୪୮୩ ହେକ୍ଟର ଜମିକୁ ଜଳସେଚନ ଲକ୍ଷ୍ୟ

ଭଞ୍ଜନଗର,୧୮।୪(ଡି.ଏନ.ଏ)- ଯେଉଁ ଅଞ୍ଚଳରେ ଚାଷ ଜମିକୁ କେନାଲ ପାଣି ସୁବିଧା ନାହିଁ, ସେଠି ବୃହତ୍‌ ଉଠା ଜଳସେଚନ ମାଧ୍ୟମରେ ପାଣି ଯୋଗାଣ ପାଇଁ ରାଜ୍ୟ ସରକାରଙ୍କ ପକ୍ଷରୁ ପଦକ୍ଷେପ ନିଆଯାଇଛି। ଏହିଭଳି ଗଞ୍ଜାମ ଜିଲାରେ ୧୪ ବୃହତ୍‌ ଉଠା ଜଳସେଚନ ପ୍ରକଳ୍ପ କାର୍ଯ୍ୟକାରୀ ହେଉଛି। ସେଥିମଧ୍ୟରୁ ୭ ପ୍ରକଳ୍ପ କାମ ସରିଛି। ୧୪ ପ୍ରକଳ୍ପ ପାଇଁ ପ୍ରାୟ ୫ଶହ କୋଟି ଟଙ୍କା ବ୍ୟୟ କରାଯାଇ ୪୮୩ ହେକ୍ଟର ଜମିକୁ ଜଳସେଚନ ଲକ୍ଷ୍ୟ ରଖାଯାଇଛି। ଖରିଫ ସମେତ ରବିରେ ମଧ୍ୟ ଜମିକୁ ପାଇପ ଯୋଗେ ପାଣି ଯୋଗାଣ ଲକ୍ଷ୍ୟ ରଖାଯାଇଛି। ଇନଟେକ୍‌ୱେଲର ପାଣି ମହଜୁଦ୍‌କୁ ଦେଖି ପାଣି ଯୋଗାଇ ଦିଆଯିବ। ଖରିଫରେ ପାଣି ଯୋଗାଣରେ ବିଶେଷ ଅସୁବିଧା ହେବ ନାହିଁ। କିନ୍ତୁ ରବିରେ ଇନଟେକ୍‌ୱେଲରେ ପାଣି ରହିଲେ ହିଁ ପାଣି ଯୋଗାଇ ଦିଆଯିବ। ଚଳିତ ଖରିଫ ଋତୁରେ ପୂର୍ଣ୍ଣାଙ୍ଗ ହୋଇଥିବା ପ୍ରକଳ୍ପ ଗୁଡିକ ଉଦ୍‌ଘାଟନ ପରେ ଜମିକୁ ପାଣି ଯୋଗାଣ ଲକ୍ଷ୍ୟ ରଖାଯାଇଛି। ପାଣି ଯୋଗାଣ ହେଲେ ଚାଷୀମାନେ ପ୍ରକଳ୍ପର ଫାଇଦା ନେବେ। ପ୍ରକାଶ ଯେ,ଗଞ୍ଜାମ ଜିଲାରେ ବାରମ୍ବାର ବନ୍ୟା, ବାତ୍ୟା ସହ ମରୁଡି ଯୋଗୁ ବିଗତ କିଛିବର୍ଷ ହେବ ଚାଷୀମାନେ କ୍ଷତି ସହୁଛନ୍ତି। ତେଣୁ ସରକାରଙ୍କ ପକ୍ଷରୁ ମରୁଡି ମୁକାବିଲା ସହ ଅଧିକ ଅଞ୍ଚଳକୁ ଜଳସେଚନ ଲକ୍ଷ୍ୟ ନେଇ ବୃହତ ଉଠା ଜଳସେଚନ ପ୍ରକଳ୍ପ କାମ ଆରମ୍ଭ କରିଛନ୍ତି ା ଗଞ୍ଜାମ ଜିଲାର ଭଞ୍ଜନଗର ବ୍ଲକ ଗଣ୍ଡିଶୁଳା, ହରିଗଡ, ଗାଲେରୀ ଠାରେ ୩ଟି ପ୍ରକଳ୍ପ କାର୍ଯ୍ୟକାରୀ ହେଉଛି। ଉକ୍ତ ପ୍ରକଳ୍ପକୁ ଗ୍ରୀଡ୍‌ରୁ ସିଧା ବିଦ୍ୟୁତ୍‌ ଯୋଗାଣ ବ୍ୟବସ୍ଥା ହେଉଛି। ଗାଲେରୀ ଓ ହରିଗଡ ପ୍ରକଳ୍ପ କାମ ପୂର୍ଣ୍ଣାଙ୍ଗ ହୋଇଥିବା ବେଳେ ଗଣ୍ଡିଶୁଳା ପମ୍ପ ହାଉସ କାମ ଚଳିତ ମାସ ଶେଷ ସୁଧା ସରିବା ଲକ୍ଷ୍ୟ ରଖାଯାଇଛି। ପାଇପ୍‌ କେଉଁ ଅଞ୍ଚଳରେ ବିଛାଯିବ ସେନେଇ ଚୂଡାନ୍ତ ହୋଇ ପାରିନାହିଁ। ତାହା ଚୁଡାନ୍ତ ହେଲେ ପାଇପ୍‌ ବିଛାଯିବ। ଏହି ପ୍ରକଳ୍ପର ଫାଇଦା ମୁଜାଗଡ ଓ ଗୁଣ୍ଡିରିବାଡି ପଞ୍ଚାୟତବାସୀ ପାଇବେ। ୩ଟି ଯାକ ପ୍ରକଳ୍ପ କାର୍ଯ୍ୟକାରୀ ହେଲେ ପ୍ରାୟ ୧୫୦ ହେକ୍ଟର ଜମିକୁ ଜଳସେଚନ ହେବ। ସେହିଭଳି ହନୁମନ୍ତପଲ୍ଲୀ, ମାଧବରିଡା, ପାଟପୁର, ସୋରଡା ପ୍ରକଳ୍ପ କାମ ସରିଛି। ମୁର୍ଗାପଲ୍ଲୀ, ଗୋକୁଳପୁର, ହରିପୁର, କଳିଙ୍ଗଦୋଳା, ଦେଉଳପଲ୍ଲୀ ୧ ଓ ୨ ପ୍ରମୁଖ ପ୍ରକଳ୍ପ କାମ ଚାଲିଛି। ଗତବର୍ଷ ଗାଲେରୀ ପ୍ରକଳ୍ପ ପାଇଁ ଥିବା ପାଇପ୍‌ରେ କୌଣସି ଦୁର୍ବୃତ୍ତ ନିଆଁ ଲଗାଇ ଦେଇଥିଲେ। ଫଳରେ ୧ କୋଟିରୁ ଊର୍ଦ୍ଧ୍ୱ ଟଙ୍କାର ପାଇପ ପୋଡିଯାଇଥିଲା। ଏନେଇ ଗାଲେରୀ ପୋଲିସ ଏକ ମାମଲା ସେ ସମୟରେ ରୁଜୁ କରିଥିଲେ ମଧ୍ୟ ଆଜିପର୍ଯ୍ୟନ୍ତ ଅଭିଯୁକ୍ତଙ୍କୁ ଚିହ୍ନଟ କରି ପାରିନାହିଁ। କମ୍ପାନୀର କ୍ଷତି ଯୋଗୁ କାମ ମଝିରେ ଧିମା ହୋଇଯାଇଥିଲା। ବର୍ତ୍ତମାନ ପୁଣି ସ୍ବାଭାବିକ ଭାବେ ଚାଲିଛି। ଖରିଫ ଫସଲ ଆରମ୍ଭ ପୂର୍ବରୁ ପ୍ରକଳ୍ପଗୁଡିକ ପୂର୍ଣ୍ଣାଙ୍ଗ କରି ପାଣି ଯୋଗାଇବା ବ୍ୟବସ୍ଥା କରିବା ପାଇଁ ଚାଷୀ ମହଲରେ ଦାବି ହୋଇଛି। ୧୪ଟି ଯାକ ପ୍ରକଳ୍ପ କାମ ରାଜ୍ୟ ବାହାରର ଏକ କମ୍ପାନୀ ନେଇଛି। ଗଣ୍ଡିଶୁଳା ପ୍ରକଳ୍ପ ଦାୟିତ୍ୱରେ ଥିବା ଜଣେ ଯନ୍ତ୍ରୀ ଏଠାରେ କହିଛନ୍ତି ଯେ, କାମ ସରିବା ପରେ ସରକାରଙ୍କୁ ପ୍ରକଳ୍ପ ହସ୍ତାନ୍ତର କରାଯିବ। କେତକ ପ୍ରକଳ୍ପ କାମର ପାଇପ ବିଛା ହୋଇନାହିଁ। ଆଗାମୀ ଦିନରେ ତାହା ପୂର୍ଣ୍ଣାଙ୍ଗ ହେବ। ବିଭିନ୍ନ କାରଣ ଯୋଗୁ କିଛି ପ୍ରକଳ୍ପ କାମ ଧିମେଇ ଯାଇଥିଲା। ନିର୍ଦ୍ଧାରିତ ସମୟରେ ପ୍ରକଳ୍ପ କାମଗୁଡିକ ପୂର୍ଣ୍ଣାଙ୍ଗ କରାଯିବ।


Enter your email to get our daily news in your inbox.

All Right Reserved By Dharitri.Com

ଅକ୍ବାନ ପ୍ରଭାବରେ ଦିଗପହଣ୍ଡି ଜଳବନ୍ଦୀ, ବସ୍‌ଷ୍ଟାଣ୍ଡ ସମେତ ବିଭିନ୍ନ ସାହିରେ ପଶିଲା ନର୍ଦ୍ଦମା ପାଣି

ଦିଗପହଣ୍ଡି,୨୦।୧୧(ଅଶେଷ ନାଥ ମିଶ୍ର): ଅକ୍ୱାନ ପ୍ରଭାବରେ ଦିଗପହଣ୍ଡିରେ ତୁହାକୁ ତୁହା ବର୍ଷା ଜାରି ରହିଛି । ଲଗାଣ ବର୍ଷା ଯୋଗୁଁ ଶୁକ୍ରବାର ଦିଗପହଣ୍ଡି ସହର ଉବୁ ଟୁବୁ…

ବାତ୍ୟା ‘ଅକ୍ୱାନ’ ପାଇଁ ସଜାଗ ଗଞ୍ଜାମ ଏନ୍‌ଏସି: ଥଇଥାନ ବ୍ୟକ୍ତିଙ୍କୁ କମ୍ବଳ ବାଣ୍ଟିଲେ ଇଓ, ୧୦୨ ଜଣଙ୍କୁ ଦିଆଯାଉଛି ରନ୍ଧା ଖାଦ୍ୟ

ଗଞ୍ଜାମ, ୧୯।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’ ବେଳକୁ ବେଳ ଉଗ୍ର ରୂପ ଧାରଣ କରୁଥିବା ବେଳେ ଆସନ୍ତାକାଲି ପୂର୍ବାହ୍ନରେ ଏହା ସ୍ଥଳଭାଗ ଛୁଇଁବ ବୋଲି…

ବାତ୍ୟା ‘ଅକ୍ୱାନ’ ପାଇଁ ବଡ଼ ନିଷ୍ପତ୍ତି: ଗଞ୍ଜାମରେ ଆସନ୍ତାକାଲି ଗଡ଼ିବନି ବସ୍ କି ଟ୍ରକ୍

ଛତ୍ରପୁର, ୧୯।୧୧ (ଦିଲ୍ଲୀପ ସାମଲ): ସମ୍ଭାବ୍ୟ ବାତ୍ୟା ‘ଅକ୍ୱାନ’ର ମୁକାବିଲା ଏବଂ ଜନସାଧାରଣଙ୍କ ଧନଜୀବନ ସୁରକ୍ଷାକୁ ଦୃଷ୍ଟିରେ ରଖି ଗଞ୍ଜାମ ଜିଲା ପ୍ରଶାସନ ପକ୍ଷରୁ ବଡ଼ ପଦକ୍ଷେପ…

ବାତ୍ୟା ପାଇଁ ହାଇଆଲର୍ଟ: ଡହ-ଭଞ୍ଜନଗର ଜଳଭଣ୍ଡାର ପରିଦର୍ଶନ ସ୍ଥିତି ପରଖିଲେ ପରିବହନ ମନ୍ତ୍ରୀ

ଭଞ୍ଜନଗର, ୧୯।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଗୁରୁବାର ରାତିରେ ଗୋପାଳପୁର ନିକଟରେ ସ୍ଥଳଭାଗ ଛୁଇଁବାର ଆଶଙ୍କା ଥିବାରୁ ପ୍ରଶାସନ ପକ୍ଷରୁ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ…

ମାଡ଼ି ଆସୁଛି ବାତ୍ୟା ‘ଅକ୍ୱାନ’: ଆତଙ୍କିତ ସମୁଦ୍ର ତଟବର୍ତ୍ତୀ ଅଞ୍ଚଳବାସୀ

ଗଞ୍ଜାମ,୧୯।୧୧(ବିଦ୍ୟାଧର ସାହୁ ): ବାତ୍ୟା ଅର୍ଣ୍ଣବର ତାଣ୍ଡବ ଲୋକଙ୍କ ମନରୁ ଲିଭି ନ ଥିବା ବେଳେ ବାତ୍ୟା ଅକ୍ୱାନକୁ ନେଇ ଚିନ୍ତାରେ ଅଞ୍ଚଳବାସୀ l ବାତ୍ୟା ଅକ୍ୱାନ…

ଅଶାନ୍ତ ସମୁଦ୍ରରେ ଫସିଲେ ଆନ୍ଧ୍ର ମତ୍ସ୍ୟଜୀବୀ, ସହଯୋଗର ହାତ ବଢ଼ାଇଲା ଗଞ୍ଜାମ ପ୍ରଶାସନ

ଛତ୍ରପୁର,୧୯।୧୧(ଦିଲ୍ଲୀପି ସାମଲ): ସମ୍ଭାବ୍ୟ ବାତ୍ୟା ଓ ସମୁଦ୍ରର ଅଶାନ୍ତ ପରିସ୍ଥିତି ଯୋଗୁ ନିଜ ଅଞ୍ଚଳକୁ ଫେରି ନ ପାରି ଓଡ଼ିଶା ଉପକୂଳରେ ଆଶ୍ରୟ ନେଇଛନ୍ତି ଆନ୍ଧ୍ରପ୍ରଦେଶର ମତ୍ସ୍ୟଜୀବୀ।…

ଅକ୍ବାନ ପ୍ରସ୍ତୁତି ସମୀକ୍ଷା କଲେ ମନ୍ତ୍ରୀ ବିଭୂତି ଜେନା; ଗଞ୍ଜାମରେ ହାଇଆଲର୍ଟ, ୮୪ ହଜାରରୁ ଊର୍ଦ୍ଧ୍ୱ ଲୋକ ସ୍ଥାନାନ୍ତର

ଛତ୍ରପୁର,୧୯ା୧୧( ଦିଲ୍ଲୀପ ସାମଲ): ସମ୍ଭାବ୍ୟ ବାତ୍ୟା ଅକ୍ବାନର ମୁକାବିଲା ପାଇଁ ଗଞ୍ଜାମ ଜିଲା ପ୍ରଶାସନର ପ୍ରସ୍ତୁତି ସମୀକ୍ଷା କରିଛନ୍ତି ବାଣିଜ୍ୟ ଓ ପରିବହନ, ଇସ୍ପାତ ଓ ଖଣି…

ବାତ୍ୟା ମୁକାବିଲା ପାଇଁ ସମସ୍ତ ବିଭାଗ ତତ୍ପର: ଚାଷୀଙ୍କୁ ସଚେତନ କଲା କୃଷି ବିଜ୍ଞାନ କେନ୍ଦ୍ର, ରାତି ଉଜାଗର ପରେ…

ଭଞ୍ଜନଗର,୧୯ା୧୧(ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ମୁକାବିଲା କରିବା ପାଇଁ ଭଞ୍ଜନଗର ଉପଖଣ୍ଡ ପ୍ରଶାସନ ସମେତ ସମସ୍ତ ବିଭାଗ ତତ୍ପର ହୋଇପଡ଼ିଛନ୍ତି। ଲୋକଙ୍କ ଧନଜୀବନ ସୁରକ୍ଷାକୁ ପ୍ରାଥମିକତା ଦେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?