲ ଖୋଲିଛନ୍ତି। କେରଳ, ପଶ୍ଚିମବଙ୍ଗ, ପଞ୍ଜାବ ଏବଂ ଗୁଜରାଟ ଭଳି ରାଜ୍ୟର ସରକାରଙ୍କ ପକ୍ଷରୁ ଦିଲ୍ଲୀରେ ସ୍କୁଲ ପ୍ରତିଷ୍ଠା କରାଯାଇଛି। ସେହି ସ୍କୁଲଗୁଡିକ ଇଂରାଜୀ ମିଡିୟମ ହୋଇଥିଲେ ମଧ୍ୟ ନିଜ ଭାଷା ପଢିବା ବାଧ୍ୟତାମୂଳକ କରାଯାଇଛି। ଆସ ଶିଖିବା ଆମରି ଭାଷା କାର୍ଯ୍ୟକ୍ରମର ଆବାହକ ଦେବେନ୍ଦ୍ର ରାଉତ କହିଛନ୍ତି, ଦିଲ୍ଲୀର ବିଭିନ୍ନ ଅଞ୍ଚଳରେ ଆମ ସଙ୍ଗଠନ ପକ୍ଷରୁ ପ୍ରତ୍ୟେକ ରବିବାର ୨ ଘଣ୍ଟା ଲେଖା ଓଡ଼ିଆ ପାଠପଢ଼ା ଯାଉଛି। ଏହି ବ୍ୟବସ୍ଥାକୁ ଦୂରନିରନ୍ତର ଶିକ୍ଷା ଦେବା ସକାଶେ ଦୀର୍ଘଦିନ ହେବ ରାଜ୍ୟ ସରକାରଙ୍କୁ ଆମେ ଦାବି କରିଆସୁଛୁ। ହେଲେ ସରକାର ଏ ଦିଗରେ କୌଣସି ପଦକ୍ଷେପ ନେଉନାହାନ୍ତି। ୨୦୧୨ ମସିହାରୁ ଏହି ଦାବି କରିଆସୁଥିଲେ ସୁଦ୍ଧା ସରକାର କେବଳ ଥରେ ବହି ପଠାଇଦେଇ ଚୁପ୍‌ ବସିପଡିଛନ୍ତି। ଏବେ ଓଡିଆ ବହି ମଧ୍ୟ ଆଉ ଦେଉନାହାନ୍ତି। ଅନ୍ୟ ରାଜ୍ୟର ସରକାରଙ୍କ ତରଫରୁ ଏଠାରେ ସ୍କୁଲ ଖୋଲାଯାଇ ସେମାନଙ୍କ ପିଲାଙ୍କୁ ନିଜ ଭାଷାରେ ପଢିବାକୁ ସୁଯୋଗ ଦିଆଯାଉଛି। ହେଲେ ଓଡିଆ ପିଲାମାନେ ବର୍ତ୍ତମାନ ବାଧ୍ୟ ହୋଇ ଦିଲ୍ଲୀକୁ ନିଜର ମାତୃଭାଷା କରିବା ପାଇଁ ବାଧ୍ୟ ହେଉଛନ୍ତି।
ସରକାରଙ୍କ ବ୍ୟବସ୍ଥା ଅନୁଯାୟୀ ବାହାର ରାଜ୍ୟରେ ରହୁଥିବା ଓଡ଼ିଆ ଲୋକଙ୍କ ପିଲାମାନେ ଯଦି ଓଡ଼ିଆ ପାଠପଢ଼ି ନ ଥିବେ ସେମାନେ ଏଠାରେ ଚାକିରି କରିପାରିବେ ନାହିଁ। ସେଥିପାଇଁ ସରକାରଙ୍କ ତରଫରୁ ଏକ ବ୍ୟବସ୍ଥା ରହିଛି। ବର୍ଷକୁ ଦୁଇ ଥର ଓଡ଼ିଆରେ ଏକ ପରୀକ୍ଷା ସରକାରଙ୍କ ପକ୍ଷରୁ କରାଯାଉଛି। ଏହି ପରୀକ୍ଷାରେ ଯଦି ଛାତ୍ରୀଛାତ୍ର ପାସ୍‌ କରନ୍ତି ତେବେ ସେମାନେ ଓଡ଼ିଶାରେ ଚାକିରି କରିପାରିବେ। ମାତ୍ର ବହୁ ପିଲା ଏହି ସମୟ ମଧ୍ୟରେ ଆସି ପରୀକ୍ଷା ଦେବାରେ ବିଫଳ ହେଉଥିବା ଅଭିଯୋଗ ହେଉଛି। ଏହାକୁ ନେଇ ମଧ୍ୟ ବହୁ ପିଲା ଅଭିଯୋଗ କରିଛନ୍ତି। ତେବେ ଏନେଇ ପ୍ରଦୀପ୍ତ ମହାପାତ୍ର କହିଛନ୍ତି, ଦିଲ୍ଲୀଠାରେ ଏକ ସେଣ୍ଟର କରାଯିବ। ଓଡ଼ିଆ ଭାଷାରେ ପରୀକ୍ଷା ଦେବା ପାଇଁ ସେଠାରୁ ପିଲାଙ୍କୁ ଓଡ଼ିଶା ଆସିବାକୁ ପଡୁଛି। ସେମାନେ ଆଗକୁ ସେଠାରେ ଖୋଲାଯିବାକୁ ଥିବା ସେଣ୍ଟରରେ କିପରି ପରୀକ୍ଷା ଦେବେ ସେନେଇ ବ୍ୟବସ୍ଥା କରାଯାଉଛି। ୫ଟି ରାଜ୍ୟରେ ଓଡ଼ିଆ ପାଠପଢା ଚାଲିଥିବା ବେଳେ ଅନ୍ୟ ରାଜ୍ୟରେ ସରକାରଙ୍କ ତରଫରୁ ବହି ପ୍ରଦାନ କରାଯାଉଛି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବଡ଼ ଗୁମର ଖୋଲିଲେ ଆର୍ଯ୍ୟବୀର ସେହ୍ବାଗ: ଯନ୍ତ୍ରଣାରେ ଛଟପଟ ହେଉଥିଲେ….

ନୂଆଦିଲ୍ଲୀ,୧୭।୧୧: କ୍ରିକେଟ ପଡ଼ିଆରେ ଲଢ଼େଇ କେବଳ ବ୍ୟାଟ ଓ ବଲ୍‌ରେ ହୁଏ ନାହିଁ, ବେଳେବେଳେ ମନୋବଳ ଓ ଈଶ୍ୱରଙ୍କ ଉପରେ ବିଶ୍ୱାସ ମଧ୍ୟ ବଡ଼ ଭୂମିକା ନିଭାଇଥାଏ।…

ସୁନା, ରୁପା ମୂଲ୍ୟରେ ଲଗାତର ହ୍ରାସ

ନୂଆଦିଲ୍ଲୀ,୧୭ା୧୧: ଗତ କିଛିଦିନ ଧରି ସୁନା ଓ ରୁପା ମୂଲ୍ୟ ହ୍ରାସ ପାଇ ଆସିଥିଲା ବେଳେ ସୋମବାର ଉଭୟ ଧାତୁ ମୂଲ୍ୟରେ ପୁଣି ହ୍ରାସ ଘଟିଛି। ଗତ…

ନ୍ୟୁଜିଲାଣ୍ଡକୁ ୪୪୦ ଭୋଲ୍ଟର ଝଟ୍‌କା: ଭାରତ ବିପକ୍ଷ ଟେଷ୍ଟ ସିରିଜ ଆରମ୍ଭ ହେବା ପୂର୍ବରୁ ବାଦ୍‌ ପଡ଼ିଲେ ଏହି ଖେଳାଳି

ନୂଆଦିଲ୍ଲୀ,୧୭।୧୧: ଭାରତ ବିପକ୍ଷ ଟେଷ୍ଟ ସିରିଜ ଆରମ୍ଭ ହେବା ପୂର୍ବରୁ ନ୍ୟୁଜିଲାଣ୍ଡକୁ ଶକ୍ତ ଧକ୍କା ଲାଗିଛି। ନଭେମ୍ବର ୧୫ରେ ଖେଳାଯାଇଥିବା ପଞ୍ଚମ ଦିନିକିଆ ମ୍ୟାଚ୍‌ରେ ଆହତ ହୋଇଥିବା…

ଜୀବନ୍ତ ଫେରି ନ ପାରେ: ଇମ୍ରାନ୍‌ ଖାନ୍‌

ଇସ୍‌ଲାମାବାଦ,୧୭ା୧୧(ପି.ଟି.): ଜେଲରେ ଥିବା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ ଦେଶର ପ୍ରଧାନ ବିଚାରପତି ଏବଂ ଅନ୍ୟ ମୁଖ୍ୟ ବିଚାରପତିମାନଙ୍କୁ ଏକ ଖୋଲା ଚିଠି ଲେଖି ତାଙ୍କ…

ମା’ଙ୍କ ପୁସ୍ତକ ଉନ୍ମୋଚନ ବେଳେ ରାହୁଲ ଭାବବିହ୍ବଳ

ନୂଆଦିଲ୍ଲୀ,୧୭ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ଲିଖିତ ଜୀବନୀ ପୁସ୍ତକ ‘ବିଲଙ୍ଗିଙ୍ଗ୍‌: ଏ ଜର୍ନି ଅଫ୍‌ ଲଭ୍‌’ର ଆନୁଷ୍ଠାନିକ ଉନ୍ମୋଚନ ସୋମବାର ନୂଆଦିଲ୍ଲୀରେ ହୋଇଛି। ଏହି କାର୍ଯ୍ୟକ୍ରମରେ…

ଆଜି ଭୀଷଣ ବାତ୍ୟା: ୨୦ରେ ସ୍ଥଳଭାଗ ଛୁଇଁବ, ଏହି ଦିନଠାରୁ ବଢିବ ବର୍ଷା

ଭୁବନେଶ୍ୱର, ୧୭ା୧୧(ସୌମ୍ୟରଞ୍ଜନ ରାଉତ):ବଙ୍ଗୋପସାଗରରେ ଘନୀଭୂତ ହେଉଛି ଗଭୀର ଅବପାତ। ଆଗାମୀ କିଛି ଘଣ୍ଟା ମଧ୍ୟରେ ଏହା ବାତ୍ୟାର ରୂପ ନେବା ସହ ୧୭ ତାରିଖ ସା ସୁଦ୍ଧା…

ଏଆଇ ଯୋଗାଣ ଶୃଙ୍ଖଳ ସୁରକ୍ଷା ଘୋଷଣାନାମାରେ ଭାରତର ସ୍ବାକ୍ଷର

ଓ୍ବାଶିଂଟନ,୧୭ା୧୧(ପି.ଟି.): ନୂତନ ପ୍ରଯୁକ୍ତିବିଦ୍ୟା କ୍ଷେତ୍ରରେ ଚାଇନା ସହ ବଢ଼ୁଥିବା ପ୍ରତିଦ୍ୱନ୍ଦ୍ୱିତାକୁ ଦୃଷ୍ଟିରେ ରଖି କୃତ୍ରିମ ବୁଦ୍ଧିମତ୍ତା (ଏଆଇ) ସମ୍ବନ୍ଧୀୟ ସାମଗ୍ରୀ ଓ ବ୍ୟବସ୍ଥାର ଯୋଗାଣ ଶୃଙ୍ଖଳକୁ ସୁରକ୍ଷିତ…

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?